येरमीया 10:19 - Sunuwar Bible

¹⁹ आबी, तन्‍न आं गार आ पर्बम हिंती। आं गार मसाब। तन्‍न गो आंम कली “थमा पा, एको आं सजाइ बाक्‍ब। गो एको फाल्‍चा माल्‍नुङ” देंती।

येरमीया 10:19 ပူးပေါင်းရင်းမြစ်များ

भजन संग्रह 39:9

गो सिक्‍सी पा बाक्‍शा मब्‍वाक्‍ङ। मारदे हना गे मो पपाइक्‍तीनी।

भजन संग्रह 77:10

मिनु गो “नेल्‍ल क्‍येङा ठेयबमी आ थुं फाइक्‍तीके आं कली श्‍येत दुम्‍त” दे मिम्‍ताक्‍ङ।

यसैया 8:17

मिनु गो याकूब आ खिं ङा मुर आन क्‍येङा आ कुल ख्रुइक्‍ब परमप्रभु यावे आ लां कोव़शा, रिम्‍शा बाक्‍नुङ।

येरमीया 14:17

गे मेको आन कली “आं मिक्‍च रे नाक्‍दो नाक्‍ती प्रेक्‍कु यिशा बाक्‍ल। मारदे हना आं मुर, ग्‍युं‍बे मपशो तमी थाम्‍पा श्‍येत जशो बाक्‍ब। ठेयब गार दुम्‍चा ङा पा मेको तुप्‍चा पुंइसीशो बाक्‍ब। येरमीया१३:१७

येरमीया 14:7

मिनु आंइ मरिम्‍शो पशोम आंइ पर्बम सांकछी गेम्‍तेक्‍म हना, परमप्रभु यावे, गे इन नें आ पर्बम शिशी पने। मारदे हना गो इन कली प्रोंइशा, थम मरिम्‍शो दुम्‍तक। गोपुकीम इन पर्बम पाप पशो बाक्‍त‍क। दानीएल ९:४-९

येरमीया 17:13

गे इस्राएली आन आस पशो परमप्रभु यावे, इन कली प्रोंइब नेल्‍ल मुने दोक्‍नीम। इन कली प्रोंइशा गाक्‍ब मुर नेल्‍ल फुरकुम नें ब्रेक्‍शो खोदेंशो ला बाक्‍नीम। मारदे हना मेकोपुकीमी गेना हना यो ब्रोंइचा गेब ब्‍वाक्‍कु, परमप्रभु यावे कली प्रोंइशो बाक्‍नीम। येरमीया २:१३

येरमीया 4:19

मिनु गो हिंती, हिंती। गो श्‍येत जशा हुकयी पाइनुङ। आं लुङगीर खाइश्‍शा, तुक तुक पाप्‍तु। गो सिक्‍सी पा बाक्‍ने मचाप्‍नुङ। मारदे हना गो तुराही ताप्‍शो नें‍ता। मेको लडाइ ङा रेयके बाक्‍ब।

येरमीया 4:31

गो सुत्‍केरी रोइ पशो मीश मुर आ सेंदा खोदेंशो नेंता। मेको ङोंइती ङा आल थिचा चिक्‍शो मीश मुर आ सेंदा खोदेंशो बाक्‍त। सियोन आ तमीमी आ गुइ दिंशा आ सास कीशा ‘आबी, आं कली साइक्‍ब आन ङोंइती थाइनुङ’ देंत” दे परमप्रभु देंत।

येरमीया 8:21

आं श्‍येत जशो मुर आ पर्बम गो रोंका पा थुं खाइक्‍ती।

येरमीया 9:1

परमप्रभुमी “आं पिया ब्‍वाक्‍कु बुक्‍तीक दुम्‍शो हना, नु आं मिक्‍ची प्रेक्‍कु बुक्‍तीक दुम्‍शो हना, गो नाक्‍दो नाक्‍ती ङाक्‍ङ वा। श्‍येत जशो साइश्‍शो आं मुर आन पर्बम ङाक्‍ङ वा। येरमीया १३:१७; लूका १९:४१

बिलाप 1:2

मेको नाक्‍दो हिशेक पा ङाक्‍ब। आ प्रेक्‍क यिना यिन बाक्‍नीम। मेको आ दाक्‍शो मुर आन दाते ङा सुइम मेको कली आ थुं बारपाइक्‍चा ङा लोव़ मपाइनीम। आ वारच नेल्‍लेम मेको कली प्रोंइतेक्‍म। मुल मेको आ जोरी सत्रु दुम्‍तेक्‍म। भजन संग्रह ६९:२१

बिलाप 3:48

आं मुर नेल्‍ल खतम दुम्‍शो तशा, गो शुश ङाक्‍ती।

मीका 7:9

आं कली निसाफ पा वारच मपवा सम्‍म गो परमप्रभु यावे आ गाइश्‍शो फाल्‍चा माल्‍नुङ। मारदे हना गो मेको कली पाप पाता। मेकोमी आं कली आ शिशी तपाइक्‍चा कली छेङछेङम ग्रुंइब। येरमीया १४:७