न्‍यायाधीस 9:7 - Sunuwar Bible

⁷ मिनु ठेयब मुरपुकीमी मेको लोव़ योथाम कली नेंपदमे बाक्‍त। मेको लशा गेरीजीम डांडामी राम्‍माक्‍त। मिनु ठेयब सेंदामी “शेकेम सहरम बाक्‍ब ठेयब मुर नेल्‍ल, गे आं लोव़ नेंतीनी हना, परमप्रभुमी इन लोव़ नेंब।

न्‍यायाधीस 9:7 ပူးပေါင်းရင်းမြစ်များ

उत्पत्ती 37:6

योसेफमी मेको आन कली “गो सिनाक्‍दो ङोमु का ताता।

हितोपदेस 21:13

सुमी प्रुङग आन पुंइशो मनेंबा, मेकोमी यो पुनानु, सुइमी यो मनेंनीम।

हितोपदेस 28:9

सुमी परमप्रभु यावे आ अरेशो लोव़ नेंशा मटीबा, मेको आ परमप्रभु कली पुंइतीक लोव़ यो ग्रांग्रा दिशो बाक्‍ब। हितोपदेस १५:८

यसैया 1:15

इन गुइ क्‍युक्‍शा, गो नु लोव़ पनीनु, आं कुल ख्रुइक्‍नुङ। गेपुकीम शुश पुंइतीनी हना यो, गो मनेंनुङ। मारदे हना इन गुइम हुश ख्राक्‍श पशो बाक्‍ब। हितोपदेस १:२८; हितोपदेस १५:२९; यूहन्‍ना ९:३१

यूहन्‍ना 4:20

आंइ किकी पिपीमी मेको डांडामी परमप्रभु यावे कली ठेयब सेल्‍शो बाक्‍तेक्‍म। गे यहूदीपुकीमी चहिं ‘यरूसलेम सहरमी परमप्रभु यावे कली ठेयब सेल्‍चा माल्‍ब’ दे देंनीनी” दें‍त। ब्‍यवस्‍था १२:५; भजन संग्रह १२२:-

ब्‍यवस्‍था 11:29

मिनु परमप्रभु यावे, इन परमप्रभुमी इन कली इन के सेल्‍चा चिक्‍शो रागीम ओंइचानीनु, गेरीजीम डांडा रे आसीक गेचा नु एबाल डांडा रे सराप पचा माल्‍नीनी। ब्‍यवस्‍था २७:१२-१३; यहोसु ८:३३-३४

ब्‍यवस्‍था 11:30

मेको डांडापुकी यर्दन आइक्‍ची हांबु, नां रिक्‍तीक गे यर्दन बेंसी ङा लां आ नोले, अराबाहमी बाक्‍शो कनानी आन रागीम बाक्‍नीस। मेको गिल्‍गाल आ ङोंइती मोरेह माइश्‍शो ब्‍वाकी आ नेक्‍था बाक्‍नीस। उत्‍पत्ती १२:६

ब्‍यवस्‍था 27:12

“गेपुकी यर्दन आइक्‍ची हांबु शोक्‍सीने थुम्‍नी नोले, सु सुमी मुर आन कली आसीक गेचा कली गेरीजीम माइश्‍शो डांडाम राप्‍शा बाक्‍चा माल्‍नीम देंशा हना, सिमियोन, लेवी, यहूदा, इस्‍साकार, योसेफ नु बेन्‍यामीन राप्‍शा बाक्‍चा माल्‍नीम। ब्‍यवस्‍था ११:२९

याकूब 2:13

शिशी मपाइबपुकीमी निसाफ पची नाक्‍त शिशी मताइनीम। निसाफ क्‍येङा शिशी ठेयब बाक्‍ब। मत्ती ५:७; मत्ती १८:३०,३४; मत्ती २५:४०,४६

यहोसु 8:33

मिनु इस्राएली नेल्‍ल, मेको नु बाक्‍ब अर्को रागी ङा मुरपुकी, खाल्‍पापुकी, ठेयब मुर नु मेको आन ठेयब मुरपुकी परमप्रभु यावे आ कबल पशो सन्‍दोस आ नेक्‍था राप्‍शो बाक्‍तेक्‍म। मेकोपुकी परमप्रभु यावे आ सन्‍दोस कुरब लेवी आ थर ङा चढ़ेब गे कोव़शा, राप्‍शो बाक्‍तेक्‍म। इस्राएली नु मेको नु बाक्‍ब अर्को रागी ङा मुर नेल्‍ल आधी गेरीजीम डांडा गे कोव़शा, अरु आधी एबाल डांडा गे कोव़शा राप्‍शो बाक्‍तेक्‍म। मिनु परमप्रभु यावे आ गेय पाइब मोसामी अरेशो खोदेंशो पा यहोसुमी इस्राएली नेल्‍ल आन कली आसीक गेप्‍तु। ब्‍यवस्‍था ११:२९; ब्‍यवस्‍था २७:१२-२६; ब्‍यवस्‍था २८:-

न्‍यायाधीस 9:6

मिनु शेकेम नु बेथ-मिल्‍लो ङा ठेयब मुर नेल्‍ल खुम्‍सीशा, शेकेममी बाक्‍शो ठेयब थाम आ नेक्‍था बाक्‍शो ठेयब रवा आ पुंमी अबीमेलेक कली पिप सेल्‍मे बाक्‍त। उत्‍पत्ती ३५:४; यहोसु २४:२६

न्‍यायाधीस 9:8

काबु रवा नेल्‍ल खुम्‍सीशा, आंम कली पिप सेल्चा, दे लोव़ पमुमा बाक्‍त। मिनु मेकोपुकीमी तेल रवा कली ‘आंइ पिप दुमीन’ देंमा बाक्‍त।