येरमीया 10:22 - Sunuwar Bible

²² रेयके का जाक्‍शो बाक्‍ब। मेको नेनीन। उत्तर रागी रे ठेयब ग्रांग्‍ये माग्‍ये दुम्‍शो बाक्‍ब। मेकोमी यहूदा इन सहरपुकी मुर मबाक्‍तीके सेल्‍ब। मेको सिवार आन बाक्‍तीक दुम्‍नीम। येरमीया १:१४

येरमीया 10:22 ပူးပေါင်းရင်းမြစ်များ

यसैया 34:13

मेको आन दरवारम चू वानीम। मेको आन बोल्‍यो दरवारम चूले नु चोंक वानीम। मेकेर सिवार नु ठेयब चिक्‍ब आन बाक्‍तीके दुम्‍ब। यसैया १३:२१-२२

येरमीया 1:14

मिनु परमप्रभु यावेमी आं कली “उत्तर रे एको रागीम बाक्‍ब मुर नेल्‍ल आन कली श्‍येत जाक्‍ब। येरमीया ४:६; येरमीया ६:१,२२; येरमीया १०:२२; येरमीया २५:९; येरमीया ५०:४१

येरमीया 1:15

गो उत्तर ङा राज्‍य ङा जात जात ङा मुर आन कली ब्रेत्‍‍नुङ। मिनु मेको नेल्‍ल जाक्‍शा, यरूसलेम ङा ठेयब लाप्‍चो ओव़तीक लांमी, एर ओंथ ङा गारो नेल्‍ल नु यहूदा ङा सहर आ ङोंइती आन पिप आन नित्‍तीक वोइक्‍‍नीम। मेकोपुकी मेको आन पर्बम लडाइ पचा कली जाक्‍नीम।

येरमीया 2:15

गुप्‍सपुकी मेको कली तशा ग्रीनीम। ठेयब सेंदा पा ग्रीनीम। मेकोपुकीमी आ रागी कली मुर मबाक्‍तीके सेल्‍तेक्‍म। मेको आ सहर नेल्‍ल ब्रेत्‍तेक्‍म। मिनु मेकेर मुर मबाक्‍नीम। येरमीया ४:७

येरमीया 25:9

गो उत्तर ङा जात नेल्‍ल नु आं गेय पाइब बेबीलोन ङा पिप नेबुकदरेसर कली ब्रेश्‍शा चाक्‍नुङमी। गो मेको आन कली एको रागी ङा मुर नु एर ओंथ ङा जात नेल्‍ल आन पर्बम चाक्‍नुङमी। मिनु गो मेको नेल्‍ल आन कली साइक्‍पाइक्‍नुङमी। गो मेको आन कली शुश हिंचा ङा, शुक्‍शी पाइक्‍चा पुंइसीब नु शिशी मताइब सेल्‍नुङमी। दानीएल ३:३१-३३

येरमीया 4:15

दान रे सेंदा कामी ‘एफ्राइम डांडा रे खतम दुम्‍तीके जाक्‍ब’।

येरमीया 4:6

सियोन गे लचा कली छेदर क्‍युक्‍कीन। ब्रोंइचा आ पर्बम देश मपथु रीब पा प्रोक्‍शा लने। मारदे हना गो उत्तर रे ठेयब श्‍येत नु खतम दुम्‍तीके चाक्‍नुङ। येरमीया १:१४

येरमीया 49:33

हासोर सिवार आन बाक्‍तीके दुम्‍ब। मेको गेना हना यो कली मुर मबाक्‍तीक रागी दुम्‍ब। मेकेर सुइ मबाक्‍नीम, मेकेर सुइ मुर बाक्‍थ मलाइनीम” दे परमप्रभु यावेम देंत। येरमीया ४९:१३

येरमीया 5:15

ए इस्राएल, इन कली खतम सेल्‍चा कली ङोन रागी ङा मुर चाक्‍नुङ। मेको रागी ङा मुरपुकी शुश बोल पाइश्‍शो बाक्‍नीम। आन रागी साइ ङोंइती ङा बाक्‍ब। गे मेको मुर आन लोव़ मतुइक्‍नीनी। आन ब्‍वाक्‍शो मरुप्‍नीनी। येरमीया ६:२२; यसैया २८:१

येरमीया 6:1

परमप्रभु यावेमी “बेन्‍यामीन आ आलपुकी ब्रोंइशा बाक्‍चा कली यरूसलेम रे प्रोक्‍कीन। तेकोहा सहरमी तुराही ताप्‍पीन। बेथ-हक्‍केरेम तार चिन्‍ड कोंइशा वोतीन। मारदे हना उत्तर रे मरिम्‍शो पतीक नु खतम दुम्‍तीके यिशो बाक्‍ब। आमोस १:१; येरमीया १:१४

येरमीया 6:22

परमप्रभु यावेमी “कोव़ङीन, उत्तर ङा रागी रे हुल का मुर जाक्‍नीम। रागी आ सुर रे ठेयब रागी ङा मुर बारशा जाक्‍नीम। येरमीया ५:१५; ब्‍यवस्‍था २८:४९

येरमीया 9:11

गो यरूसलेम कली खिं ब्रेश्‍शा देल्‍तीके सेल्‍नुङ। सिवार आन बाक्‍तीके सेल्‍नुङ। गो यहूदा ङा सहर आन कली मुर मबाक्‍तीके सेल्‍नुङमी। मिनु मेकेर सुइ मबाक्‍नीम। येरमीया २६:१८

बिलाप 1:4

सियोन लतीक लां रोंका पाइनीम। मारदे हना सुइमी चाड मानेचा कली मेकेर रे मगाक्‍नीम। सहर ङा ठेयब लाप्‍चो नेल्‍ल श्‍येत्‍थ बाक्‍नीम। आ चढ़ेबपुकी हुकयी पाइनीम। आ मीश आल सुर्ता पाइनीम। मिनु सहरम श्‍येत जशो बाक्‍ब।

इजीकीएल 12:19

मिनु रागी ङा मुर नु यरूसलेम नु इस्राएल रागीम बाक्‍ब मुर आन कली परमप्रभु, परमप्रभु यावेमी ‘मेको आन जचा थोव़क हिंशा जाइनीम। मिनु सुर्ता पा ब्‍वाक्‍कु तूनीम। मारदे हना मेकेर बाक्‍ब आन मरिम्‍शो पतीके, मेको रागी नु मेकेर बाक्‍शो मारेइ मारेइ गोरशो सेल्‍नुङ।

मलाकी 1:3

तन्‍न एसाव कली काइ मदाक्‍तु। मोपतीके मेको आ बाक्‍तीक पहाड कली गोरशो रागी सेल्‍ता। आ थेरशो रू सिवार आन बाक्‍तीक दुम्‍पाइक्‍ता” देंत। यसैया ३४:१३