येरमीया 13:16 - Sunuwar Bible

¹⁶ मिनु “गे परमप्रभु यावे, इन परमप्रभुम छिङछिङ चाक्‍चा क्‍येङा ङोंइती मेको कली ‘ठेयब सेलीन’। नां रिक्‍चा क्‍‍येङा ङोंइती डांडा मेर इन खोइल दाइल पाइक्‍चा क्‍येङा ङोंइती मेको कली ‘परमप्रभु यावे ठेयब बाक्‍ब’ देनीन। गे हाम्‍सो आस पाइनीनी, तन्‍न मेकोमी छिङछिङ सेल्‍शा थम क्‍येर सेल्‍ब।

येरमीया 13:16 ပူးပေါင်းရင်းမြစ်များ

अय्‍युब 3:5

मेको नाक्‍ती कली क्‍येर छिङछिङम सुमल। मेको गोस्‍सुम सुम‍ल। मेको आ छिङछिङ हिंचा ङा दुम्‍ल।

भजन संग्रह 107:10

का निक्‍शी श्‍येत जशा छिङछिङम बाक्‍तेक्‍म। चोक्‍चा पुंइसीशोपुकी साङलोम पाइक्‍चा पुंइसीशा, श्‍येत जशो बाक्‍तेक्‍म।

भजन संग्रह 107:14

मेकोमी मेको आन कली आन श्‍येत नु छिङछिङ रे ग्रुंइताक्‍मी। मिनु मेको आन साङलो प्रोइक्‍तु।

भजन संग्रह 29:2

गे परमप्रभु यावे कली “इन नें नेल्‍ल आन क्‍येङा ठेयब बाक्‍ब” देनीन। गे परमप्रभु यावे आ दाक्‍तीकेमी ग्‍योम्‍सीशा परमप्रभु यावे आ ङोंइती बाप्‍पीन।

भजन संग्रह 44:19

तन्‍न गे आंइ कली फस पोक्‍शा, सिवार आन बाक्‍तीक खोदेंशो पा छिङछिङमी सुम्‍तीनी।

प्रस्‍थान 10:21

मिनु परमप्रभु यावेमी मोसा कली “इ गुइ सरीङ गे पोक्‍को। मो पवीनु, इजीप्‍त रागीम हिंचा ङा पा छिङछिङ दुम्‍ब” दे माइक्‍तु।

हितोपदेस 4:19

परमप्रभु यावे आ अरेशो मटीब आन लां क्‍येर नाक्‍दो ङा छिङछिङ खोदेंशो बाक्‍ब। मेकोपुकीम मारेइमी दाइल पाइक्‍नीम, दे मतुइक्‍नीम।

उपदेसक 11:8

मुर शुश बर्स ब्रोंइत हना यो, मेको आ ब्रोंइतीकेमी ग्‍येरसेक्‍ल। तन्‍न मेकोमी छिङछिङ ङा नाक्‍त कली यो मिम्‍तल। मारदे हना मेको शुश बाक्‍नीम। मुल दुम्‍ब मारेइ मारेइ जाम्‍शा लाइब बाक्‍नीम।

यसैया 5:30

मेको नाक्‍ती समुन्‍द्र ङा ब्‍वाक्‍कु ग्रीशो खोदेंशो पा, इस्राएल ङा मुर आन तारी रेयके पाइनीम। सुइम मेकेर कोव़तेक्‍म हना, छिङछिङ नु श्‍येत ला ताइनीम। गोस्‍सुमी छेङछेङ कली सुम्‍ब।

यसैया 59:10

मिक्‍च मताइब खोदेंशो पा गारो सुल्‍शा गाक्‍नीकी। मिक्‍च मपाइश्‍शो मुर खोदेंशो पा सुल्‍‍नीकी। नाक्‍दो खोदेंशो पा नाक्‍ती यो दाइल पांइ‍सीनीकी। गो बोल्‍यो मुर आन दातेम बेक्‍शो मुर खोदेंशो दुम्‍तक। ब्‍यवस्‍था २८:२९

यसैया 59:9

मोपतीके ठीक निसाफ पतीके आंइ क्‍येङा ङोन बाक्‍ब। गो ठीक पतीके मताइनीकी। गोपुकी छेङछेङ ङा लां कली कोव़नीकी, तन्‍न छिङछिङ ला बाक्‍ब। गो नाक्‍त ङा हाम्‍सो माल्‍नीकी, तन्‍न छिङछिङ ला बाक्‍ब।

यसैया 60:2

छिङछिङम रागी कली सुम्‍तु। क्‍येर नाक्‍दोमी जात जात ङा मुर आन कली सुम्‍तु। तन्‍न परमप्रभु यावे इ तारी ग्रूब। आ छेङछेङ इ तारी तांइसीब।

यसैया 8:22

मेकोपुकीमी खप गे कोव़शा, आन पिया खुक्‍नीम। मिनु मेकेर श्‍येत नु छिङछिङ ताइनीम। हिंचा ङा श्‍येत थम क्‍येर नाक्‍दो ला ताइनीम। मेको आन दातेम छेङछेङ मबाक्‍ब। मिनु आन थुं लुक्‍च लाइब।

येरमीया 14:19

मिनु गो “मार, गे यहूदा कली थमा पा प्रोंइने थुम्‍शो बाक्‍नीनी? मार, गे सियोन कली ग्रांग्रा दिश्‍शो बाक्‍नीनी? गे आंइ कली मारदे मसापाइक्‍चा ङा पा तुप्‍नी? गोपुकी थुं नाइश्‍शा बाक्‍तीक आस पाइतक, तन्‍न मारेइ रिम्‍शो मदुम। सानीकी कों दे आंस पाइतक, तन्‍न हिंतीक कका जाक्‍त। येरमीया ८:१५

येरमीया 2:6

मेकोपुकीमी ‘आंइ कली इजीप्‍त रागी रे ग्रुंइब परमप्रभु यावे ते बाक्‍बा? मेकोमी आंइ कली गोरशो रागीम लां कोंइशा गाक्‍पाइक्‍तु। मेको मुर मबाक्‍तीक गोरशो रागी नु शुश खाल्‍टा बाक्‍शो रागी बाक्‍त। ब्‍वाक्‍कु मबाक्‍शो नु छिङछिङ ङा रागी बाक्‍त। मेको सुइ मगाक्‍तीक नु सुइ मुर मबाक्‍तीक रागी बाक्‍त’ देंतेक्‍म। ब्‍यवस्‍था ८:१५

येरमीया 23:12

मोपतीके मेको आन लां छिङछिङ दुम्‍शा ग्रेक्‍ब दुम्‍ब। मिनु मेकोपुकी मेकेर गाक्‍मानु, ग्रेक्‍शा गोल्‍नीम। मारदे हना गो मेको आन कली सजाइ ततीक बर्सम ठेयब श्‍‍येत गेनुङ। येरमीया १३:१६; बजन संग्रह ३५:६

येरमीया 4:23

मिनु “गो रागी कली कोव़ता। मेको मारेइ मबा। मिनु मेकेर नेल्‍ल श्‍येत्‍थ बाक्‍त। मिनु सरीङ गे कोव़ङुनु, मेकेर मारेइ छेङछेङ मबाक्‍म। उत्‍पत्ती १:२

येरमीया 50:6

आं मुरपुकी जाम्‍शो भेडा खोदेंशो बाक्‍तेक्‍म। मेको आन गोठलापुकीम मेको आन कली हेंथे गाक्‍पाइश्‍शो बाक्‍तेक्‍म। मिनु मेको आन कली डांडा मेर हिरपाइश्‍शो बाक्‍तेक्‍म। मेकोपुकी डांडा पहाड सम्‍म हिरसाक्‍म। मिनु आन गोठ प्रेंताक्‍मे। येरमीया २३:१

येरमीया 6:21

मोपतीके परमप्रभु यावेम मार, देंत देंशा हना “कोव़ङीन, गो एको मुर आन ङोंइती दाइल पाइक्‍तीके थोव़क वोइक्‍नुङ। मिनु आम आफ, आलपुकी कालेम नु आन नेक्‍था ङा मुर नु आन वारच काले‍म खतम दुम्‍नीम” देंत।

येरमीया 8:15

गोपुकीम थुं नाइश्‍शा बाक्‍तीक आस पाइतय। तन्‍न मारेइ रिम्‍शो मदुम। साचा आ पर्बम रिम्‍ताक्‍य। तन्‍न शुश हिंतीक ला दुम्‍त” देंतेक्‍म। येरमीया १४:१९

बिलाप 4:17

वारच पाइब जाक्‍बा, कों देंशा लां कोव़शा मिक्‍च चोप्‍तु। रागी कामी आंइ कली वारच पाइबा कों, दे कोव़शा बाक्‍तक। तन्‍न मेकोमी आंइ कली प्रोंइने मचब।

इजीकीएल 21:15

मोपतीके थुं लुक्‍च लाइनीम। मिनु शुश गोल्‍नीम। मेको आन ठेयब लाप्‍चो नेल्‍लेमी हुश ख्राक्‍श पोक्‍चा कली तरवार वोइश्‍शो बाक्‍ती। मेको चिला दाप्‍शो खोदेंशो पा साइक्‍चा कली शेप्‍शो बाक्‍ब।

इजीकीएल 34:12

दोपा गोठलापुकीमी एर ओंथ ब्रशो क्‍यारश भेडा आन दातेमी आंम क्‍यारश भेडा माल्‍दीनीमी, मोपान गो आं भेडा आन कली माल्‍थ लाइनुङ। क्‍येर गोस्‍सुम सुम्‍शो नाक्‍त ते ते ब्रशो आं भेडा आन कली श्‍येत रे प्रोंइनुङमी। लूका १५:४

इजीकीएल 36:15

गो रागी रागी ङा मुरपुकीम इन कली शुक्‍शी पचा मगेनन्‍नी। मिनु मुरपुकीम इन कली दिप्‍शो फाल्‍चा ममाल्‍नीनी। मिनु इन रागी ङा मुर आन कली दाइल मपपाइक्‍नीनी” दे परमप्रभु, परमप्रभु यावेमी देंत।

योएल 2:2

मेको नाक्‍ती छिङछिङ नु हिंचा ङा बाक्‍ब। मेको थम ठेयब गोस्‍स नु छिङछिङमी सुम्‍शो बाक्‍ब। मिनु ठेयब सक्ति पाइश्‍शो लडाइ पाइब आन हुलमी डांडा आन कली क्‍येर गोस्‍सुम सुम्‍शो खोदेंशो पा सुम्‍शो बाक्‍नीम। मेको मोदेंशो ङोंइती गेनायो मदुम्‍शो बाक्‍त। मिनु नोले ङा मुर आन पालाम यो मोदेंशो गेनायो मदुम्‍ब। योएल १:६; प्रस्‍थान १०:१३-१५

आमोस 4:13

सुमी डांडा आन कली सेला, मेकोमी फश यो सेल्‍शो बाक्‍ब। मेकोमी मुर आन कली आ मिम्‍शो तुइक्‍पाइक्‍ब। मेकोमी सुनी कली छिङछिङ सेल्‍ब। मिनु रागी ङा लाइश्‍शो डांडा मेर गाक्‍ब। मेको आ नें मुर नेल्‍ल आन परमप्रभु यावे बाक्‍ब” देंत। मीका १:३

आमोस 5:18

मिनु परमप्रभु यावेमी “मारदे गे परमप्रभु यावे आ नाक्‍त जाक्‍शो दाक्‍नीनी? मारदे परमप्रभु यावे आ निसाफ पतीक नाक्‍त माल्‍नीनी? मेको नाक्‍त छिङछिङ दुम्‍ब, छेङछेङ मदुम्‍ब। योएल २:११

मलाकी 2:2

गे इन नोफा मदाइक्‍ताक्‍नी नु आं नें कली मान पचा कली ममिम्‍ताक्‍नी हना, गो इन कली सराप पाइनन्‍नी। इन कली गेशो आसीक सराप दुम्‍ब। मारदे हना गे काइ मटीब बाक्‍नीनी। गो थमा पा इन आसीक कली सराप सेल्‍नुङ। ब्‍यवस्‍था २८:१५

यूहन्‍ना 12:35

मिनु येसुमी मेको मुर आन कली “मेको छेङछेङ माइश्‍शो का गेपुकी नु इच्‍का नाक्‍त सम्‍म बाक्‍ब। छेङछेङ बाक्‍म सम्‍म गाक्‍कीन। छेङछेङमी मगाक्‍तीनी हना, छिङछिङमी गाक्‍चा माल्‍नीनी। सु छिङछिङमी गाक्‍बा, मेको ते लाइबा मतुइक्‍ब।

यहोसु 7:19

मिनु यहोसुमी आकान कली “आं तौ, परमप्रभु यावे, इस्राएली आन परमप्रभु कली ठेयब सेलो। मार मार पवी, मेको कली देनो। इ पशो आं कली देनो। लोव़ का यो मख्रुइक्‍तो” देंत।

१ पत्रुस 2:8

मिनु लेंशा “मेको फुल्‍लुमी मुर आन कली दाइल प‍पाइक्‍ब। मेको ठेयब फुल्‍लुमी मुर आन कली थिप्‍पाइक्‍ब” दे ब्रेक्‍शो बाक्‍ब। मुरपुकीमी परमप्रभु यावे आ लोव़ मटितीके दाइल पांइसीनीम, दे ङोंइती मेको आ पर्बम देंशो बाक्‍ब। भजन संग्रह ११८:२२; यसैया ८:१४; रोमी ९:३३; लूका २:३४

१ सामुएल 6:5

गे इन कान खोदेंशो सुन के कान नु रागी कली खतम पोक्‍ब यिच खोदेंशो पा सुन के यिच सेलीन। मिनु इस्राएली आन परमप्रभु कली मान पने। मिनु मेकोमी इन कली, इन देवी देवता आन कली नु इन रागी कली श्‍येत गेचा प्रोंइबा कों?