न्‍यायाधीस 9:19 - Sunuwar Bible

¹⁹ मिनु मुलाक्‍त गेपुकीमी येरूब-बाल नु आ खिं ङा मुर आन कली रिम्‍शो पा मान पशो बाक्‍तीनी हना, गे अबीमेलेक नु ग्‍येरसीन। मिनु अबीमेलेक यो गेपुकी नु ग्‍येरसेक्‍ल।

न्‍यायाधीस 9:19 ပူးပေါင်းရင်းမြစ်များ

यसैया 8:6

“मेको मुरपुकीम शीलोआ ङा रिम्‍शो ब्‍वाक्‍कु प्रोंइनीम। रेसीन नु रेमाल्‍याह आ तौ आस क्‍येङा हिंशा, मेको आस नोले खोइक्‍तेक्‍म।

फिलिप्‍पी 3:3

मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९

याकूब 4:16

गेपुकी चहिं ठेयब लेश्‍शा, आंम थुं ङा लोव़ पाइतीनी। मोदेंशो ठेयब लेश्‍शा बाक्‍चा मरिम्‍शो दुम्‍ब।

न्‍यायाधीस 6:32

मेको नाक्‍त रे मेकोपुकीमी गिदोन आ नें येरूब-बाल, दे वोदमे बाक्‍त। मेको आ अर्थ “बाल देवता आंमान गिदोन कली आ सक्ति कोंइदल। मारदे हना गिदोनमी आ चढ़ेतीक प्रेश्‍शो बाक्‍ब” देंमा बाक्‍त। न्‍यायाधीस ७:१

न्‍यायाधीस 9:18

तन्‍न मुलाक्‍त आं आफ आ खिं ङा मुर आन कली थम मरिम्‍शो पाइतीनी। मेको आ ७० जना तौ आन कली फुल्‍लु तारी क्‍योरशा साइक्‍तीनी। मेको आ वाइलीम आ तौ अबीमेलेक कली शेकेम ङा पिप सेल्‍तीनी। मारदे हना मेको इन लोक्‍ब बाक्‍ब।

न्‍यायाधीस 9:20

तन्‍न मोदेंशो मदुम्‍त हना, अबीमेलेक रे मी ग्रूशा, शेकेम नु बेथ-मिल्‍लो ङा मुर आन कली खतम पोक्‍गल। मिनु शेकेम नु बेथ-मिल्‍लो ङा मुर रे मी ग्रूशा अबीमेलेक कली खतम पोक्‍गल” देंमाक्‍त। न्‍यायाधीस ९:५७