येरमीया 10:11 - Sunuwar Bible

¹¹ गे मेको आन कली “मेको सरीङ नु रागी मसेल्‍ब देवी देवता रागी नु सरीङ आगा रे क्‍याम्‍चा पुंइसीनीम।

येरमीया 10:11 ပူးပေါင်းရင်းမြစ်များ

भजन संग्रह 96:5

मारदे हना जात जात ङा मुर आन देवी देवता शोर गाक्‍शो मूर्ति ला बाक्‍नीम। तन्‍न परमप्रभु यावेमी सरीङ सेल्‍तु।

यसैया 2:18

मेना मूर्ति नेल्‍ल जाम्‍नीम।

यसैया 57:12

गो इन ठीक पशो नु इन गेय तुइक्‍पाइक्‍नन्‍नी। तन्‍न मेको इन कली मारेइ रिम्‍शो मदुम्‍ब।

येरमीया 10:15

मेको शोर गाक्‍शो ला बाक्‍नीम। मुर आन मिम्‍शो ला बाक्‍नीम। मेको आन कली सजाइ गेशोनु, जाम्‍नीम।

येरमीया 43:12

मेकोमी इजीप्‍त ङा मूर्ति आन खिंम मी सुइक्‍ब। मेकोमी मेको आन खिं आन कली क्रोइक्‍ब। मिनु मेको देवी देवता आन कली लाइक्‍ब। मिनु गोठलापुकीम दोपा आन वा रे नेक्‍स गुप्‍नीमी, मोपा मेकोमी इजीप्‍त रागी ङा मूर्ति आन कली गुप्‍शा ताइब। मिनु मारेइ मदुम्‍थु आ रागी लेप्‍ब। येरमीया ४६:२५

येरमीया 43:13

मेकोमी इजीप्‍त ङा हेल्‍योपोलीस सहरम बाक्‍शो नां आ मूर्ति बाक्‍शो थामपुकी प्रेप्‍ब। मिनु इजीप्‍त ङा देवी देवता आन खिंम मी सुइक्‍ब’ देंशो बाक्‍ब” देंत।

येरमीया 50:2

मार लोव़ पाप्‍तु देंशा हना “रागी रागी ङा मुर आन दातेमी एको लोव़ नेंपतो। छेदर पोक्‍शा नेल्‍ल आन कली नेंपाइश्‍शा ठेयब सेंदा पा देनो। लोव़ का यो मख्रुइक्‍तो। बेबीलोन ब्रुत। बेल देवता मुने दोक्‍त। मेरोदक देवता सुर्ता पाइब। मेको आन मूर्ति मुने दोक्‍नीम। मेको सुर्ता पाइनीम। बेल बेबीलोन सहर ङा देवता बाक्‍ब।

येरमीया 51:18

मेको शोर गाक्‍शो बाक्‍नीम। मेको मुर आन मिम्‍शो ला बाक्‍नीम। मेको आन कली सजाइ गेशोनु, मेकोपुकी खतम दुम्‍नीम।

बिलाप 3:66

मेको आन कली गाइश्‍शा खेदा पन। परमप्रभु यावे, सरीङ आगा रे मेको आन कली खतम पोक्‍कीन” देंती।

इजीकीएल 30:13

मिनु परमप्रभु, परमप्रभु यावेमी “गो देवी देवता आन कली खतम पोक्‍नुङमी। मिनु मेम्‍फीसम बाक्‍शो देवी देवता आन कली खतम पोक्‍नुङमी। इजीप्‍त रागीम गेनायो सासन पाइब मदुम्‍नीम। मोपा गो इजीप्‍त रागी ङा मुर आन कली हिंतीक थुं गेनुङमी। मेम्‍फीस सहर कली नोफ यो देंनीम

सेफन्‍याह 2:11

परमप्रभु यावेमी मेको आन कली थम मरिम्‍शो पाइब। रागी ङा देवी देवता नेल्‍ल आन कली खतम पोक्‍ब। नेल्‍ल आन बाक्‍तीकेमी बाक्‍शा, मेको आ ङोंइती बाप्‍चा माल्‍नीम। रागी रागी समुन्‍द्र आ सुंगी नु टापु ङा मुर नेल्‍ल परमप्रभु यावे आ ङोंइती बाप्‍नीम’ देंत।

जकरिया 13:2

मुर नेल्‍ल आन परमप्रभु यावेमी मार देंत देंशा हना मेको नाक्‍ती “गो रागी रे मूर्ति आन नें क्‍याम्‍‍नुङ। मिनु सुइमी मेको आन कली ममिम्‍नीम। मिनु गो मेको रागी रे जोल पा नोले दुम्‍ब लोव़ पाइब नु ग्रांग्रा दिशो वोल आन कली ग्रुंइशा खेरनुङ। मीका ५:१२; येरमीया २९:८-९

प्रकाश 20:2

मिनु मेकोमी ठेयब बुस्‍स कली ग्‍याइश्‍शा पाइक्‍ताक्‍व। मेको ठेयब बुस्‍स आ नें मार बाक्‍त देंशा हना, साइ ङोंइती ङा बुस्‍स, दियाबलस नु सैतान मेको आ नें बाक्‍त। मिनु मेको परमप्रभु यावे आ स्‍वर्ग ङा गेय पाइबमी मेको कली हजार का बर्स सम्‍म पाइक्‍ताक्‍व। दियाबलस आ देंशो “मुर आन कली खाल्‍ब” बाक्‍ब। प्रकाश १२:९

१ सामुएल 5:4

मिनु मेकोपुकी लेंशा आ दीसा सुनी कना बोक्‍शा कोव़ङमेनु, दागोन परमप्रभु यावे आ कबल पशो सन्‍दोस आ ङोंइती गोल्‍शो तामे बाक्‍त। मिनु मेको मूर्ति आ पिया नु गुइ निक्‍शी जिक्‍शा, लाप्‍चो ङा शीम बाक्‍शो तामे बाक्‍त। दागोन आ रां ला लीशो बाक्‍माक्‍त।