येरमीया 13:13 - Sunuwar Bible

¹³ गे मेको आन कली परमप्रभु यावेम इन कली मार देंत देंशा हना “गो एको रागी नेल्‍ल ङा मुर आन कली, दाऊद पिप आ बाक्‍तीकेम बाक्‍ब पिप आन कली, चढ़ेबपुकी, परमप्रभु यावे आ लोव़ पाइबपुकी नु यरूसलेममी बाक्‍ब नेल्‍ल आन कली दुक्‍पाइक्‍नुङमी। येरमीया २५:१५-२८; यसैया ५१:१७

येरमीया 13:13 ပူးပေါင်းရင်းမြစ်များ

भजन संग्रह 60:3

परमप्रभु, गे इन मुर आन कली ठेयब श्‍येत जपाइक्‍तीनी। गे आंइ कली दिङ दाङ गोल्‍ब तूचा थोव़क तूपाइक्‍तीनी। भजन संग्रह ७५:९

भजन संग्रह 75:8

परमप्रभु यावे आ गुइमी बोटको का बाक्‍ब। मेकेर मार मार सुप्‍शो बोग्‍यो बोक्‍शो अङगुर शांबु बाक्‍ब। परमप्रभुमी मेको तूचा गेब। मिनु रागी रागी ङा आ अरेशो मटीबपुकीमी मेको तूचा माल्‍नीम। भजन संग्रह ६०:५; येरमीया २५:१५-१६

यसैया 29:9

छक लाक्‍शा कोव़ङीन। मिक्‍च क्रिप्‍शा, मिक्‍च मताइब दुमीन। दुक्‍शो दुमीन। तन्‍न अङगुर शांबुम ममाइ। गोल्‍चा चिक्‍शा गाक्‍कीन, तन्‍न राकसीम ममाइ।

यसैया 49:26

इ कली श्‍येत गेब आन कली आंम आन श्‍ये ब्‍वपाइक्‍नुङ। मेकोपुकी अङगुर शांबुम दुक्‍शो खोदेंशो पा आंम आन हुशेम दुक्‍नीम। मिनु मुर नेल्‍लेमी ‘गो इ कली श्‍येत रे प्रोंइब, इ परमप्रभु यावे नङ। गो इ कली पाप रे प्रोंइब, याकूब आ सक्ति पाइश्‍शो परमप्रभु नङ’ दे तुइक्‍नीम” देंत।

यसैया 51:17

यरूसलेम बोक्‍को। परमप्रभु यावे इ पर्बम गाइश्‍शा, श्‍येत तूचा गेप्‍तु। गे दिङ दाङ गोल्‍पाइक्‍ब कचौरा तूशा श्‍येत्‍थ सेल्‍तीवी। भजन संग्रह ६०:५; भजन संग्रह ७५:९; येरमीया १३:१२-१३; प्रकाश १६:१९

यसैया 51:21

मोपतीके गे गार पाइश्‍शो मुर नेनीन। गे दुक्‍शो बाक्‍नीनी, तन्‍न अङगुर शांबुम ममाइ।

यसैया 63:6

मिनु गो गाइश्‍शा जात जात ङा मुर आन कली दिम्‍ताक्‍ङमी। गो चुरशा मेको आन कली खतम सेल्‍तामी। गो मेको आन हुश खपीम जारताक्‍ङ” देंत। यसैया ५१:१७

येरमीया 13:12

परमप्रभु यावे, इस्राएली आन परमप्रभुमी “गर नेल्‍ल अङगुर शांबुम ब्रीचा माल्‍नीम देंशो बाक्‍ब” दे माइक्‍मी। मिनु मेकोपुकीम “गर नेल्‍ल अङगुर शांबुम ब्रीचा माल्‍ब, दे गो मतुइक्‍नीकी ङा?” देंतेक्‍म हना,

येरमीया 25:27

मिनु नोले गे मेको आन कली “मुर नेल्‍ल आन परमप्रभु यावे, इस्राएली आन परमप्रभुमी मार देंत देंशा हना ‘गे मेको तूशा दुक्‍शा मेने। मिनु गेना यो मबोक्‍चा ङा पा गोलीन। गो इन दातेम सोइश्‍शो तरवार आ पर्बम मो दुम्‍ब’ दे माइक्‍मी।

येरमीया 25:29

मेकोमी “कोव़ङीन, मुल गो आं नेंम वोइश्‍शो सहर कली श्‍येत गेचा चिक्‍शो बाक्‍नुङ। मिनु मार, गेपुकी चहिं सजाइ मतथु ब्रोंइनीनी ङा? इन कली सजाइ मगे‍थु मप्रोंइसीब। मारदे हना गो रागीम बाक्‍ब मुर नेल्‍ल आन पर्बम तरवार का ठीक पशो बाक्‍ती, दे मुर नेल्‍ल आन परमप्रभु यावेमी देंत” दे माइक्‍मी। इजीकीएल ९:६; १पत्रुस ४:१७; येरमीया ४९:१२

येरमीया 51:57

गो मेको आ सरकार ङा गेय पाइब, जोक्‍ब तुइक्‍ब, मेको आ हुकुम पाइब, नु आ लडाइ पाइब नेल्‍ल आन कली दुक्‍पाइक्‍नुङमी। मिनु मेकोपुकी गेना हना यो कली इप्‍नीम। लेंशा मबोक्‍नीम” दे पिपम देंत। मेको पिप आ नें मुर नेल्‍ल आन परमप्रभु यावे बाक्‍ब।

येरमीया 51:7

बेबीलोन परमप्रभु यावे आ गुइम सुन के कचौरा का बाक्‍त। मेकोमी रागी नेल्‍ल ङा मुर आन कली दुक्‍पाइक्‍तु। रागी रागी ङा मुरपुकीम मेको आ अङगुर शांबु तूतेक्‍म। मोपतीके मेको रागी ङा मुर निप्‍स ग्‍यशो दुम्‍तेक्‍म। प्रकाश १७:४; येरमीया २५:१५; प्रकाश १८:३

हबकुक 2:16

गे ठेयब दुम्‍चा क्‍येङा शुश मुने दोक्‍नेवे। मुल इ पालो जाक्‍त। गे यो तूशा, दुक्‍शा दाइल पांइसो। परमप्रभु यावेमी आ ग्‍युरा गुइ ङा कचौरा इ कली गे‍ब। मिनु इ ठेयब दुम्‍तीके मुने दोक्‍ब। येरमीया २५:१५,२६