येरमीया 10:7 - Sunuwar Bible

⁷ गे रागी रागी ङा पिप, इन कली सुम मान पा महिंनीमी ङा? गे मान पाइक्‍चा शिरशो बाक्‍नीनी। रागी रागी ङा मुर आन जोक्‍ब तुइक्‍ब नु मेको आन राज्‍य नेल्‍लेमी इन खोदेंशो सुइ मबाक्‍नीम।

येरमीया 10:7 ပူးပေါင်းရင်းမြစ်များ

२ राजा 17:39

तन्‍न गेपुकीम परमप्रभु यावे, इन परमप्रभु कली ला ठेयब सेलीन। मेकोमी इन कली इन जोरी सत्रु आन गुइ रे प्रोंइब” दे अरेशो बाक्‍माक्‍त। ब्‍यवस्‍था ६:१२-१९

१ इतिहास 16:25

मारदे हना परमप्रभु यावे ठेयब बाक्‍ब। ठेयब मान पाइक्‍चा पुंइसीब बाक्‍ब। देवी देवता नेल्‍ल आन क्‍येङा मान पाइक्‍चा पुंइसीब बाक्‍ब।

एस्‍तर 1:13

मिनु पिपमी “मुल मार पचा” दे जोक्‍ब तुइक्‍ब नु लोव़ पाप्‍तु। मेको जोक्‍ब तुइक्‍बमी ङोंइती रे पिप कली अर्ती गेबाक्‍मा बाक्‍त। मिनु ऐन कानुन जोक्‍ब तुइक्‍ब नेल्‍लेमी “मुल मार पचा” दे सल्‍ला पाम्‍तेक्‍म।

भजन संग्रह 147:5

आंइ परमप्रभु ठेयब बाक्‍ब। मेको आ सक्ति नेल्‍ल क्‍येङा ठेयब बाक्‍ब। आ रुप्‍तीक सक्ति सुइम तुइक्‍ने मचाप्‍नीम। लूका १:५२

भजन संग्रह 22:28

मारदे हना मेको राज्‍य परमप्रभु यावे केन बाक्‍ब। मिनु मेकोमी रागी रागी ङा मुर आन कली सासन पाइब।

भजन संग्रह 47:3

मेकोमी रागी आन कली आंइ के सेल्‍शा, शुश मुर आन कली आंइ कली हुकुम पचा गेप्‍तु।

भजन संग्रह 72:11

पिप नेल्‍ल मेको आ ङोंइती बाम्‍मल। मिनु रागी रागी ङा मुर नेल्‍लेमी मेको कली गेय पामेक्‍ल।

भजन संग्रह 76:7

गे मान पा हिंचा माल्‍शो बाक्‍नीनी। गे गाइक्‍तीनीनु, इन ङोंइती सु राप्‍ने चाप्‍बा ङा?

भजन संग्रह 86:8

परमप्रभु, देवी देवता आन दातेमी इन खोदेंशो अरु तेकोइ मबाक्‍नीम। इन पशो गेय खोदेंशो पा अरु सुइम मपाइनीम। भजन संग्रह १३५:५; प्रस्‍थान १५:११

भजन संग्रह 86:9

परमप्रभु, इन सेल्‍शो रागी रागी ङा मुर इन ङोंइती बाप्‍शा, इन नें थिशा, इन कली ठेयब सेल्‍चा माल्‍नीम।

भजन संग्रह 89:6

सरीङमी परमप्रभु यावे कली सु नु थाप्‍ने चाम्‍सीबा ङा? मिनु स्‍वर्गम बाक्‍ब आन दातेमी सु परमप्रभु यावे खोदेंशो बाक्‍बा ङा? १राजा २२:१९

प्रस्‍थान 8:10

मिनु “दीसा कली पुनीस” दे लोव़ लेत्‍ताक्‍व। मोसामी “परमप्रभु यावे आंइ परमप्रभु खोदेंशो सुइ मबा, दे तुइक्‍पाइक्‍चा कली इन देंशो दीसा दुम्‍ब। प्रस्‍थान ९:१४; प्रस्‍थान १५:११; ब्‍यवस्‍था ३३:२६; २सामुएल ७:२२; येरमीया १०:६

प्रस्‍थान 9:14

मारदे हना मुल रे गेचशो श्‍येतम इ कली, इ गेय पाइब आन कली नु इ मुर नेल्‍ल आन कली सोइक्‍नुङ। रागी रागीमी आं खोदेंशो सुइ मबाक्‍ब, दे इ कली तुइक्‍पाइक्‍नुङ। प्रस्‍थान ८:६

यसैया 2:4

मिनु मेकोमी रागी रागी ङा नु जात जात ङा मुर आन कली निसाफ पाइब। मिनु मेकेर ङा मुर आन कली अरेब। मेकोपुकीमी आन तरवार चेम्‍शा, फाली सेल्‍नीम। आन तूतीक चहिं गुये सेल्‍नीम। रागी का ङा मुर अर्को रागी ङा मुर नु लडाइ मपाइनीम। लडाइ पचा मशेंसीनीम। यसैया ९:४

येरमीया 10:6

परमप्रभु यावे, इन खोदेंशो सुइ मबाक्‍नीम। गे ठेयब बाक्‍नीनी। मिनु इन सक्तिमी इन नें ठेयब सेल्‍तीनी। भजन संग्रह ८६:८

येरमीया 5:22

मार, गे आं कली मान पा हिंचा ममाल्‍नीनी ङा? गे आं ङोंइती ख्रिंख्रि मपाइनीनी? गो समुन्‍द्र आ सांद कली बाल्‍वा वोइक्‍ता। आ छाल बोक्‍तेक्‍म हना यो, मेको कली ख्राक्‍ने मचाप्‍नीम। मेकोपुकी शुश बोल पाम्‍तेक्‍म हना यो, मेको कली लाक्‍ने मचाप्‍नीम। ठेयब रेयके पाम्‍तेक्‍म हना यो, लाक्‍ने मचाप्‍नीम। बजन संग्रह १०४:९

दानीएल 2:27

मिनु दानीएलमी पिप कली “पिप, इन हिल्‍लो पशो ख्रुइश्‍शो लोव़ जोक्‍ब तुइक्‍ब, मन्‍तर तन्‍तर पाइब जादू नु चिन्‍ड आ अर्थ तुइक्‍ब सुइमी यो देंने मचाप्‍नीम।

दानीएल 2:28

तन्‍न स्‍वर्गमी परमप्रभु का बाक्‍ब। मेकोमी ख्रुइश्‍शो लोव़ कोंइब। मिनु मेकोमी पिप नेबुकदनेसर, इन कली रागी नुप्‍ची ना मार दुम्‍बा, दे कोंइशो बाक्‍ब। मिनु इन इप्‍ची ना तशो ङोमु मार बाक्‍त देंशा हना, उत्‍पत्ती ४१:१६

हबकुक 3:2

“परमप्रभु यावे, गो इन पशो नेल्‍ल नेंता। परमप्रभु यावे, गो इन पशो तशा, इन कली ठेयब सेल्‍नुङ। आंइ ब्रोंइतीक नाक्‍तीमी मेको लेंशा कोंइदीन। मेको तुइक्‍पतीन। गे गाइक्‍ताक्‍नी हना, यो इन शिशी मिम्‍तीन।

जकरिया 2:11

मेको नाक्‍त शुश रागी ङा मुरपुकी परमप्रभु यावे नु गारचा कली जाक्‍‍नी‍म। मेको नाक्‍ती मेको आं मुर दुम्‍नी‍म। मिनु गो गे इन दातेमी बाक्‍नुङ। मिनु गेपुकीमी मुर नेल्‍ल आन परमप्रभु यावेमी आं कली इन कली लोव़ पथ सोइश्‍‍शो बाक्‍ब, दे तुइक्‍नी‍नी” दे परमप्रभु यावेमी देंत। यसैया ११:१०

मलाकी 1:11

“नां दाप्‍तीक रे नां पेरतीक सम्‍म रागी रागी ङा मुर आन दातेमी आं नें ठेयब बाक्‍ब। रागी नेल्‍ल ङा मुरपुकीमी आं कली धूप चोशा, रिम्‍शो थोव़क चढ़ेनीम। मारदे हना रागी रागी ङा मुर आन दातेमी आं नें ठेयब बाक्‍ब” दे मुर नेल्‍ल आन परमप्रभु यावेमी देंत। यसैया ६०:१-७

लूका 12:5

तन्‍न परमप्रभु यावे कली मान पा हिनीन। मारदे हना मुर आन कली साइश्‍शा, नाराक सोइक्‍तीक सक्ति मेको नु बाक्‍ब। मोपतीके मेको कली तशा मान पा हिनीन। हिब्रू १२:२९

१ कोरिन्‍थी 8:6

इं कली परमप्रभु यावे का ला बाक्‍ब। मेको मारेइ मारेइ सेल्‍ब इं आफ बाक्‍ब। मिनु गोपुकी यो मेको आ सेल्‍शो बाक्‍नय। मिनु इं प्रभु का ला बाक्‍ब, मेको प्रभु येसु ख्रीस्‍त बाक्‍ब। मेको आ पतीकेम मारेइ मारेइ दुम्‍शा, गो ब्रोंइचा ताइनीकी। १कोरिन्‍थी १२:५-६; प्रस्‍थान २०:३; मलाकी २:१०; एफिसी ४:५-६; यूहन्‍ना १:३; कलस्‍सी १:१६

यहोसु 4:24

मिनु रागी ङा मुर नेल्‍लेमी परमप्रभु यावे, इन परमप्रभु ठेयब सक्ति पाइश्‍शो बाक्‍ब, दे तुइक्‍तमेक्‍ल। मिनु गे परमप्रभु यावे, इन परमप्रभु कली तुइश्‍शा, गेना हना यो मान पा हिनीन, दे मोदेंशो पाप्‍तु” देंत।

प्रकाश 11:15

मिनु मेको नोले ङा परमप्रभु यावे आ स्‍वर्ग ङा गेय पाइबमी आ तुराही ताप्‍तु। मिनु स्‍वर्गमी ठेयब सेंदापुकी नेंता। मेकोपुकीमी “आंइ परमप्रभु नु आ ख्रीस्‍तमी रागी नेल्‍ल कली सासन पाइब दुम्‍ताक्‍से। मिनु गेना हना यो सासन पना पन बाक्‍नीसी” देंशो नेंता।

प्रकाश 15:4

नेल्‍लेमी इन कली मान पा हिंशा इन नें ठेयब सेल्‍नीमी। मारदे हना गे ला परमप्रभु बाक्‍नीनी। रागी रागी ङा मुर नेल्‍ले इन ङोंइती जाक्‍शा, पोक्‍च थेक्‍शा, खुम्‍की पा बाप्‍नीमी। मारदे हना इन निसाफ पतीके नेल्‍लेमी ताम्‍तेक्‍म” देंशो कुम्‍सो आ लोव़ बाक्‍त। भजन संग्रह ८६:९; येरमीया १६:१९-२१