येरमीया 12:10 - Sunuwar Bible

¹⁰ शुश गोठलापुकीम आं अङगुर रू खतम सेल्‍तेक्‍म। मेकोपुकीमी आं भाग दिम्‍शा ताइश्‍शा पाम्‍तेक्‍म। मेकोपुकीमी आं दारशो भाग कली गोरशो रागी खोदेंशो पा मुर मबाक्‍तीक सेल्‍तेक्‍म। येरमीया ६:३

येरमीया 12:10 ပူးပေါင်းရင်းမြစ်များ

यसैया 3:14

मिनु परमप्रभु यावेमी आ मुर आन दाते ङा खाल्‍पापुकी नु हुकुम पाइब आन कली निसाफ पाइब। मेकोमी “गे अङगुर रू नेल्‍ल आंम के सेल्‍तीनी। प्रुङग आन के रोइश्‍शो मार मार इन खिंम बाक्‍नीम। यसैया ५:७

यसैया 43:28

मोपतीके गो आं खिंम चढ़ेब आन कली ‘गेय पचा मदुम्‍ब’ सेल्‍तामी। गो याकूब कली खतम सेल्‍ता। मिनु इस्राएल शुक्‍शी पाइक्‍चा पुंइसीब सेल्‍ता” दे परमप्रभुमी देंत।

यसैया 63:18

इन योव़शो मुरपुकी इच्‍का नाक्‍त सम्‍म ला एको रागीम बाक्‍चा ताम्‍तेक्‍म। तन्‍न मुल आंइ जोरी सत्रुमी इन योव़शो बाक्‍तीके खतम सेल्‍तेक्‍म। बजन संग्रह ७९:१

येरमीया 23:1

परमप्रभु यावेमी “आबी, गे आं भेडा आन कली एर ओंथ ब्रपाइक्‍ब गोठला” देंत। इजीकीएल १४:-; येरमीया १०:२१; जकरिया ११:५

येरमीया 25:37

परमप्रभु यावे आ ठेयब पा गाइश्‍शोम मेको रिम्‍शो बस्‍तु योव़तीके खतम दुम्‍नीम।

येरमीया 25:38

गुप्‍सम खोदेंशो पा मेकोमी आ बाक्‍तीके प्रोंइतु। मारदे हना मेको आन रागी साइक्‍ब तरवार नु परमप्रभु आ गाइक्‍तीक आ पर्बम मुर मबाक्‍‍तीके दुम्‍त। येरमीया ४:७

येरमीया 25:9

गो उत्तर ङा जात नेल्‍ल नु आं गेय पाइब बेबीलोन ङा पिप नेबुकदरेसर कली ब्रेश्‍शा चाक्‍नुङमी। गो मेको आन कली एको रागी ङा मुर नु एर ओंथ ङा जात नेल्‍ल आन पर्बम चाक्‍नुङमी। मिनु गो मेको नेल्‍ल आन कली साइक्‍पाइक्‍नुङमी। गो मेको आन कली शुश हिंचा ङा, शुक्‍शी पाइक्‍चा पुंइसीब नु शिशी मताइब सेल्‍नुङमी। दानीएल ३:३१-३३

येरमीया 3:19

मिनु गो इन कली आंम आल आन दातेमी बाक्‍चा गेनुङ। गो इन कली रिम्‍शो रागी का गेनुङ। मेको रागी नेल्‍ल आन दाते ङा नेल्‍ल क्‍येङा दारशो रिम्‍शो रागी बाक्‍ब। मिनु गे आं कली ‘आं आफ’ देंनीनी। गे नोले मशोइक्‍ब दुम्‍नीनी, दे मिम्‍ताक्‍ङ। ब्‍यवस्‍था ७:६; ब्‍यवस्‍था ३२:६; ब्‍यवस्‍था ८:७; येरमीया ३:४

येरमीया 39:3

मिनु यरूसलेम ग्राशा, बेबीलोन ङा पिप आ ठेयब मुर नेल्‍ल जाक्‍शा दाते ङा लाप्‍चोमी बाक्‍तेक्‍म। नेरगल-शरेसेर, साम्‍गार-नेबो, सारसेकीम नेल्‍ल क्‍येङा ठेयब निसाफ पाइब नेरगल-शरेसेर नु बेबीलोन ङा पिप आ ठेयब गेय पाइब मुर नेल्‍ल जाक्‍शा बाक्‍तेक्‍म।

येरमीया 6:3

गोठला आन हुल सुन्‍दा मेको नु लडाइ पचा कली जाक्‍‍नीम। मेकोपुकीमी आन ताम्‍बु आ एर ओंथ कीनीम। मिनु नेल्‍लेम मेको आन हुल योव़शा खतम सेल्‍नीम” देंशो बाक्‍ब। येरमीया ४:१७

येरमीया 9:10

गे डांडा आन पर्बम ङाक्‍शा रोंका पने। मिनु गोरशो रागी ङा योव़तीक आन पर्बम बिलाना पने। मेको गोरशो सेल्‍शो बाक्‍नीम। मेकेर सुइ मगाक्‍नीम। मिनु मेकेर बी ब्‍यफ क्‍‍यारश भेडा आन ग्रीशो मनेंसीब। सरीङ ङा चिक्‍ब नु जन्‍तु नेल्‍ल प्रोक्‍शा लाम्‍तेक्‍म। येरमीया ४:२५; येरमीया १२:४

इजीकीएल 34:2

मार लोव़ पाप्‍तु देंशा हना “ए मुर, इस्राएल ङा गोठला आन कली आं लोव़ पावो। परमप्रभु, परमप्रभु यावेमी इन कली मार देंब देंशा हना ‘इस्राएल ङा गोठलापुकी गे आंमा जशा ब्‍वशा बाक्‍तीनी। मार, गोठलापुकीम भेडा आन कली रिम्‍शो पा कोव़चा ममाल्‍नीमी ङा? येरमीया २३:१-४

इजीकीएल 34:5

मोपतीके मेकोपुकी ब्राम्‍तेक्‍म। मारदे हना मेको आन के गोठला मबाक्‍म। मेको मोपा ब्रशा ब्‍वाकी ङा जन्‍तु आन जचा थोव़क दुम्‍तेक्‍म’ दे

दानीएल 8:13

मिनु नोले गो स्‍वर्गम बाक्‍ब कामी लोव़ पशो नेंता। मिनु अरु स्‍वर्गम बाक्‍बमी मेको कली “नाक्‍त किंत किंत ङा चोशा चढ़ेतीक रोइक्‍तीके, आ मरिम्‍शो पतीकेमी परमप्रभु आ खिं श्‍येत्‍थ नु खतम सेल्‍तीक नु परमप्रभु आ लडाइ पाइब आन कली खोइलीमी दिप्‍शा, कोंइतीके गेना नुप्‍‍बा?” दे हिल्‍लो पशो नेंता।

जकरिया 7:14

मिनु गो मेको आन कली फश गिवारमी खोदेंशो पा आन मतुइश्‍शो रागी रागीम फ्रातामी। मोपतीके आन प्रोंइशो रागी मुर मबाक्‍शो दुम्‍त। मेकेर सुइ मलम। मोदेंशो पा रिम्‍शो रागी खतम दुम्‍त” दे मुर नेल्‍ल आन परमप्रभु यावेमी देंत।

लूका 21:14

‘ठेयब मुर आन ङोंइती मार देंचा?’ दे गेनायो पीर मपाइनुङ, दे इन थुं फ्रेंशा बाक्‍कीन। लूका १२:११

प्रकाश 11:2

मिनु परमप्रभु यावे आ खिं ङा लाङगा रागी रागी ङा मुर आन कली गेशो बाक्‍त। मेको मपुक्‍को। मेकोपुकीमी परमप्रभु यावे आ योव़शो सहर ४२ महिना सम्‍म खोइलीमी दिप्‍शा ताइश्‍शा बिग्रेनीम” देंत। लूका २१:२४