येरमीया 11:20 - Sunuwar Bible

²⁰ तन्‍न गे, मुर नेल्‍ल आन परमप्रभु यावे, ठीक पा निसाफ पाइनीनी। मिनु थुं नु सोक्‍त नाक्‍शा कोव़नीनी। गेमी मेको आन कली क्‍येक्‍क लेश्‍शो गो कोव़चा तङल। मारदे हना गो इन कली आं निसाफ पतीक जिम्‍मा गेशो बाक्‍नुङ। भजन संग्रह ७:१०; येरमीया १७:१०; येरमीया २०:१२

येरमीया 11:20 ပူးပေါင်းရင်းမြစ်များ

उत्पत्ती 18:25

ममाइ, गे मोदेंशो पा मक्‍याम्‍नीनी। गे ठीक पाइब नु मरिम्‍शो पाइब आन कली खाल का ङा पा मसाइक्‍नीनी। थमान, ठीक पाइब नु मरिम्‍शो मुर आन कली खाल का ङा मपाइनीनी। गे रागी रागी ङा निसाफ पाइब बाक्‍शा, ठीक निसाफ पाइनीनी” देंमाक्‍त। भजन संग्रह ८२:१; भजन संग्रह ९४:२

२ राजा 19:14

मिनु हिज्‍कीयाह मेको चिठी चाक्‍ब मुर आन गुइ रे ताक्‍शा पढेवा बाक्‍त। मिनु परमप्रभु यावे आ खिं लमाक्‍त। मिनु मेको परमप्रभु यावे आ ङोंइती प्राक्‍शा वोदा बाक्‍त।

१ इतिहास 28:9

आं तौ सोलोमन, इ आफ आ परमप्रभु कली तुइश्‍शा मालो। इ थुं नेल्‍लेमी ग्‍येरशा मेको आ नोले खोतो। मारदे हना परमप्रभु यावेमी इ थुं कोव़ना कोव़न, इन मिम्‍शो नु पशो नेल्‍ल तुइक्‍ब। गे मेको कली माल्‍तीवी हना, गे थित्‍नेवे। तन्‍न गे मेको कली प्रोंइतीवी हना, इ कली गेना हना यो कली प्रोंइब। येरमीया २९:१३-१४; १राजा ११:३१,३३

१ इतिहास 29:17

आं परमप्रभु, गे मुर आन थुं नाक्‍शा कोव़नीनी, दे तुइक्‍नुङ। गे ब्रेम्‍शो थुं पाइश्‍शो मुर तशा ग्‍येरनीनी। गो आं ब्रेम्‍शो थुं दुम्‍तीकेमी ग्‍येरशा एको नेल्‍ल इन कली चढ़ेता। मुल गो एक बाक्‍शो इन मुर आन कली ताता। ग्‍येरशो थुंमी एको नेल्‍ल चढ़ेम्‍तेक्‍म। भजन संग्रह ७:१०

अय्‍युब 5:8

गो मेको नङ हना, गो परमप्रभु कली मलु वा। आं पुंइशो लोव़ परमप्रभु कली देंङ वा।

भजन संग्रह 139:23

परमप्रभु, गे आं कली नाक्‍शा, आं थुं कोव़यीनी। मिनु आं कली कोव़शा आं मिम्‍शो तुइक्‍तीन।

भजन संग्रह 35:2

ठेयब तेक्‍तीक नु या शेशा, आं कली वारच पथ बोक्‍कीन।

भजन संग्रह 43:1

परमप्रभु, आं कली वारच पाइय्‍यीनी। इन कली थमा मसुइक्‍ब मुर आन पर्बम आं पोन बोक्‍कीन। मिनु जोल पाइब नु मरिम्‍शो पाइब मुरपुकी रे आं कली प्रोंइयीनी।

भजन संग्रह 57:1

परमप्रभु शिशी पने। आं कली शिशी पाइय्‍यीनी। मारदे हना आं थुं गे नु ख्रुंइसीब। एको खतम पोक्‍ब फश गिवार मनुम्‍‍म सम्‍म गो इन फ्रां आगामी ख्रुंइसीशा बाक्‍नुङ। भजन संग्रह १७:८; भजन संग्रह ९१:१-२

भजन संग्रह 58:10

मिनु ठीक पाइबपुकी मरिम्‍शो पाइब आन कली क्‍येक्‍क लेश्‍शो तशा, ग्‍येरसीनीम। मिनु मेको आन हुशेम गाक्‍नीम।

भजन संग्रह 7:10

परमप्रभु आं तेक्‍तीके बाक्‍ब। मेकोमी रिम्‍शो थुं पाइश्‍शो आन कली श्‍येत रे प्रोंइब।

भजन संग्रह 7:8

परमप्रभु यावे जात जात ङा मुर आन कली निसाफ पाइब बाक्‍ब। परमप्रभु यावे, आं ठीक पशो नु आं आगाम बाक्‍शो ठीक पाइब थुं तशा, आं कली निसाफ पने। भजन संग्रह १८:२१-२७

भजन संग्रह 7:9

इन अरेशो मटीब आन मरिम्‍शो पतीके थुम्‍पतीन। मिनु नोले गे ठीक पाइब आन कली बोल्‍यो सेलीन। ठीक पाइब परमप्रभु, गे मुर आन थुं नु आन पतीके नाक्‍ब बाक्‍नीनी। भजन संग्रह १०४:३५; भजन संग्रह १३९:१; येरमीया ११:२०; प्रकाश २:२३

भजन संग्रह 98:9

मारदे हना परमप्रभु यावे रागी कली निसाफ पथ जाक्‍ब। मेकोमी ठीक पा जात जात ङा मुर आन कुल मकोव़थु निसाफ पाइब।

येरमीया 12:1

परमप्रभु यावे, गो इन कली दोस गेता हना, गे ठीक पाइब बाक्‍नीनी। तन्‍न गो आं निसाफ इन ङोंइती वोइक्‍नुङ। दोस ताइबपुकी मारदे सोशा बोशा लाइ‍नीमी? थमा मसुइक्‍ब मुर मारदे रिम्‍शो दुम्‍ना दुम्‍न बाक्‍नीमी? भजन संग्रह ७३:३

येरमीया 12:3

मो हना यो परमप्रभु यावे, गे आं कली तुइक्‍नीनी। गे आं कली कोव़शा, नाक्‍नीनी। आं थुं गे नु बाक्‍ब। मेको आन कली साइक्‍चा कली लाइश्‍शो भेडा खोदेंशो पा, कीशा लतीन। मिनु साइक्‍तीक नाक्‍त कली तिल्‍शा वोतीन। भजन संग्रह १३९:१

येरमीया 15:15

मिनु गो “परमप्रभु यावे, गे नेल्‍ल तुइश्‍शो बाक्‍नीनी। आं कली मिम्‍तीन। मिनु आं कली कोव़ङीन। आं कली श्‍येत गेब आन कली क्‍येक्‍क लेत्‍तीन। गे मेको आन पर्बम शुश फाल्‍शा बाक्‍नीनी। आं कली मसाइय्‍‍यीनी। गो इन पर्बम शुक्‍शी पाइक्‍चा पुंइसाक्‍यी, गे मेको तुइक्‍नीनी।

येरमीया 17:10

गो, परमप्रभु यावेमी मुर आन कली नाक्‍नुङ। आन थुंम मार बाक्‍मे, मेको कोव़नुङ। आन गाक्‍शो लां नु आन पशो कोव़शा, इनाम गेनुङमी।

येरमीया 17:18

आं कली खेदा पाइब आन कली मुने तोक्‍कीन। तन्‍न आं कली चहिं मुने मतोक्‍यीनी। मेकोपुकी हिंमल। तन्‍न आं कली चहिं हिंतीक रे प्रोंइ‍यीनी। मेको आन ठेयब श्‍येत ङा नाक्‍त चाक्‍कीन। मेको आन कली निक्‍शी खेयप ङा श्‍येतम सतीन” देंती। बजन संग्रह ३५:४

येरमीया 20:12

मुर नेल्‍ल आन परमप्रभु यावे, गे ठीक पाइब आन कली नाक्‍शा कोव़नीनी। गे मुर आन थुं नु आन मिम्‍तीके कोव़नीनी। आं कली मेको आन कली क्‍येक्‍क लेश्‍शो तचा गेयीनी। मारदे हना गो आं निसाफ पतीके इन कली जिम्‍मा गेता। येरमीया ११:२०

बिलाप 3:58

परमप्रभु गे आं कली वारच पाइक्‍तीनी। मिनु बेक्‍चा रे प्रोंइतीनी।

बिलाप 3:59

परमप्रभु यावे, गे आं कली पशो मरिम्‍शो नेल्‍ल ताइतीनी। आं कली निसाफ गेयीनी।

बिलाप 3:64

परमप्रभु यावे, मेको आन पशो कोव़शा, मेको आन कली क्‍येक्‍क लेत्‍तीन। येरमीया १:२१; भजन संग्रह १३७:८; १पत्रुस २:२३; १पत्रुस ३:९

इजीकीएल 11:5

मिनु परमप्रभु यावे आ सोक्‍त आं तार जाक्‍त। मिनु मेकोम आं कली “परमप्रभु यावेमी ‘ए इस्राएल आ खिं ङा मुर, गे मार मिम्‍शो बाक्‍नीनी, गो मेको नेल्‍ल तुइक्‍नुङ।

प्रेरित 17:31

मारदे हना काबु नेल्‍ल आन कली ठीक पा निसाफ पाइब। मेको निसाफ पची नाक्‍त परमप्रभुमी योव़शा वोइश्‍शो बाक्‍ब। निसाफ पाइब यो योव़शा वोइश्‍शो बाक्‍ब। मेको निसाफ पाइब कली ‘आं योव़शो बाक्‍ब’ दे कोंइचा कली बेक्‍शो रे सेंताक्‍व” दे पावलमी शेंदीमी बाक्‍त। प्रेरित १०:४२; मत्ती २५:३१-३३

फिलिप्‍पी 4:6

सुर्ता मपने। परमप्रभु यावे नु लोव़ पा, इन माल्‍शो पुंइशा “गे रिम्‍शो पाइब बाक्‍नीनी” दे परमप्रभु यावे कली देनीन। मत्ती ६:२५-३४; १पत्रुस ५:७

२ तिमोथी 4:14

अलेक्‍जन्‍डर तांबा तुप्‍तीलमी शुश श्‍येत गेती। प्रभुमी मेको आ गेय तशा, सजाइ गेब। १तिमोथी १:२०

१ पत्रुस 2:23

मुरपुकीमी मेको कली शुक्‍शी लोव़ पाम्‍तेक्‍म हना यो, मेको आन कली लोव़ मलेत्‍त। मिनु श्‍येत जशा यो, मुर आन कली हिंच मकोंइद। तन्‍न ठीक पा निसाफ पाइब कली जिम्‍मा गेंसाक्‍व।

प्रकाश 18:20

मिनु स्‍वर्गमी बाक्‍ब नेल्‍ले ग्‍येरसीने। परमप्रभु यावे आ योव़शोपुकी, ख्रीस्‍त आ सोइश्‍शोपुकी नु परमप्रभु यावे आ लोव़ पाइबपुकी ग्‍येरसीने। मारदे हना, परमप्रभु यावेमी इन कली गेशो श्‍येत आ पर्बम मेको कली सजाइ गेप्‍तु” देंशो नेंता। येरमीया ५१:४८

प्रकाश 2:23

आ आल आन कली मुर साइक्‍ब रोइम साइक्‍नुङमी। मेको आन श्‍येत जशा, बेक्‍शो तशा ‘गोम पाप्‍तु’ दे थमा सुइक्‍ब नेल्‍लेमी तुइक्‍नीमी। मिनु थमा सुइक्‍ब आन ग्रुम्‍तीके ङा मुर नेल्‍लेमी ‘येसु ख्रीस्‍तमी मुर आन थुं नु आन पशो तुइक्‍ब। मिनु नोले दोपा पामे, मोपा गेब’ दे तुइक्‍नीम। भजन संग्रह ७:१०; येरमीया १७:१०

१ सामुएल 16:7

तन्‍न परमप्रभु यावेम मेको कली “मेको दारशो नु लाइश्‍शो बाक्‍त हना यो, मेको कली ममिम्‍तो। गो मेको कली पिप मसेल्‍नुङ। गो, परमप्रभु यावेम मुरुम खोदेंशो पा मकोव़नुङ। मुरुम रां दारशो कोव़शा मिम्‍नीम। गो मुर आ थुं कोव़नुङ” देंमाक्‍त। येरमीया १७:१०; प्रकाश २:२३; प्रेरित १०:३४

१ सामुएल 24:15

परमप्रभु यावे निसाफ पाइब बाक्‍ब। मिनु मेकोमी इस दातेम निसाफ पवल। परमप्रभु यावेम कोव़ङल। आं परमप्रभु यावेम आं कली इन गुइ रे प्रोंइब” देंमाक्‍त।