न्‍यायाधीस 9:13 - Sunuwar Bible

¹³ मिनु अङगुर बोटमी ‘मार, देवी देवता नु मुर आन कली ग्‍येरपाइक्‍ब आं के अङगुर शांबु सेल्‍चा प्रोंइशा, गो रवा आन कली सासन पाइनुङा?’ देंमाक्‍त।

न्‍यायाधीस 9:13 ပူးပေါင်းရင်းမြစ်များ

भजन संग्रह 104:15

मिनु गे मुर आन थुं ग्‍येरपाइक्‍चा कली अङगुर सिप्‍पाइक्‍नीनी। मिनु आन कुल दारपाइक्‍चा कली तेल नु आन रां बोल्‍यो सेल्‍चा कली शोब्‍ले गेनीनी।

हितोपदेस 31:6

खतम दुम्‍चा चिक्‍शो मुर आन कली रकसी तूचा गेवो। मिनु अङगुर शांबु थुं लुक्‍च लशो आन कली गेवो।

उपदेसक 10:19

ग्‍येरसीचा कली भोज सेल्‍नीम। मिनु अङगुर शांबुमी मुर कली ग्‍येरपाइक्‍ब। तन्‍न मेको नेल्‍ल पचा कली क्‍येट माल्‍ब। बजन संग्रह १०४:१५

उपदेसक 2:3

गो आंम कली ग्‍येरपाइक्‍चा कली इच्‍का अङगुर शांबु तूता। मो पङानु आं थुंम बाक्‍शो जोक्‍तीक तुइक्‍तीक मला। मूर्ख आ गेय रुप्‍चा कली मोदेंशो पाता। मिनु गो मुर आन कली इच्‍का नाक्‍त रागीम ब्रोंइचा कली रिम्‍शो गेय मार बाक्‍बा, दे रुप्‍चा माल्‍ता। हितोपदेस ३१:४

गन्‍ती 15:10

मिनु तूचा थोव़क चढ़ेतीक कली आधा हिन अङगुर शांबु यो मेको चोशा चढ़ेतीक नु चढ़ेचा माल्‍नीनी। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब।

गन्‍ती 15:5

गे चोशा चढ़ेतीक पाठा का का नु तूचा थोव़क चढ़ेतीक हिन का ङा भाग सां ङा भाग का अङगुर शांबु यो चढ़ेचा माल्‍नीनी। गन्‍ती २८:७; प्रस्‍थान २९:४०; लेवी २३:१३

गन्‍ती 15:7

तूचा थोव़क चढ़ेतीक कली हिन का ङा भाग सां ङा भाग का अङगुर शांबु चढ़ेचा माल्‍नीनी। मेको परमप्रभु यावे कली आ दाक्‍शो ब्रोव़शो रिना पाइश्‍शो चढ़ेतीक बाक्‍ब।

न्‍यायाधीस 9:12

मिनु रवापुकीमी अङगुर बोट कली ‘गे आंइ पिप दुमीन’ देंमा बाक्‍त।

न्‍यायाधीस 9:14

मिनु नोले रवापुकीमी चू रवा कली ‘गे आंइ पिप दुमीन’ देंमा बाक्‍त। २राजा १४:९