येरमीया 10:16 - Sunuwar Bible

¹⁶ परमप्रभु यावे, याकूब आ भाग बाक्‍ब। मेको मारेइ मारेइ सेल्‍ब बाक्‍ब। मिनु इस्राएल मेको आ शोंप बाक्‍ब। मेको आ नें मुर नेल्‍ल आन परमप्रभु यावे बाक्‍ब” देनो। ब्‍यवस्‍था ३२:९

येरमीया 10:16 ပူးပေါင်းရင်းမြစ်များ

भजन संग्रह 119:57

परमप्रभु यावे, गे आं परमप्रभु बाक्‍नीनी। गो इन लोव़ टिना टिन बाक्‍नुङ।

भजन संग्रह 135:4

परमप्रभु यावेमी याकूब कली आ मुर दुम्‍पाइक्‍चा कली नु इस्राएल कली आंम के सेल्‍चा कली योव़शो बाक्‍ब। प्रस्‍थान १९:५-६

भजन संग्रह 142:5

परमप्रभु यावे गो इन कली ब्रेत्‍ताक्‍ङ। गो “गे आं ख्रुइक्‍तीके बाक्‍नीनी। ब्रोंइशा बाक्‍ब आन रागीमी गे आं भाग बाक्‍नीनी” देंती। भजन संग्रह २७:१३

भजन संग्रह 33:6

परमप्रभु यावेमी लोव़ पशा, सरीङ सेल्‍तु। आ मुइश्‍शोमी सोरुल नेल्‍ल दुम्‍तेक्‍म। उत्‍पत्ती १:६,१४

भजन संग्रह 73:26

आं रां नु आं थुं निम्‍फा ग्‍येत्‍थ लुक्‍च दुम्‍शो बाक्‍नीस। तन्‍न परमप्रभु गेना हना यो आं सक्ति नु आं भाग बाक्‍ब। भजन संग्रह १६:५

भजन संग्रह 74:2

साइ इन ग्‍याप्‍शो मुर आन कली मिम्‍तीन। इन के सेल्‍चा कली श्‍येत रे प्रोंइशो मुर आन कली मिम्‍तीन। गे इन बाक्‍तीक सियोन डांडा कली मिम्‍तीन। भजन संग्रह ७६:३

प्रस्‍थान 19:5

गे आं देंशो लोव़ पाइतीनी नु आं कबल पशो टीतीनी हना, गे नेल्‍ल जात जात ङा मुर आन दातेमी आं योव़शो मुर दुम्‍नीनी। मारदे हना रागी नेल्‍ल आं केन बाक्‍ब। ब्‍यवस्‍था ५:२; ब्‍यवस्‍था ७:६

प्रस्‍थान 34:9

मिनु “आं परमप्रभु, इन ङोंइती शिशी तशो बाक्‍ती हना, गे परमप्रभु, गो नु गाक्‍कीन, दे पुंइनुङ। एको काइ मटीब मुर बाक्‍तेक्‍म हना यो, आंइ ठीक मपशो नु पाप क्‍याम्‍दीन। आंइ कली आंम इन मुर सेल्‍शा ब्रकी” दें‍त।

हितोपदेस 16:4

परमप्रभु यावेमी मारेइ मारेइ नेल्‍ल गेय पचा कली सेल्‍तु। आ अरेशो मटीब कली यो नोले ङा श्‍येत नाक्‍त कली सेल्‍तु। रोमी ९:२२

यसैया 19:25

मिनु मुर नेल्‍ल आन परमप्रभु यावेमी आसीक गेशा मेको आन कली “आं इजीप्‍त ङा मुर, आं सेल्‍शो अस्‍सुर रागी नु आं योव़शो इस्राएल ङा मुरपुकी आसीक रमल” देंब।

यसैया 45:7

गो छेङछेङ नु छिङछिङ सेल्‍ब नङ। गो थुं नाइक्‍पाइक्‍ब नु श्‍येत जपाइक्‍ब सेल्‍ब नङ। गो, परमप्रभु यावेमी, मेको नेल्‍ल पाइनुङ। आमोस ३:६

यसैया 47:4

आंइ कली श्‍येत रे प्रोंइब, मुर नेल्‍ल आन परमप्रभु यावे, इस्राएली आन का ला बाक्‍शो परमप्रभु बाक्‍ब।

यसैया 47:6

गो आं मुर आन कली तशा गाइश्‍शा, मेको आन कली ‘आं मुर मनम’ खोदेंशो सेल्‍ता‍मी। मेना इ गुइमी गेता‍मी। मिनु गे मेको आन कली काइ शिशी मपदी। खूशो आन कली यो श्‍येत गेशा, हेल्‍शो जवा लाप्‍ताक्‍वी। जकरिया १:१५

यसैया 51:15

मारदे हना गो परमप्रभु यावे, इन परमप्रभु नङ। गो समुन्‍द्र ङा छाल पोक्‍नुङ। आं नें मुर नेल्‍ल आन परमप्रभु यावे बाक्‍ब। येरमीया ३१:३५

यसैया 54:5

मारदे हना इ कली सेल्‍ब इ वोंइश बाक्‍‍ब। मेको आ नें मुर नेल्‍ल आन परमप्रभु यावे बाक्‍ब। इ कली श्‍येत रे प्रोंइब इस्राएली आन का ला बाक्‍शो परमप्रभु बाक्‍ब। मेको आ नें रागी नेल्‍ल ङा परमप्रभु बाक्‍ब।

येरमीया 10:12

तन्‍न मेकोमी आ सक्तिमी रागी सेल्‍तु। मेकोमी आ जोक्‍तीक तुइक्‍तीकेमी रागी रागी कली वोइक्‍तु। मिनु मेकोमी आ रुप्‍तीकेम सरीङ प्राक्‍तु। येरमीया ५१:१५-१९

येरमीया 10:6

परमप्रभु यावे, इन खोदेंशो सुइ मबाक्‍नीम। गे ठेयब बाक्‍नीनी। मिनु इन सक्तिमी इन नें ठेयब सेल्‍तीनी। भजन संग्रह ८६:८

येरमीया 31:35

मेको परमप्रभु यावेम नाक्‍ती हाम्‍सो सेल्‍चा कली नां वोइक्‍तु। मिनु तास्‍ला आ लां कोंइताक्‍व। नाक्‍दो हाम्‍सो सेल्‍चा कली सोरुल वोइक्‍तु। मेकोमी समुन्‍द्र आ छाल पोक्‍चा कली शाक्‍तु। मेको आ नें मुर नेल्‍ल आन परमप्रभु यावे बाक्‍ब।

येरमीया 32:18

हजार हजार पाला सम्‍म इन गेना हना यो दाक्‍तीक कोंइनीनी। तन्‍न आम आफ आन हेंथे पशो आन नोले जाक्‍ब आन आल आन कली रपाइक्‍नीनी। गे ठेयब नु सक्ति पाइश्‍शो परमप्रभु बाक्‍नीनी। इन नें मुर नेल्‍ल आन परमप्रभु यावे बाक्‍ब। प्रस्‍थान २०:५-६

येरमीया 33:2

मिनु रागी सेल्‍ब परमप्रभु यावेमी लोव़ पाप्‍तु। मेको रागी बोल्‍यो सेल्‍ब आं नें यावे बाक्‍ब।

येरमीया 46:18

परमप्रभु, पिपमी “आं ब्रोंइशा बाक्‍शो खोदेंशो पा” देंत। मेको पिप आ नें मुर नेल्‍ल आन परमप्रभु यावे बाक्‍ब। पहाड आन दाते ङा ताबोर पहाड खोदेंशो पा का जाक्‍ब। मेको समुन्‍द्र आ नेक्‍था ङा कारमेल खोदेंशो पा जाक्‍ब।

येरमीया 50:34

मो हना यो मेको आन कली श्‍येत रे प्रोंइब सक्ति पाइश्‍शो बाक्‍ब। मेको आ नें मुर नेल्‍ल आन परमप्रभु यावे बाक्‍ब। मेकोमी मेको आन कली आ सक्तिमी थमा पा वारच पाइब। मिनु रागी कली रिम्‍शो दुम्‍पाइक्‍ने चाप्‍ब। तन्‍न बेबीलोनम बाक्‍ब आन कली चहिं थुं नाइक्‍चा मगेब” दे परमप्रभु यावेमी देंत।

येरमीया 51:19

परमप्रभु यावे मेको खोदेंशो ममाइ। परमप्रभु यावे याकूब आ भाग बाक्‍ब। मेको आन खोदेंशो ममाइ। मारदे हना परमप्रभु यावे मारेइ मारेइ सेल्‍ब बाक्‍ब। मिनु इस्राएली मेको आ मुर बाक्‍नीम। मेको आ नें मुर नेल्‍ल आन यावे बाक्‍ब।

बिलाप 3:24

आं थुंमी “परमप्रभु यावे आं भाग बाक्‍ब। मोपतीके गो मेको कली आस पाइनुङ” देंती। भजन संग्रह १६:५; भजन संग्रह ३:२६

आमोस 4:13

सुमी डांडा आन कली सेला, मेकोमी फश यो सेल्‍शो बाक्‍ब। मेकोमी मुर आन कली आ मिम्‍शो तुइक्‍पाइक्‍ब। मेकोमी सुनी कली छिङछिङ सेल्‍ब। मिनु रागी ङा लाइश्‍शो डांडा मेर गाक्‍ब। मेको आ नें मुर नेल्‍ल आन परमप्रभु यावे बाक्‍ब” देंत। मीका १:३

जकरिया 2:12

परमप्रभु यावेमी यहूदा रागी कली आ के सेल्‍ब। मिनु यरूसलेम कली लें‍शा योव़ब। जकरिया १:१७

ब्‍यवस्‍था 32:9

मिनु परमप्रभु यावे आ भाग आ मुरपुकी बाक्‍तेक्‍म। याकूब आ मुर आन भाग आ योव़शो रागी बाक्‍त।