न्‍यायाधीस 9:15 - Sunuwar Bible

¹⁵ मिनु चू रवामी ‘गेपुकीमी थमा पा, आं कली इन पिप सेल्‍चा दाक्‍नीनी हना, आं नेक्‍था जाक्‍शा, आं पुंम बाक्‍कीन। मबाक्‍तीनी हना, चू रवा रे पा मी ग्रूशा लेबानोन ङा ठेयब रवा नेल्‍ल आन कली खतम सेल्‍ब’ देंमाक्‍त” दे कथा सेल्‍शा ठेयब सेंदा पा देंमाक्‍त।

न्‍यायाधीस 9:15 ပူးပေါင်းရင်းမြစ်များ

२ राजा 14:9

तन्‍न इस्राएल ङा पिप योआशम यहूदा ङा पिप अमस्‍याह कली “लेबानोन ङा चू बुटा काम लेबानोन ङा लाइश्‍शो रवा का कली ‘इ तमी आं तौ नु ग्‍युं‍बे पचा गेवो’ देंमाक्‍त। तन्‍न लेबानोन ङा ब्‍वाकीमी बाक्‍ब जन्‍तु का मेको मेर पा पिमाक्‍त। मिनु मेकोम चू बुटा कली दिम्‍शा ताइश्‍शा पवा बाक्‍त। न्‍यायाधीस ९:१४

भजन संग्रह 104:16

परमप्रभु यावे आ ख्रुम्‍शो लेबानोन ङा लाइश्‍शो रवा शुश ब्‍वाक्‍कु ताइब बाक्‍नीमी।

भजन संग्रह 29:5

परमप्रभु यावे आ सेंदामी लेबानोन ङा लाइश्‍शो रवा आन कली जिक्‍ब। परमप्रभु यावे आ लोव़मी लेबानोन ङा लाइश्‍शो रवा आन कली जिक्‍ब।

यसैया 1:31

बोल्‍यो मुर झुलो खोदेंशो दुम्‍ब। मेको आ गेय मी आ झिल्‍का खोदेंशो दुम्‍ब। मेको निम्‍फा कालेमीन ब्रसानु, सुइम मकाप्‍नीम” देंत।

यसैया 2:13

लेबानोन ङा लाइश्‍शो रवापुकी, बाशान ङा बोल्‍यो रवापुकी,

यसैया 30:2

मेकोपुकीमी आं अर्ती आ पर्बम हिल्‍लो मपथु, इजीप्‍त रागी लाइनीम। मिनु मेकेर ङा पिप फाराओम वारच पपांइसीनीम। मेकोपुकीमी इजीप्‍त रागीम फाम्‍सीचा माल्‍नीम। २राजा १८:२१

यसैया 37:24

मिनु इ सोइश्‍शो गेय पाइब मुर रे पा परमप्रभु कली शुक्‍शी लोव़ पपाइक्‍‍तीवी’ देंत। मिनु गे ‘आं शुश बग्‍गीमी डांडा ङोंइसाक्‍यी। लेबानोन नेल्‍ल ङोंइसाक्‍यी। गो मेकेर ङा लाइश्‍शो रवा नु रिम्‍शो रवा नेल्‍ले आन कली तिम्‍तामी। गो नेल्‍ल क्‍येङा इर नु ङोन नु ठेयब ब्‍वाकी सम्‍म जाक्‍दीत्‍ती। यसैया १४:८

बिलाप 4:20

मेकोपुकीमी परमप्रभु यावे आ तेल लुक्‍शो, आंइ कली ब्रोंइचा गेब कली ग्‍याइक्‍ताक्‍म। मेको आ पर्बम गोपुकीमी “मेको आ वांकुम रागी रागी ङा मुर आन दातेम बाक्‍नीकी” दे मिम्‍शो नकी।

इजीकीएल 19:14

मिनु मेको आ ठेयब राशी रे मी ग्रूत। मिनु मेको आ फल नु आ आइक्‍च राशी नेल्‍ल नेक्‍तु। मोपा मेकेर हुकुम पतीक कोक्‍के दुम्‍चा ङा बोल्‍यो राशी का यो मली। मिनु एको रोंका पतीक कुम्‍सो नेल्‍लेम तुइश्‍शा, पना पन बाक्‍तेक्‍म।

इजीकीएल 31:3

अस्‍सुर रागी कली मिम्‍तीन। मेको लेबानोन ङा लाइश्‍शो रवा खोदेंशो बाक्‍त। मेको आ दारशो राशीम ब्‍वाकी आन कली सुम्‍शो बाक्‍त। मेको आ ङर लाइश्‍शो दुम्‍शा गोस्‍स सम्‍म जाक्‍दीश्‍शो बाक्‍त।

दानीएल 4:12

मेको आ सफा थम दारशो बाक्‍तेक्‍म। मिनु मेको रवाम शुश फल सिश्‍शो बाक्‍त। मिनु मेको रे नेल्‍लेमी जाइबाक्‍तेक्‍म। मिनु जन्‍तु मेको रवा आ पुंमी बाक्‍बाक्‍तेक्‍म। मिनु चिक्‍ब आ राशीम ग्‍योव़ सेल्‍‍बाक्‍तेक्‍म। मिनु ब्रोंइ‍शा बाक्‍ब नेल्‍लेमी मेकेर रे जचा ताइबाक्‍तेक्‍म।

होसे 14:7

मुरपुकी लेंशा मेको आं वांकुमी बाक्‍नीम। मेकोपुकीमी लेंशा अन्‍न ख्रुम्‍नीम। मिनु अङगुर खोदेंशो पा बोइक्‍नीम। मिनु मेको आन नें लेबानोन ङा अङगुर शांबु खोदेंशो पा ठेयब दुम्‍ब।

गन्‍ती 21:28

हेश्‍बोन रे मी ग्रूत। सीहोन आ सहर रे ब्रशो मी ग्रूत। मिनु मेको मीम मोआब ङा आर सहर नु अरनोन ङा डांडा दाक्‍तु।

मत्ती 13:32

वांचेर नेल्‍ल क्‍येङा आइक्‍च गेडा तोरी गेडा बाक्‍माक्‍त हना यो, वाशा ठेयब रवा दुम्‍माक्‍त। मेको रवामी चिक्‍बीम ग्‍योव़ सेल्‍शा बाक्‍मा बाक्‍त” दे अर्को कथा का शेंताक्‍मी।

न्‍यायाधीस 9:14

मिनु नोले रवापुकीमी चू रवा कली ‘गे आंइ पिप दुमीन’ देंमा बाक्‍त। २राजा १४:९

न्‍यायाधीस 9:16

मिनु योथाममी “मुल नेनीन, गे अबीमेलेक कली थमा सुइश्‍शा नु रिम्‍शो थुंमी पिप सेल्‍तीनी हना, दुम्‍ब। मिनु येरूब-बाल नु आ खिं ङा मुरुम इन कली रिम्‍शो पशो खोदेंशो पा, गेमी यो मेको आन कली रिम्‍शो पाइतीनी हना, दुम्‍ब।

न्‍यायाधीस 9:20

तन्‍न मोदेंशो मदुम्‍त हना, अबीमेलेक रे मी ग्रूशा, शेकेम नु बेथ-मिल्‍लो ङा मुर आन कली खतम पोक्‍गल। मिनु शेकेम नु बेथ-मिल्‍लो ङा मुर रे मी ग्रूशा अबीमेलेक कली खतम पोक्‍गल” देंमाक्‍त। न्‍यायाधीस ९:५७

न्‍यायाधीस 9:44

अबीमेलेक नु आ हुल रीब पा ङोंइती बारमा बाक्‍त। मिनु सहर ओव़तीक ठेयब लाप्‍चोमी लडाइ पचा सासमा बाक्‍त। अरु हुल निक्‍शी चहिं पिशा, रूमी बाक्‍शोपुकी नु लडाइ पा मेको आन कली सदमे बाक्‍त।

न्‍यायाधीस 9:49

मोपा लडाइ पाइब नेल्‍लेमी मोदेंशो पा शाक्‍श क्‍योरशा, यित्‍मे बाक्‍त। मिनु अबीमेलेक आ नोले खोदमे बाक्‍त। मेको शाक्‍श लाइश्‍शा, एल-बेरीत आ बोल्‍यो खिंम तेल्‍शा, मी सुइक्‍तमे बाक्‍त। मिनु शेकेम ङा बोल्‍यो दरवारम बाक्‍ब नेल्‍ल बेक्‍मा बाक्‍त। मेकेर हजार का खोदेंशो वोंइश मुर नु मीश मुर बाक्‍शो बाक्‍मा बाक्‍त।