न्‍यायाधीस 9:4 - Sunuwar Bible

⁴ मिनु मेकोपुकीमी अबीमेलेक कली बाल-बेरीत आ मन्‍दीर रे पा ७० शेकेल चांदी के क्‍येट गेमे बाक्‍त। मिनु मेकोमी मेको क्‍येट लाइश्‍शा, मरिम्‍शो पाइब मुर आन कली गेवा बाक्‍त। मिनु मेकोपुकी मेको आ नोले खोदमे बाक्‍त। न्‍यायाधीस ८:३३

न्‍यायाधीस 9:4 ပူးပေါင်းရင်းမြစ်များ

२ सामुएल 6:20

मिनु दाऊद आ खिं ङा मुर आन कली आसीक गेथ लेम्‍मेनु, सावल आ तमी मिकाल मेको कली ग्रुम्‍थ लाङगा ग्रूशा पिमाक्‍त। मिनु मेकोम “मुलाक्‍ती इस्राएल ङा पिप थम ठेयब मिम्‍सीशो बाक्‍त। मेको मुलाक्‍त आ गेय पाइब वाइलीम आन ङोंइती शिश्रा दुम्‍शा, मुने मपाइश्‍शो आइक्‍च मुर खोदेंशो दुम्‍त” देंमाक्‍त।

२ इतिहास 13:7

मिनु शोर गाक्‍शो मुरपुकी मेको नु बाक्‍शा, सोलोमन आ तौ रेहोबाम कली शुक्‍शी पाम्‍तेक्‍म। मेना रेहोबाम आइक्‍च बाक्‍माक्‍त। मोपतीके मारेइ पने मचाप्‍बा बाक्‍त।

अय्‍युब 30:8

मेको निप्‍स मपाइश्‍शो, महिक्‍सीशो मुर बाक्‍तेक्‍म। रागी रे तिल्‍शा खेरचा पुंइसीशो बाक्‍तेक्‍म।

हितोपदेस 12:11

सु सुमी आंम रूम शोक्‍नीमी, मेकोमी जचा शुश ताइनीम। तन्‍न सु सुमी शोर गाक्‍‍शो लोव़ पा गाक्‍नीमी, मेको निप्‍स मपाइश्‍शो बाक्‍नीम। हितोपदेस २८:१९

सेफन्‍याह 3:4

मेको आ परमप्रभु यावे आ लोव़ पाइबपुकी हेंथे पाइब नु थमा मसुइक्‍चा ङा मुर बाक्‍नीम। मेको आ चढ़ेबपुकीमी परमप्रभु यावे आ खिं ग्रांग्रा दिशो सेल्‍नीम। मेकोपुकीम परमप्रभु यावे आ अरेशो लोव़ हेंथे सेल्‍तेक्‍म। मीका ३:११

प्रेरित 17:5

शुश मुर आन कली थमा सुइश्‍शो तशा, थमा मसुइक्‍ब यहूदी आन थुं चोव़मी बाक्‍त। मिनु हेंथे गाक्‍ब गेय मपाइश्‍शो मुर आन कली खुप्‍शा, सहरमी मरिम्‍शो मुर आन कली पोक्‍पाइश्‍शा, ठेयब रेयके पपदमे बाक्‍त। मिनु पावल नु सिलास यासोन आ खिंमी बाक्‍सा बाक्‍त, दाप्‍शा, यासोन आ खिं लशा “मेको आस कली ग्रुंइशा, आंइ गुइमी गेचा नकी” दे रेयके पामे बाक्‍त।

न्‍यायाधीस 11:3

मोपतीके येफ्‍ता मेको आ लोक्‍बपुकी रे पा ब्रोंइचा कली प्रोक्‍शा, तोब रागीमी लशा बाक्‍शो बाक्‍माक्‍त। मिनु मरिम्‍शो पाइब मुरपुकी मेको नु गारशा, रोइक्‍थ, लमा बाक्‍त। न्‍यायाधीस ९:४; १सामुएल २२:२

न्‍यायाधीस 8:33

गिदोन बेक्‍म नोले इस्राएलीपुकीमी लें‍शा बाल देवता कली ठेयब सेल्‍मे बाक्‍त। मेकोपुकीमी बाल-बेरीत कली आंम देवता सेल्‍मे बाक्‍त। न्‍यायाधीस २:११; न्‍यायाधीस ९:४

न्‍यायाधीस 9:27

शेकेम ङा मुर आन अङगुर रूमी लशा, अङगुर सेक्‍शा कोलमी ख्राक्‍गमे बाक्‍त। मिनु आन देवता आ मन्‍दीरमी चाड मानेचा कली लमा बाक्‍त। मिनु मेकेर जशा तूशा अबीमेलेक आ पर्बम शुक्‍शी लोव़ पामे बाक्‍त।

१ सामुएल 22:2

श्‍येत जशो, जेर दुम्‍शो नु आन थुं मनुशो मुरपुकी मेको आ बाक्‍तीकेम जाक्‍मा बाक्‍त। मिनु दाऊद मेको आन कप्‍तान दुम्‍माक्‍त। मेकोपुकी ४ सहे खोइ बाक्‍मा बाक्‍त। न्‍यायाधीस ११:३