न्‍यायाधीस 9:56 - Sunuwar Bible

⁵⁶ मोपा परमप्रभुमी अबीमेलेक आ आफ कली पशो पाप, आ ७० जना लोक्‍ब आन कली साइश्‍शो आ क्‍येक्‍क लेत्‍ता बाक्‍त।

न्‍यायाधीस 9:56 ပူးပေါင်းရင်းမြစ်များ

उत्पत्ती 9:5

मुरुमी मुर कली साइक्‍तु हना, जन्‍तुमी मुर कली साइक्‍तु हना, मेको यो साइक्‍चा पुंइसीब। मुरुमी आ लोक्‍ब साइक्‍तु हना, मेको यो साइक्‍चा पुंइसीब। लेवी ३:१७; लेवी १७:१०-१४; ब्‍यवस्‍था १२:२३

उत्पत्ती 9:6

सु सुमी मुर साइश्‍शा हुश जारबा, मेको यो मोपान साइश्‍शा, हुश जारचा पुंइसीब। मारदे हना गो मुर कली आं खोदेंशो पा सेल्‍ता। प्रस्‍थान २१:१२; लेवी २४:१७; गन्‍ती ३५:३३; मत्ती २६:५२; रोमी १३:४; प्रकाश १३:१०

अय्‍युब 31:3

मार, ठीक मपाइब आन कली शुश हिंचा ङा श्‍‍येत मदुम्‍बा ङा? मरिम्‍शो पाइब आन कली खतम दुम्‍तीकेम मसुम्‍बा ङा?

भजन संग्रह 11:6

परमप्रभुमी आ अरेशो मटीब आन तारी मी नु गन्‍धक यिपाइक्‍ब। मिनु मेको आन तारी होश फश पपाइक्‍ब। मरिम्‍शो पाइब मोदेंशो पाइक्‍चा पुंइसीशो बाक्‍नीम।

भजन संग्रह 9:12

मिनु परमप्रभुमी मुर साइक्‍ब आन कली आन क्‍येक्‍क लेप्‍ब। मिनु श्‍येत जशो आन ङाक्‍शो मिम्‍ब। उत्‍पत्ती ४:१०; उत्‍पत्ती ९:५; भजन संग्रह ७२:४; उत्‍पत्ती १६:११

भजन संग्रह 94:23

मेकोमी मेको आन मरिम्‍शो पशो आन पिया तार मोइक्‍ब। मिनु मेको आन अरेशो मटितीके मेको आन कली साइक्‍ब। परमप्रभु यावे, आंइ परमप्रभुमी मेको आन कली खतम पोक्‍ब।

हितोपदेस 5:22

परमप्रभु यावे आ अरेशो मटीब मुर आ मरिम्‍शो पशोमी ग्‍याइक्‍चा पुंइसीब। मेको आ पाप आ ग्‍याइलीमी रेत्‍चा पुंइसीब।

मत्ती 7:2

दोपा नाक्‍तीनी, मोपा नाक्‍चा पुंइसीनीनी। दोपा पुक्‍शा गेनीनी, मोपान पुक्‍शा ताइनीनी। यसैया ३३:१; मर्कूस ४:२४

प्रेरित 28:4

टापुमी बाक्‍बपुकीमी पावल आ गुइ बुस्‍सुम गिल्‍शो तशा “एको मुर मुर साइक्‍ब बाक्‍माक्‍त। समुन्‍द्रमी फश गिवार पा ग्रुम्‍शा हेररा बेक्‍शा यो ब्रोंइशा, रागीमी ग्रूशा यो बुस्‍सुमी कोक्‍शा बेक्‍ब दुम्‍त” देंमुम्‍तेक्‍म।

गलाती 6:7

परमप्रभु यावे कली कोंइखु पा जोल पचा मदुम्‍ब। परमप्रभु यावेमी नेल्‍ल तुइश्‍शो बाक्‍ब। मोपतीके दूली ममिम्‍तीने। मुरपुकीमी मार शोक्‍ग‍मे, मेको रुप्‍नीम। येरमीया २१:१४

न्‍यायाधीस 9:24

मिनु परमप्रभुमी येरूब-बाल आ ७० जना तौ आन कली हुश ख्राक्‍श पोक्‍तीके, अबीमेलेक नु मेको कली वारच पाइब शेकेम ङा ठेयब मुर आन कली क्‍येक्‍क लेत्‍चा कली मोदेंशो जिप्‍पाइक्‍ब वोल का सोइश्‍‍शो बाक्माक्‍त। उत्‍पत्ती ९:६

न्‍यायाधीस 9:55

मिनु इस्राएल ङा मुरपुकीमी अबीमेलेक बेक्‍शो तशा, नेल्‍ल आंम आंम खिं गे लेम्‍मा बाक्‍त।

न्‍यायाधीस 9:57

मिनु परमप्रभुमी शेकेम ङा मुर आन मरिम्‍शो पशो आ पर्बम क्‍येक्‍क लेत्‍ता बाक्‍त। मेकोपुकीमी येरूब-बाल आ तौ योथाम आ सराप रमा बाक्‍त। न्‍यायाधीस ९:२०