येरमीया 10:9 - Sunuwar Bible

⁹ टारशीश रे तुप्‍शो चांदी चाक्‍नीम। मिनु उफाज रागी रे सुन चाक्‍नीम। मेको मार मार सेल्‍स जोक्‍ब नु सुन चेम्‍बपुकी आन गेय बाक्‍ब। मिनु मेको आन कली नीलो नु प्‍याजी रङ ङा वा फेक्‍पाइक्‍नीम। मेको नेल्‍ल मार मार सेल्‍स जोक्‍ब मुर आन गेय बाक्‍नीम।

येरमीया 10:9 ပူးပေါင်းရင်းမြစ်များ

१ राजा 10:22

मिनु पिप नु हीराम आस जहाजपुकी टारसीस गे लाइबाक्‍मा बाक्‍त। मिनु बर्स सां सांमी मेको जहाजम काले टारसीस रे सुन, चांदी, हात्ती आन ख्रुइ, बुदी नु मजुर चाक्‍शा, जाक्‍बाक्‍मा बाक्‍त।

२ इतिहास 9:21

हुराम आ गेय पाइबपुकी पिप सोलोमन आ जहाजपुकी नु टारसीस ङा बाक्‍त। मिनु बर्स सां सांमी मेको पिप आ जहाजपुकीम सुन, चांदी, हात्ती आ दारा, मोरपुकी नु मजुरपुकी चाक्‍बाक्‍मा बाक्‍त।

भजन संग्रह 115:4

मेको आन मूर्तिपुकी मुर आन गुइम सेल्‍शो सुन नु चांदी के बाक्‍नीम। ब्‍यवस्‍था ४:२८; यसैया ४४:९-२०

भजन संग्रह 72:10

टारशीश नु ङोन ङा टापु ङा पिपपुकीमी मेको कली तिरो थाप्‍तमेक्‍ल। शेबा नु सेबा ङा पिपपुकीमी मेको कली कोसेली चाक्‍गमेक्‍ल। यसैया ६०:९; भजन संग्रह ६८:३०; १राजा १०:१-२

यसैया 23:6

गेपुकी टारशीश शोक्‍शा, लने। समुन्‍द्र आ नेक्‍था बाक्‍ब मुरपुकी रोंका पने।

यसैया 40:19

मूर्ति का? मूर्ति चेम्‍बमी मूर्ति कली यपाइक्‍ब। सुन चेम्‍बमी मेको सुनम ख्रुम्‍ब। मेको कली चांदी के साङली सेल्‍‍ब।

इजीकीएल 27:12

गे नु शुश शोंप नु शुश मार मार बाक्‍तीके टारशीश ङा मुरपुकीम गे नु ग्‍याप्‍तीक लेयतीक गेय पा चांदी, फलाम, टिन नु सिसा चाक्‍शा फाइक्‍तेक्‍म।

इजीकीएल 27:7

इ जहाज ङा वापुकी इजीप्‍त रागी ङा दारशो बुटा आप्‍शा सेल्‍शो रिम्‍शो किरशो सुती वा के बाक्‍तेक्‍म। मेको इ छेदर दुम्‍शो बाक्‍तेक्‍म। मेको एलीशाह रागी ङा समुन्‍द्र आ शुंइच ङा नीलो नु प्‍याजी रङ ङा चाक्‍शो बाक्‍त। उत्‍पत्ती १०:४

दानीएल 10:5

मिनु गो इर गे कोव़ङुनु, सुती वा फेक्‍शो मुर का ताता। मेकोमी थम रिम्‍शो ओफीर ङा सुन के किप्‍शुर किप्‍शो बाक्‍त। दानीएल ८:१५; दानीएल १२:६; इजीकीएल ९:२; प्रकाश १:१३-१५

होसे 8:6

मेको बाछा इस्राएल रागी रे चाक्‍शो बाक्‍त। मूर्ति सेल्‍बम मेको कली सेल्‍तु। मेको परमप्रभु मबाक्‍ब। काबु नाक्‍ती मेको सामरीया ङा बाछा टुक्रा टुक्रा दुम्‍ब।

योना 1:3

तन्‍न योना परमप्रभु यावे आ ङोंइती रे लशा, निनवे मलथु, टारशीश गे प्रोक्‍चा गोवा बाक्‍त। मिनु योप्‍पा सहरम यिशा, टारशीश लाइब डोंगा का थिश्‍शा, क्‍येट थाप्‍शा, परमप्रभु यावे आ ङोंइती रे प्रोक्‍शा, डोंगाम ङोंइसे बाक्‍त। भजन संग्रह १३९:७,९,१०

हबकुक 2:19

आबी आबी, गे शी कली ‘सेंसो’ दे ब्‍वाक्‍ने मचाप्‍ब फुल्‍लु कली ‘बोक्‍को’ देंनेवे। मार, मेकोमी मुर कली शेंने चाप्‍बा? मेको सुन चांदीमी गिल्‍शो बाक्‍त। तन्‍न मेको नु काइ ब्रोंइतीक सोक्‍त मबाक्‍ब। भजन संग्रह ११५:४-८