येरमीया 1:7 - Sunuwar Bible

⁷ तन्‍न परमप्रभु यावेमी आं कली “गो आल बाक्‍नुङ मदेनो। गो इ कली सु सु आन बाक्‍तीक सोइक्‍नना, मेकेर लचान माल्‍नेवे। मिनु गो इ कली मार अरेङा, मेको देंचा माल्‍नेवे।

येरमीया 1:7 ပူးပေါင်းရင်းမြစ်များ

१ राजा 22:14

तन्‍न मीकायाम चहिं “गो परमप्रभु यावे गेना हना यो ब्रोंइशा बाक्‍शो खोदेंशो पा परमप्रभु यावेमी आं कली मार देंबा, मेको ला देंनुङ” देंमाक्‍त।

१ राजा 3:7

मिनु मुल परमप्रभु यावे, आं परमप्रभु गे इन गेय पाइब, आं कली, आं आफ दाऊद आ पा ङा पिप सेल्‍तीनी। मो हना यो गो आइक्‍च आल का ला बाक्‍नुङ। मिनु गो दोपा लाङगा लचा माल्‍नुङा, दोपा जाक्‍चा माल्‍नुङा, मेको मतुइक्‍नुङ।

२ इतिहास 18:13

तन्‍न मीकायाम “परमप्रभु यावे ब्रोंइशा बाक्‍शो खोदेंशो पा, आं परमप्रभुम मार देंबा, मेको लोव़ ला पाइनुङ” देंमाक्‍त।

प्रस्‍थान 6:29

“गो परमप्रभु यावे नङ। गे इजीप्‍त ङा पिप फाराओ कली आं देंशो लोव़ नेल्‍ल माइक्‍चा माल्‍नेवे” दें‍त।

येरमीया 26:2

परमप्रभु यावेमी मार देंत, देंशा हना “आं खिं ङा लाङगाम रपो। मिनु आं कली ठेयब सेल्‍चा कली जाक्‍ब यहूदा सहर ङा मुर नेल्‍ल आन कली गो इ कली देंशो लोव़ नेल्‍ल मेको आन कली देनो। लोव़ का यो मफेवो।

येरमीया 43:1

मिनु येरमीयामी परमप्रभु यावे, आन परमप्रभु आ पशो लोव़ नेल्‍ल मेको आन कली देंने थुम्‍तु। परमप्रभु यावे, आन परमप्रभुमी येरमीया कली मेको आन कली मेको लोव़ पथ सोइश्‍शो बाक्‍त।

येरमीया 7:27

मिनु गे मेको आन कली एको लोव़ नेल्‍ल देंचा माल्‍नेवे। तन्‍न मेकोपुकीमी इ लोव़ मनेंनीम। गे मेको आन कली ब्रेत्‍तीनु, यो मेकोपुकीमी इ लोव़ मलेत्‍नीम।

इजीकीएल 2:7

गे मेको आन कली आं लोव़ पचा माल्‍नेवे। मेकोपुकीम नेन्‍मेक्‍ल कि मनेन्‍मेक्‍ल। मारदे हना मेकोपुकी मटीब आन खिं ङा मुर बाक्‍नीम।

इजीकीएल 3:27

तन्‍न गो, गे नु लोव़ पङानु, इ कली ब्‍वाक्‍ने चाप्‍ब सेल्‍नन। मिनु गे मेको आन कली ‘परमप्रभु, परमप्रभु यावेमी इन कली लोव़ पाइब। नेंने दाक्‍बम नेन्‍‍मेक्‍ल। नेंने मदाक्‍बमी मनेन्‍मेक्‍ल’ देनो। मारदे हना मेकोपुकी मटीब मुर आन खिं ङा मुर बाक्‍नीम” देंत।

आमोस 7:15

मिनु परमप्रभु यावेमी आं कली क्‍यारश भेडा योव़तीक रे ब्रेत्‍ताक्‍यी। मिनु मेकोमी आं कली ‘लावो। आं मुर इस्राएली आन कली आं लोव़ शेंदीमी’ दे माइक्‍ती।

योना 3:2

मिनु मेकोमी “गे बोक्‍को, निनवे माइश्‍शो ठेयब सहर लावो। गो इ कली मार शेंनुङा, मेको मेकेर ङा मुर आन कली शेंदीमी” दे मदा बाक्‍त।

गन्‍ती 22:20

मिनु मेको नाक्‍दो परमप्रभु बालाम आ बाक्‍तीक जाक्‍शा, मेको कली “एको मुरपुकी इ कली ब्रेत्‍थ जाक्‍शो बाक्‍तेक्‍म हना, बोक्‍को, मिनु मेकोपुकी नु लावो। तन्‍न गो इ कली मार देंङा, मेको ला पावो” देंत।

गन्‍ती 22:38

मिनु बालाममी बालाक कली “मुल गो इन बाक्‍तीके जाक्‍ती। मार देंचा माल्‍नुङा, दे मतुइक्‍नुङ। परमप्रभुम मार देंबा, गो मेको ला देंने चाप्‍‍नुङ” देंत।

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

प्रेरित 20:27

मारदे हना परमप्रभु यावेमी शेंपाइश्‍शो लोव़ का यो मख्रुइक्‍थु नेल्‍ल शेंताक्‍न्‍‍नी।