न्‍यायाधीस 9:27 - Sunuwar Bible

²⁷ शेकेम ङा मुर आन अङगुर रूमी लशा, अङगुर सेक्‍शा कोलमी ख्राक्‍गमे बाक्‍त। मिनु आन देवता आ मन्‍दीरमी चाड मानेचा कली लमा बाक्‍त। मिनु मेकेर जशा तूशा अबीमेलेक आ पर्बम शुक्‍शी लोव़ पामे बाक्‍त।

न्‍यायाधीस 9:27 ပူးပေါင်းရင်းမြစ်များ

भजन संग्रह 109:17

मेकोमी सराप चीले पचा दाक्‍ताक्‍व। मिनु मेको सराप चीले रल। मेकोमी आसीक गेचा मदाक्‍त। मोपतीके आसीक मेको रे ङोन बाक्‍ल।

प्रस्‍थान 32:19

मिनु मोसा इस्राएली आन बाक्‍तीके आ नेक्‍था जाक्‍मेनु, बाछा नु बाछा आ एर ओंथ मुरपुकी सिल पशो तशा, शुश गाइश्‍शा, फुल्‍लु निम्‍फा ताइश्‍शा, डांडा आ पुंम प्रोल्‍तु।

प्रस्‍थान 32:6

मिनु आ दीसा मेकोपुकी सुनी कना बोक्‍शा चोशा चढ़ेतीक नु दुशा बाक्‍चा आ पर्बम चढ़ेतीक चढ़ेमे बाक्‍त। मिनु मुरपुकी जचा तूचा कली निस्‍समा बाक्‍त। मिनु नोले जशा तूशा बोक्‍शा, आन द‍ला दाक्‍स पामे बाक्‍त। १कोरिन्‍थी १०:७

येरमीया 25:30

परमप्रभु यावेमी “मुल गे मेको नेल्‍ल आन पर्बम एको आं लोव़ पावो। मेको आन कली ‘परमप्रभु यावे इर आ बाक्‍तीक रे ब्‍वाक्‍ब। आ बाक्‍तीक रे आ सेंदा ग्रुंइब। मिनु आंम रागी आ पर्बम मेको ठेयब सेंदा पा ब्‍वाक्‍ब। रागीम बाक्‍ब नेल्‍ल आन पर्बम अङगुर ख्राक्‍‍ब खोदेंशो पा ग्रीब। होसे ११:१०; योएल ४:१६; आमोस १:२

दानीएल 5:23

‘गो स्‍वर्ग ङा परमप्रभु क्‍येङा ठेयब नङ’ दे आंम कली ठेयब सेल्‍तीनी। मिनु गे परमप्रभु आ खिं ङा बोसपुकी चाक्‍पाइश्‍शा, गे नु इन राज्‍यम अधिकार ताइब, इन ग्‍युंबे पशो मीशपुकी नु इन अरु चाक्‍शो मीशपुकीमी मेको बोसम अङगुर शांबु तूतीनी। मिनु सुन, चांदी, कांसा, फलाम, शी नु फुल्‍लु के सेल्‍शो मिक्‍च मताइब, मनेंब, मरुप्‍ब देवी देवता आन कली सेउ पाइतीनी। तन्‍न इन कली ब्रोंइतीक सोक्‍त गेब नु इन लां कोंइब परमप्रभु कली मान मपनी।

होसे 7:14

मेकोपुकीमी आन थुं नेल्‍लेमी आं कली मब्रेत्‍नीम। तन्‍न आन ब्राख्‍येमी रोंका पाइनीम। अन्‍न नु नक अङगुर शांबु आ पर्बम बुक्‍नीम। तन्‍न आं रे पा आन कुल हिरनीम।

लेवी 24:11

मिनु मेको इस्राएली ममा आ तौमी परमप्रभु यावे आ नें थिशा, सराप पवा बाक्‍त। मिनु मुरपुकीमी मेको कली मोसा आ बाक्‍तीकेम चाक्‍गमे बाक्‍त। मेको आ ममा आ नें शेलोमीथ बाक्‍माक्‍त। मिनु मेको दान आ थर ङा दिब्री आ तमी बाक्‍माक्‍त।

न्‍यायाधीस 16:23

मिनु पलिस्‍ती आन ठेयब मुरपुकीमी “इं देवतामी इं सत्रु सिम्‍सोन कली इं गुइमी गेप्‍तु” देंशा, आन देवता दागोन कली ठेयब चढ़ेतीक चढ़ेचा कली नु ग्‍येरसीचा कली खुम्‍समा बाक्‍त।

न्‍यायाधीस 8:33

गिदोन बेक्‍म नोले इस्राएलीपुकीमी लें‍शा बाल देवता कली ठेयब सेल्‍मे बाक्‍त। मेकोपुकीमी बाल-बेरीत कली आंम देवता सेल्‍मे बाक्‍त। न्‍यायाधीस २:११; न्‍यायाधीस ९:४

न्‍यायाधीस 9:26

मिनु एबेद आ तौ गाल नु आ खिं खिं ङा मुर शेकेममी बाक्‍चा कली जाक्‍मा बाक्‍त। मिनु शेकेम ङा ठेयब मुरपुकीमी गाल कली थमा सुइश्‍शा, दाक्‍चा गोव़मे बाक्‍त।

न्‍यायाधीस 9:4

मिनु मेकोपुकीमी अबीमेलेक कली बाल-बेरीत आ मन्‍दीर रे पा ७० शेकेल चांदी के क्‍येट गेमे बाक्‍त। मिनु मेकोमी मेको क्‍येट लाइश्‍शा, मरिम्‍शो पाइब मुर आन कली गेवा बाक्‍त। मिनु मेकोपुकी मेको आ नोले खोदमे बाक्‍त। न्‍यायाधीस ८:३३

न्‍यायाधीस 9:46

मिनु शेकेम ङा बोल्‍यो दरवार ङा ठेयब मुरपुकीमी सहर खतम दुम्‍शो नेंशा, मेकोपुकी एल-बेरीत देवता आ बोल्‍यो खिं आगा लमा बाक्‍त। न्‍यायाधीस ८:३३

१ सामुएल 17:43

मिनु मेको पलिस्‍तीम दाऊद कली “मार, गो कुचुम नङा? मिनु कोक्‍के शेशा, गो नु लडाइ पथ जाक्‍ङे” मदा बाक्‍त। मिनु मेकोमी आ देवता आ नें थिशा दाऊद कली सराप पवा बाक्‍त।