न्‍यायाधीस 9:28 - Sunuwar Bible

²⁸ मिनु एबेद आ तौ गालमी “अबीमेलेक सु बाक्‍बा ङा? मार, मेको येरूब-बाल आ तौ ममाइ ङा? मेको नु आ लडाइ पाइब आन कप्‍तान जेबुलमी शेकेम आ आफ हमोर आ मुर आन कली गेय मपामे? गो शेकेम ङा मुर, मारदे मेको कली गेय पाइनीकी? उत्‍पत्ती ३४:२

न्‍यायाधीस 9:28 ပူးပေါင်းရင်းမြစ်များ

उत्पत्ती 33:19

मिनु आ ताम्‍बु कीतीके रू हमोर आ तौ आन दाते शेकेम आ आफ रे सहे का केसीता थाप्‍शा, ग्‍यबा बाक्‍त। केसीता मेकेर ङा क्‍येट बाक्‍त। सुन के बाक्‍बा कों, चांदी के बाक्‍बा कों, गिश हेल्‍शो बाक्‍ब मतुंइसीब। यहोसु २४:३२

उत्पत्ती 34:2

हिव्‍वी ङा हमोर आ तौ शेकेम, मेको रागी ङा पिप आ तौमी दीना कली तशा, ग्‍याइश्‍शा मेको नु इप्‍‍शा, बिथोलो पवा बाक्‍त। न्‍यायाधीस ९:२८

उत्पत्ती 34:6

मिनु शेकेम आ आफ हमोर याकूब नु लोव़ पचा कली जाक्‍माक्‍त।

२ सामुएल 20:1

शेबा नें पाइश्‍शो मरिम्‍शो पाइब मुर का बाक्‍माक्‍त। मेको बेन्‍यामीन आ थर ङा बिक्री आ तौ बाक्‍माक्‍त। मेकोम तुराही ताप्‍शा ग्रीशा “दाऊद नु आंइ के मार बाक्‍बा ङा? येस्‍से आ तौ नु आंइ के मारेइ मबाक्‍ब। ए इस्राएली, गे इन ताम्‍बु ताम्‍बुम लने” देंमाक्‍त। १राजा १२:१६

१ राजा 12:16

मिनु इस्राएली नेल्‍लेमी पिपम मेको आन लोव़ मनेंशो तुइश्‍शा, मेकोपुकीम पिप कली “दाऊद नु आंइ के ततीक मार बाक्‍बा ङा? येस्‍से आ तौ नु आंइ के ततीक मारेइ मबाक्‍ब। इस्राएली, आंम आंम खिं लेतीन। दाऊद गे आंम थुती थाती पांइसो” देंमा बाक्‍त। मोपतीके इस्राएली आन आन खिं लेम्‍मा बाक्‍त। २सामुएल २०:१

न्‍यायाधीस 9:26

मिनु एबेद आ तौ गाल नु आ खिं खिं ङा मुर शेकेममी बाक्‍चा कली जाक्‍मा बाक्‍त। मिनु शेकेम ङा ठेयब मुरपुकीमी गाल कली थमा सुइश्‍शा, दाक्‍चा गोव़मे बाक्‍त।

न्‍यायाधीस 9:41

मिनु अबीमेलेक लशा, अरुमाह माइक्‍तीक सहरम बाक्‍माक्‍त। जेबुलमी चहिं गाल नु आ खिं खिं ङा मुर आन कली शेकेम रे खेरमी बाक्‍त।

१ सामुएल 25:10

तन्‍न नाबालमी दाऊद आ मुर आन कली “दाऊद माइश्‍शो सु बाक्‍बा? येस्‍से आ तौ बाक्‍बा? सिनाक्‍त मुलाक्‍ती आन होव़प रे प्रोक्‍शो वाइल शुश बाक्‍नीम।