येरमीया 11:6 - Sunuwar Bible

⁶ मिनु परमप्रभु यावेम आं कली “यहूदा ङा सहर नेल्‍लेम नु यरूसलेम ङा लां मेर एको कबल ङा लोव़ उरदी पा, मेको कबल ङा लोव़ नेंशा पने।

येरमीया 11:6 ပူးပေါင်းရင်းမြစ်များ

भजन संग्रह 15:5

सुमी क्‍येट जेर गेशा, चाइक्‍ब मताक्‍बा, सुमी दोस मताइब कली श्‍येत गेचा कली घूस मजाइबा, मोदेंशो मुर गेना हना यो महिम्‍सीथु, परमप्रभु यावे आ बाक्‍तीकेम बाक्‍चा ताइब। प्रस्‍थान २२:२४; ब्‍यवस्‍था २३:२०-२१

यसैया 58:1

मिनु परमप्रभु यावेमी “ठेयब सेंदा पा ग्रीङो। तुराही खोदेंशो पा ठेयब सेंदा पावो। आं मुर आन काइ मटिशो नु याकूब आ खिं ङा मुर आन पाप तुइक्‍पाइक्‍मी। मीका ३:८

येरमीया 19:2

मिनु गे हिन्‍नोम आ तौ आ बेंसीम बाक्‍शो गम्‍टे लाप्‍चोम लावो। गो इ कली मार शेंदु, मेको लोव़ मेकेर ठेयब सेंदा पा नेंपाइक्‍मी। येरमीया ७:३१

येरमीया 2:2

“लावो, परमप्रभु यावेमी यरूसलेम कली मार देंत देंशा हना ‘गे इ ठिटी बाक्‍ची ना आं कली ग्‍युम्‍लीम खोदेंशो पा दाक्‍ताक्‍यी। गे आं कली मारेइ मशोक्‍शो गोरशो रागीमी आं नोले खोइक्‍ती। गो मेको मिम्‍नुङ। होसे २:१६; होसे १३:५

येरमीया 3:12

‘गे लावो। मिनु एको लोव़ उत्तर गे शेंदीमी। थमा सुइक्‍ने मचाप्‍ब इस्राएल, परमप्रभु यावेम लेतो। गो इ कली तशा मगाइक्‍नुङ। मारदे हना गो शिशी पाइब नङ। गो गेना हना यो मगाइक्‍नुङ’। प्रस्‍थान ३४:६;

येरमीया 7:2

“गे आं खिं ङा लाप्‍चोम राप्‍शा ‘गे यहूदा ङा मुर नेल्‍ल परमप्रभु यावे आ लोव़ नेनीन। गे परमप्रभु यावे कली ठेयब सेल्‍चा कली एक जाक्‍ब यहूदा ङा मुर परमप्रभु यावे आ लोव़ नेनीन’ देनो” देंत।

जकरिया 7:7

परमप्रभुमी “यरूसलेममी शुश मुर बाक्‍शा, एर ओंथ ङा सहर नेल्‍ल रिम्‍शो नु सो‍शो बो‍शो बाक्‍मेनु, नेगेब नु पच्‍छिम ङा शेफेलाह नेल्‍ल रिम्‍शो पा बाक्‍मानु, ङोंइती ङा आं लोव़ पाइबपुकीमी मुर आन कली देंशो परमप्रभु यावे आ प‍शो लोव़ एकोन ममाइ ङा?” देंत।

यूहन्‍ना 13:17

गेपुकी आं देंशो लोव़ तुइश्‍शा पाइतीनी हना, गे आसीक रशा ग्‍येरसीशो मुर दुम्‍नीनी” दे येसुमी देंत। मत्ती ७:२४

रोमी 2:13

परमप्रभु यावे आ अरेशो लोव़ नेंशा ला मुर ठीक मदुम्‍नीम। आ देंशो पशा ला ठीक दुम्‍नीम। ब्‍यवस्‍था ६:२५; मत्ती ७:२१; याकूब १:२२

ब्‍यवस्‍था 4:1

मिनु मोसामी “मिनु गे इस्राएली नेल्‍ले, गो इन कली परमप्रभु यावे आ फुल्‍लुम मुशा ब्रेक्‍शो लोव़ नु आ निसाफ पतीक लोव़ शेंनुङ। इन नोफा दाइक्‍तीन। मिनु आ शेंशो पने। मेको पाइतीनी हना, गे ब्रोंइचा ताइनीनी। मिनु गे परमप्रभु यावे, इन किकी पिपी आन परमप्रभुमी इन कली गेशो रागी ओव़चा नु इन के सेल्‍चा ताइनीनी।

ब्‍यवस्‍था 4:5

मिनु परमप्रभु यावे, आं परमप्रभुमी आं कली अरेशो खोदेंशो पा, गो इन कली आ फुल्‍लुम मुशा ब्रेक्‍शो लोव़ नु आ निसाफ पतीक लोव़ शेंतान्‍नी। मारदे शेंतान्‍नी देंशा हना, गे जाक्‍शा इन के सेल्‍चा चिक्‍शो रागीमी मेको नेल्‍ल पचा, दे शेंतान्‍नी।

याकूब 1:22

गेपुकी परमप्रभु यावे आ लोव़ नेनीन। नेंचा ला ममाइ, मार मार देंशो बाक्‍मे, मेको यो पचा माल्‍नीनी। गेपुकीमी मेको लोव़ नेंशा मपाइतीनी हना, जोल पांइसीनीनी। मत्ती ७:२१; रोमी २:१३