येरमीया 11:4 - Sunuwar Bible4 गो मेको कबल ङा पचा माल्शो गेय इन किकी पिपी आन कली श्येत जतीक इजीप्त रागी रे ग्रुंइची ना अरेशो नङमी। गो मेको आन कली आं अरेशो यो टिने। इन कली अरेशो लोव़ नेल्ल पा आं मुर दुम्नीनी। मिनु गो इन परमप्रभु दुम्नुङ। येरमीया ७:२३ အခန်းကိုကြည့်ပါ။ |
येरमीया 11:4
39 ပူးပေါင်းရင်းမြစ်များ
मिनु परमप्रभु यावेमी दक्खिन ङा नेगेब ङा जन्तु आन पर्बम यसैया कली मेको रागी हिंचा ङा नु श्येत ङा रागी बाक्ब। मेकेर गुप्सनी नु ग्रीब गुप्स, बुस्स नु बीस पाइश्शो बेरब बुस्स बाक्नीम। मिनु मुरपुकीमी आन शोंप गधा आन तारी नु शुश क्येट लाइब थोव़क दलओंठ आन तारी कुरपाइश्शा गाक्नीम। मेको शोर गाक्शो नु वारच मपाइब आन कली गेचा कली कुरपाइक्नीम। ब्यवस्था ८:१५
मिनु मेको लीशो भाग आन कली गो मीम कुरपाइनुङमी। चांदी याप्पाइश्शो खोदेंशो पा याप्पाइक्नुङमी। मिनु सुन नाक्शो खोदेंशो पा नाक्नुङमी। मिनु मेकोपुकीमी आं कली थोइनीम। मिनु गो मेको आन कली लोव़ लेत्नुङमी। मेकोपुकी आं मुर नम’ देंनुङ। मिनु मेकोपुकीमी ‘परमप्रभु यावे, आंइ परमप्रभु बाक्ब’ देंनीम” दे परमप्रभु यावेमी देंत। होसे २:२५
परमप्रभु यावे आ खिं नु मूर्ति दोपा गारनीसी ङा? मारदे हना गो गेना हना यो ब्रोंइशा बाक्ब परमप्रभु यावे आ खिं बाक्नीकी। मिनु परमप्रभु यावेमी “आं मुर आगाम बाक्नुङ। मेको आन दातेम गाक्नुङ। मेको आन परमप्रभु यावे दुम्नुङ। मिनु मेकोपुकी आं मुर दुम्नीम” देंशो बाक्त। लेवी २६:११-१२; इजीकीएल ३७:२७; १कोरिन्थी ३:१६
मिनु सामुएलमी “परमप्रभु यावेमी चोशा चढ़ेशो नु अरु चढ़ेशो क्येङा आ देंशो टिशो दाक्ब। थमा पा, चढ़ेशो क्येङा आ देंशो टिचा रिम्शो बाक्ब। मिनु सांड आ बोंसो चढ़ेचा क्येङा आ देंशो टिचा रिम्शो बाक्ब। यसैया १:११-१७; येरमीया ७:२२; होसे ६:६; आमोस ५:२१-२२; मीका ६:६-८; जकरिया ७:५-७; मत्ती ९:१३; मत्ती १२:७
ကြော်ငြာတွေ