न्‍यायाधीस 9:49 - Sunuwar Bible

⁴⁹ मोपा लडाइ पाइब नेल्‍लेमी मोदेंशो पा शाक्‍श क्‍योरशा, यित्‍मे बाक्‍त। मिनु अबीमेलेक आ नोले खोदमे बाक्‍त। मेको शाक्‍श लाइश्‍शा, एल-बेरीत आ बोल्‍यो खिंम तेल्‍शा, मी सुइक्‍तमे बाक्‍त। मिनु शेकेम ङा बोल्‍यो दरवारम बाक्‍ब नेल्‍ल बेक्‍मा बाक्‍त। मेकेर हजार का खोदेंशो वोंइश मुर नु मीश मुर बाक्‍शो बाक्‍मा बाक्‍त।

न्‍यायाधीस 9:49 ပူးပေါင်းရင်းမြစ်များ

गलाती 5:15

गेपुकी कुचुम जिशा क्राइक्‍मुशो खोदेंशो पा जीतीनी हना, खतम दुम्‍नीकी, दे तुइक्‍तीन। याकूब ४:२

याकूब 3:16

मुरुमी मुर आन के थोव़क वाल्‍चा नु आंम कली ठेयब सेल्‍चा ला मिम्‍ताक्‍व हना, मेको मुरुमी मरिम्‍शो गेय नु अरु पाप यो पना पन बाक्‍ब।

न्‍यायाधीस 9:15

मिनु चू रवामी ‘गेपुकीमी थमा पा, आं कली इन पिप सेल्‍चा दाक्‍नीनी हना, आं नेक्‍था जाक्‍शा, आं पुंम बाक्‍कीन। मबाक्‍तीनी हना, चू रवा रे पा मी ग्रूशा लेबानोन ङा ठेयब रवा नेल्‍ल आन कली खतम सेल्‍ब’ देंमाक्‍त” दे कथा सेल्‍शा ठेयब सेंदा पा देंमाक्‍त।

न्‍यायाधीस 9:20

तन्‍न मोदेंशो मदुम्‍त हना, अबीमेलेक रे मी ग्रूशा, शेकेम नु बेथ-मिल्‍लो ङा मुर आन कली खतम पोक्‍गल। मिनु शेकेम नु बेथ-मिल्‍लो ङा मुर रे मी ग्रूशा अबीमेलेक कली खतम पोक्‍गल” देंमाक्‍त। न्‍यायाधीस ९:५७

न्‍यायाधीस 9:48

मिनु अबीमेलेक नु आ लडाइ पाइब सल्‍मोन डांडामी लमा बाक्‍त। मेकोमी खा लाइश्‍शा, शाक्‍श क्‍योरशा, बालाम लाप्‍शा कुरा बाक्‍त। आ लडाइ पाइब आन कली “गे आं कली मार पशो तनी, रीब पा मोदेंशो पन” देंमाक्‍त।

न्‍यायाधीस 9:50

मिनु मेकेर रे अबीमेलेक थेबेस गे लमाक्‍त। मिनु मेको थेबेस सहर कली लडाइ पा आंम के सेला बाक्‍त।