येरमीया 11:19 - Sunuwar Bible19 गो साइक्चा कली लाइश्शो मारेइ पने मचाप्ब पाठा का खोदेंशो बाक्ती। मेकोपुकीमी आं पर्बम “एको रवा कली आ फल सुन्दा तिम्य। एको कली ब्रोंइशा बाक्ब आन रागी रे क्योरशा ताइक्तय। मिनु एको आ नें गेनायो ममिम्सेक्ल” देंशा मरिम्शो पशो गो मतुइक्तु। यसैया ५३:७ အခန်းကိုကြည့်ပါ။ |
येरमीया 11:19
28 ပူးပေါင်းရင်းမြစ်များ
गो शुश मुरपुकीम नोफा मुइक्मुशा लोव़ पशो नेंता। मेकोपुकीमी ‘एर ओंथ नेल्ल हिंचा ङा श्येत बाक्ब। येरमीया कली दोस गेय। मेको आ पर्बम उजुर पय’ देंनीम। आं नेक्था ङा वारच नेल्लेमी ‘गेना दाइल पांइसीबा’ दे आं कली कोव़नीम। मिनु लेंशा ‘गो मेको आ पर्बम लोव़ पा मेको कली ग्राने चाप्नीकी। गो मेको क्येङा ग्राशा क्येक्क लेत्नय’ देंतेक्म” देंत। येरमीया २०:३; येरमीया १८:१८
एलाम मेकेर बाक्ब। आ लडाइ पाइब नेल्ल आ तुरस आ एर ओंथ बाक्नीम। मेको नेल्ल तरवारम क्योरशा साइक्चा पुंइसीशो बाक्नीम। मेकोपुकी ख्रोइक्तीक चिनु मख्रोइक्थु, उइ बेक्शो मुर आन बाक्तीक लाम्तेक्म। मेकोम ब्रोंइशा बाक्ब आन रागीम मुर आन कली शुश हिंपाइश्शो बाक्तेक्म। मेकोपुकी बेक्शो मुर आन बाक्तीकेम लशो खोदेंशो पा मुने दोक्नीम। येरमीया ४९:३७
मिनु ६२ हप्ता नोले मेको तेल लुक्शो का मारेइ मदुम्थु यो तिल्चा पुंइसीब। मिनु मेको जाक्चा चिक्शो पिप आ लडाइ पाइब नु जाक्शा, मेको सहर नु परमप्रभु यावे आ बाक्तीक खतम पोक्ब। मिनु मेको आ नुप्ची ना ठेयब भोल यिशा, नोले सम्म लडाइ दुम्ब। ङोंइती मोदेंशो खतम दुम्तीक श्येत आ पर्बम देंशो बाक्ब। यसैया २८:२२; लूका २१:२३-२४
ကြော်ငြာတွေ