न्‍यायाधीस 9:9 - Sunuwar Bible

⁹ तन्‍न तेल रवामी ‘मार, देवी देवता नु मुर आन कली ठेयब सेल्‍पाइक्‍ब आंम के रिम्‍शो तेल सेल्‍चा प्रोंइशा, गो रवा आन कली सासन पाइनुङा?’ देंमाक्‍त।

न्‍यायाधीस 9:9 ပူးပေါင်းရင်းမြစ်များ

अय्‍युब 1:7

मिनु परमप्रभु यावेमी सैतान कली “गे ते रे जाक्‍ङे?” दे हिल्‍लो पवा बाक्‍त। मिनु सैतानमी परमप्रभु यावे कली “रागी ङा एर ओंथ नेल्‍ल हिरशा जाक्‍ती” देंमाक्‍त।

अय्‍युब 2:2

मिनु परमप्रभु यावेम सैतान कली “गे ते रे जाक्‍ङे?” दे हिल्‍लो पवा बाक्‍त। मिनु मेकोमी परमप्रभु यावे कली “रागी ङा एर ओंथ नेल्‍ल हिरशा जाक्‍ती” देंमाक्‍त।

भजन संग्रह 104:15

मिनु गे मुर आन थुं ग्‍येरपाइक्‍चा कली अङगुर सिप्‍पाइक्‍नीनी। मिनु आन कुल दारपाइक्‍चा कली तेल नु आन रां बोल्‍यो सेल्‍चा कली शोब्‍ले गेनीनी।

भजन संग्रह 89:20

गो आं गेय पाइब, दाऊद कली थित्‍ता। गो मेको तारी तेल लुक्‍ताक्‍ङ।

प्रस्‍थान 29:2

मिनु रिम्‍शो चेरब फस के बोरब ओख्‍ती मसुप्‍शो शोब्‍ले, तेल ब्‍वाइश्‍शो जिज शोब्‍ले नु तेल ख्रेक्‍शो बोरब ओख्‍ती मसुप्‍शो शोब्‍ले सेल्‍पाइक्‍चा माल्‍नेवे।

प्रस्‍थान 29:7

मिनु लुक्‍तीक तेल लाइश्‍शा आ पियामी तेल लुक्‍तो। प्रस्‍थान ३०:२५

प्रस्‍थान 35:14

बत्ती दातीक नु मेको आ दियारीपुकी, बत्ती कली ठीक सेल्‍तीक थोव़क नु बत्ती कली तेल,

लेवी 2:1

मिनु सुइ मुरुमी परमप्रभु यावे कली अन्‍न चढ़ेचा थुं पाप्‍तु हना, मेको अन्‍न चढ़ेतीक थम रिम्‍शो फस बाक्‍चा माल्‍ब। मिनु मेकोमी मेकेर तेल लुक्‍शा, धूप सुप्‍चा माल्‍नीम। लेवी ७:१०; गन्‍ती १५:४

प्रेरित 10:38

परमप्रभु यावेमी मेको नासरथ ङा येसु कली आ सोक्‍तीम प्रिंशा, आ सक्ति पाइश्‍शो सेल्‍तु। मिनु परमप्रभु यावे आ सक्ति पाइश्‍शो दुम्‍शा, तेइ तेइ गाक्‍शा मुर आन कली रिम्‍शो पाप्‍तु। वोलम तशो आन कली वोल खेरशा सापाइक्‍तु। सैतानमी दिप्‍शा वोइश्‍शा श्‍येत गेशो आन कली श्‍येत रे प्रोंइतीमी। मारदे हना परमप्रभु यावे मेको नु बाक्‍त। मत्ती ३:१६

प्रेरित 4:27

मोपा साइ इन पपाइश्‍शो लोव़ सिनाक्‍त मुलाक्‍त गाम्‍ना गाम्‍न पित। मारदे हना इन सोइश्‍शो, इन गेय पाइब येसु, आ जोरी सत्रु आंइ मिक्‍चीमी ताइतक। पिप हेरोद का, पन्‍तीयस पिलातस का, अर्को रागी ङा मुर नु इस्राएल ङा मुर नेल्‍ल गारशा, आंइ सहरमी बुक्‍शो ताइतक। लूका २३:१२

१ यूहन्‍ना 2:20

येसु ख्रीस्‍तमी इन कली परमप्रभु यावे आ सोक्‍त गेप्‍तु। मोपतीके नेल्‍ल तुइक्‍नीनी।

न्‍यायाधीस 9:10

मिनु रवापुकीमी फोव़शी रवा कली ‘गे आंइ पिप दुमीन’ देंमा बाक्‍त।

न्‍यायाधीस 9:8

काबु रवा नेल्‍ल खुम्‍सीशा, आंम कली पिप सेल्चा, दे लोव़ पमुमा बाक्‍त। मिनु मेकोपुकीमी तेल रवा कली ‘आंइ पिप दुमीन’ देंमा बाक्‍त।