येरमीया 12:2 - Sunuwar Bible

² गे मेको आन कली ख्रुम्तीनी। मिनु मेकोपुकीमी शाक्‍श थोक्‍शा, बारशा, फल गेनीम। मेको आन लोव़म ला इन नेक्‍था बाक्‍नीम। तन्‍न मेको आन थुंमी इन क्‍येङा ङोन बाक्‍नीम।

येरमीया 12:2 ပူးပေါင်းရင်းမြစ်များ

अय्‍युब 24:12

सहर रे बेक्‍चा चिक्‍शो मुर आन हुकयी पशो नेंसीब। मिनु गार दुम्‍शो मुरुम ‘वारच पाइय्‍यीनी’ दे वाइ ब्रेप्‍ब। मो हना यो परमप्रभुम मेको आन पुंइशो मनेंब।

अय्‍युब 5:3

गो मूर्ख आन शाक्‍श थोक्‍शो तशो बाक्‍नुङ। तन्‍न गो काले‍मीन मेको आन खिं कली सराप चीले पाइक्‍ता। भजन संग्रह ३७:३५-३६

भजन संग्रह 37:35

गो परमप्रभु आ अरेशो मटीब लेबानोन ङा ठेयब रवा खोदेंशो दुम्‍शो ताता। १सामुएल ३५:२-३८; इजीकीएल ३१:३-१४

यसैया 29:13

परमप्रभु यावेमी “एको मुरपुकी लोव़ पशा आं नेक्‍था जाक्‍नीम। मिनु आन शोव़मी आं कली ठेयब सेल्‍नीम। तन्‍न आन थुंम चहिं आं क्‍येङा ङोन बाक्‍नीम। मेको आन आं कली मान पतीके मुर आन शेंशो ला बाक्‍ब। यसैया १:१५; यसैया ५८:२-३; मत्ती १५:८-९

येरमीया 11:17

मुर नेल्‍ल आन परमप्रभु यावेम इन कली ख्रुम्‍तु। मिनु मेकोमी इन कली मरिम्‍शो पचशो बाक्‍ब। मारदे हना इस्राएल आ खिं ङा मुर नु यहूदा आ खिं ङा मुरुम मरिम्‍शो पाम्‍तेक्‍म। परमप्रभुमी “मेकोपुकीमी बाल देवता कली मार मार चढ़ेशा आं कली गाइक्‍पाइक्‍तीमी” देंत।

येरमीया 3:10

मेको नेल्‍ल दुम्‍त हना यो, मेको आ लोक्‍ब देंखु पशो यहूदा आ थुं नेल्‍लेमी आं गे मले। आं गे लेश्‍शो खोदेंशो ला पखु पाप्‍तु” दे परमप्रभु यावेम देंत।

येरमीया 45:4

गे मेको कली “परमप्रभु यावेमी ‘आं ङोंइती सेल्‍शो मुल प्रेत्‍नुङ। गो मार ख्रुमु मेको नेल्‍ल तुल्‍शा ताइक्‍नुङ। मेको रागी नेल्‍ल कली दुम्‍ब।

इजीकीएल 33:31

मेकोपुकीम आं मुर खोदेंशो पा इ बाक्‍तीक जाक्‍शा इ ङोंइती नित्‍नीम। मिनु इ लोव़ नोफा दाइश्‍शा नेंनीम। तन्‍न मेकोम इ लोव़ मटीनीम। मेकोम रिम्‍शो लोव़ पखु पा, आन थुंम चहिं दोपा क्‍येट चेम्‍चा, दे मिम्‍नीम। यसैया ५३:१

होसे 7:14

मेकोपुकीमी आन थुं नेल्‍लेमी आं कली मब्रेत्‍नीम। तन्‍न आन ब्राख्‍येमी रोंका पाइनीम। अन्‍न नु नक अङगुर शांबु आ पर्बम बुक्‍नीम। तन्‍न आं रे पा आन कुल हिरनीम।

हबकुक 1:13

गे मरिम्‍शो पशो काइ तने मचाप्‍नीनी। मरिम्‍शो पशो फाल्‍ने मचाप्‍नीनी। मोदेंशो बाक्‍त हना यो, थम मरिम्‍शो पाइब आन कली तशा, मारदे मारेइ मदेंनीनी? इन अरेशो मटीबपुकीमी आंम क्‍येङा ठीक पाइब मुर आन कली सद‍मेनु, गे मारदे सिक्‍सी पा बाक्‍नीनी?

मत्ती 15:8

‘मेकोपुकीमी शोव़ नु लोव़म ठेयब सेल्‍नीमी। आन थुंमी चहिं आं कली मदाक्‍नीम।

मर्कूस 7:6

मिनु येसुमी मेको आन कली “गे कपटीपुकी, यसैयामी पशो नोले दुम्‍ब लोव़ इन कली गारमाक्‍त। मार ब्रेक्‍शो बाक्‍त देंशा हना ‘मेकोपुकीमी शोव़ रे पा ला आं कली मान पाइनीम। आन थुंमी चहिं मदाक्‍नीम, आं देंशो यो मपाइ‍नीम। यसैया २९:१३

तीतस 1:16

मिनु मेकोपुकीमी “गो परमप्रभु यावे कली तुइक्‍नुङ” देंखु पाइनीमी। तन्‍न आन पतीकेमी मतुइक्‍ब बाक्‍नीम, दे तुंइसीब। मोपा मेकोपुकी ग्रांग्रा दिचा ङा मुर बाक्‍नीम। मिनु मटीब दुम्‍शा, रिम्‍शो गेय यो पने मचाप्‍नीम। २तिमोथी ३:५