येरमीया 12:7 - Sunuwar Bible

⁷ गो आं खिं प्रोंइता। आं थेरशो रू प्रोंइता। मिनु आं दाक्‍शो कली आ जोरी सत्रु आन गुइमी गेता।

येरमीया 12:7 ပူးပေါင်းရင်းမြစ်များ

२ राजा 21:14

गो आं लीशो मुर आन कली प्रोंइ‍शा सोइक्‍नुङमी। मिनु मेको आन कली आन जोरी सत्रु आन गुइमी गेनुङमी। मेको आन जोरी सत्रुम ग्‍याइश्‍शा लाइक्‍चा पुंइसीनीम।

भजन संग्रह 106:40

मोपतीके परमप्रभु यावे आ मुर नु गाइक्‍ता बाक्‍त। आ योव़शो मुर आन कली तशा ग्रांग्रा दिमाक्‍त।

भजन संग्रह 78:62

मेकोमी आ मुर आन कली तरवारम साइक्‍पाइक्‍चा कली गेप्‍तु। मिनु आ योव़शो मुर आन कली तशा, थाम्‍पा गाइक्‍ताक्‍व।

यसैया 2:6

याकूब आ खिं ङा मुर, गे इन ङोंइती ङा लां प्रोंइतीनी। गे इन थुं पूर्ब ङा मुर आन पतीक गेयम ब्रीशो बाक्‍ब। गे पलिस्‍ती खोदेंशो पा लिंक्‍यु कोव़ब दुम्‍तीनी। अर्को जात ङा मुर नु खाल्‍साक्‍नी।

येरमीया 11:15

आं दाक्‍शो मुरपुकी आं खिं ओव़चा मार अधिकार बाक्‍बा? मेको नेल्‍ल मरिम्‍शो पाइब बाक्‍नीम। आं कली चढ़ेशो श्‍येम इन कली सजाइ गेतीक रे तेक्‍ने चाप्‍बा ङा? मिनु गे ग्‍येरने चाप्‍नीनी” दे परमप्रभु यावेमी देंत। रोमी ११:२८; होसे ८:१३

येरमीया 14:19

मिनु गो “मार, गे यहूदा कली थमा पा प्रोंइने थुम्‍शो बाक्‍नीनी? मार, गे सियोन कली ग्रांग्रा दिश्‍शो बाक्‍नीनी? गे आंइ कली मारदे मसापाइक्‍चा ङा पा तुप्‍नी? गोपुकी थुं नाइश्‍शा बाक्‍तीक आस पाइतक, तन्‍न मारेइ रिम्‍शो मदुम। सानीकी कों दे आंस पाइतक, तन्‍न हिंतीक कका जाक्‍त। येरमीया ८:१५

येरमीया 17:4

इन पाप पतीकेम गो इन कली गेशो, इन थेरशो रू साम्‍नीनी। मिनु गो इन कली इन मतुइश्‍शो रागीम इन जोरी सत्रु आन वाइल दुम्‍पाइक्‍नन्‍नी। मारदे हना आं गाइक्‍तीके मी ब्रशो खोदेंशो बाक्‍ब। मिनु मेको गेना हना यो ब्रस ङा ब्रस बाक्‍ब” देंत।

येरमीया 22:5

तन्‍न गेपुकीम एको आं लोव़ मपाइतीनी हना, परमप्रभु यावेम “गो आं नेंमी कसम जशा, एको दरवार क्‍याम्‍नुङ” दे मतो’ ” देंत। १राजा ९:८

येरमीया 23:33

मिनु मुर का, आं लोव़ पाइब का कि चढ़ेब काम इ कली “परमप्रभु यावे आ देंशो श्‍येत लोव़ मार बाक्‍बा?” दे इ कली हिल्‍लो पाप्‍तु हना, गे मेको कली “मेको श्‍येत गे बाक्‍नीनी” देनो। मिनु परमप्रभु यावेमी “गो इन कली ताइक्‍नन्‍नी, देंत, माइक्‍मी” देंत। २राजा ९:५५; यसैया १३:१

येरमीया 23:39

मोपतीके गो थमा पा इन कली क्‍युक्‍शा, आं ङोंइती रे ताइक्‍नुङ। इन कली नु इन किकी पिपी आन कली गेशो सहर पोक्‍शा ताइक्‍नुङ।

येरमीया 51:5

मिनु इस्राएल नु यहूदा परमप्रभु, मुर नेल्‍ल आन परमप्रभु यावे रे मप्रोंइसीशो बाक्‍ब। मेको आन रागी इस्राएली आन का ला बाक्‍शो परमप्रभु यावे कली पापम ब्रीशो बाक्‍ब। यसैया ५४:४; येरमीया ५०:२९

येरमीया 7:14

मोपतीके गो मेको आं नेंम सेल्‍शो खिं कली नु इन किकी पिपी नु इन कली गेशो रागी कली शिलो खोदेंशो सेल्‍नुङ। गे मेको खिं कली थमा सुइक्‍तीनी।

येरमीया 7:29

गे इ चां प्रेक्‍शा ताइक्‍तो। मिनु गोरशो डांडा मेर रोंका पा गाक्‍को। मारदे हना परमप्रभु यावेमी आ कली गाइक्‍पाइक्‍ब आन पाला ङा मुर आन कली प्रोंइशा तिल्‍तु’ दे‍नो” देंत। मीका १:३६

इजीकीएल 24:21

मार लोव़ पाप्‍तु देंशा हना ‘इस्राएल आ खिं ङा मुर आन नेल्‍ल क्‍येङा दाक्‍शो, इन सक्ति, इन कोव़त दाक्‍शो नु थुंम दाक्‍शो आं बाक्‍तीक गो ग्रांग्रा दिशो सेल्‍नुङ। मिनु इन प्रोंइशा वोइश्‍शो इन तमी तौ तरवारम साइक्‍चा पुंइसीनीम

होसे 11:1

मिनु परमप्रभुमी “इस्राएल आल बाक्‍मेनु, गो मेको कली दाक्‍ताक्‍ङ। मिनु गो आं तौ कली इजीप्‍त रागी रे ब्रेत्‍ताक्‍ङ। ब्‍यवस्‍था ७:८; प्रस्‍थान ४:२२-२३; मत्ती २:१५

होसे 9:15

मेको आन मरिम्‍शो पतीके नेल्‍ल गिल्‍गालम पाम्‍तेक्‍म। मेक रे गो मेको आन कली तशा ग्रांग्रा दि‍चा गोव़ता। मेको आन काइ मरिम्‍शो पतीके, गो आं खिं रे खेरनुङमी। मेको आन ठेयब मुर नेल्‍ल मटीब बाक्‍नीम।

योएल 2:15

सियोनमी तुराही ताप्‍‍पीन। माइजा बाक्‍चा कली मुर आन कली खुप्‍तीन। मिनु चाड मानेचा कली मुर आन कली ब्रेत्‍तीन। योएल १:१४

योएल 3:2

मिनु गो रागी रागी ङा मुर नेल्‍ल आन कली खुप्‍शा, येहो-शाफात आ दिंममी चाक्‍नुङमी। मिनु मेकेर मेको आन कली निसाफ पाइनुङ। मारदे हना मेकोपुकीमी आं मुर आन कली रागी रागी ङा मुर आन दातेमी ब्रपाइक्‍तेक्‍म। मिनु आं रागी भाग भाग सेल्‍तेक्‍म।

लूका 21:24

कोइ तरवारम बेक्‍नीमी। कोइ ग्‍याइश्‍शा अर्को रागीम लाइक्‍चा पुंइसीनीम। मिनु आन नाक्‍त मजाक्‍दीम सम्‍म अर्को जात ङा मुरपुकीमी यरूसलेम कली दिप्‍‍शा वोइक्‍नीम। यसैया ६३:१८; प्रकाश ११:२; रोमी ११:२५

ब्‍यवस्‍था 33:12

मिनु बेन्‍यामीन आ पर्बम मार देंशो बाक्‍त, देंशा हना “परमप्रभु यावे आ दाक्‍शो महिंचा ङा पा नाइक्‍ब। नेल्‍ल क्‍येङा ठेयबमी मेको कली नाक्‍त रे कोव़ब। मेको आ दाक्‍शो मुर आ बला आस दातेम नाइक्‍ब” देंत।