न्‍यायाधीस 7:9 - Sunuwar Bible

⁹ मिनु मेको नाक्‍दो परमप्रभु यावेमी गिदोन कली “बोक्‍को, मिदयानी आन बाक्‍तीके ब्रुपो। मारदे हना गो मेको आन कली इ गुइमी गेता।

न्‍यायाधीस 7:9 ပူးပေါင်းရင်းမြစ်များ

२ इतिहास 20:17

यहूदा नु यरूसलेम ङा मुर, गेपुकीम एको लडाइ पचा ममाल्‍नीनी। आं देंतीकेम लने। मिनु रिम्‍शा बाक्‍कीन। इन पा ङा गो परमप्रभु यावेम लडाइ पा ग्राशो, कोव़ङीन। महिनीन। इन थुं लुक्‍च मलल। गे ग्रूशा, मेकोपुकी नु लडाइ पथ लने। मारदे हना परमप्रभु यावे गेपुकी नु बाक्‍ब’ ” देंमाक्‍त।

अय्‍युब 4:13

नाक्‍दो ङोमु ततीके बाक्‍ब। मुर ठेयब निन्‍द्रा पशो बाक्‍नीम। अय्‍युब ३३:१५; उत्‍पत्ती १५:१२

मत्ती 1:20

मिनु “गो प्रोंइचा दुम्‍ती” दे मिम्‍ना मिम्‍न बाक्‍मेनु, काबु ङोमु तवा बाक्‍त। मिनु ङोमु तवानु, परमप्रभु यावे आ स्‍वर्ग ङा गेय पाइबमी “दाऊद आ तौ योसेफ नेनो। मरीयम कली प्रोंइनुङ, दे ममिम्‍तो। महिंथु इ खिं लाइश्‍शा वोंइसो। आ कोव़जम बाक्‍शो चहिं परमप्रभु यावे आ सोक्‍त के बाक्‍त।

मत्ती 2:13

मेकोपुकी लमा नोले काबु योसेफमी ङोमुमी परमप्रभु यावे आ स्‍वर्ग ङा गेय पाइब का फो ग्रूशो तवा बाक्‍त। मेकोमी “मोबु आस कली लाइश्‍शा, एकेर रे प्रोक्‍शा, इजीप्‍त रागी जाक्‍दीश्‍शा, लेत्‍तीन मदेंङ सम्‍म बाक्‍कीन। मारदे हना पिप हेरोदमी आल कली साइक्‍चा, दे माल्‍चा चिक्‍ताक्‍व” दे मदा बाक्‍त।

प्रेरित 27:23

दोपा तुइक्‍ताक्‍ङ देंशा हना, गो परमप्रभु यावे कली ठेयब सेल्‍नुङ, मेको आ मुर नङ। परमप्रभु यावेमी आ स्‍वर्ग ङा गेय पाइब का कली सोइश्‍शा, सिनाक्‍दो आं ङोंइती राप्‍शो ताता।

यहोसु 10:8

मोपा लमानु, परमप्रभु यावेमी यहोसु कली “मेको आन कली तशा, महिनो। मारदे हना गो मेको आन कली इन गुइमी गेता। मेको आन मुर का सम्‍म यो इन ङोंइती राप्‍ने मचाप्‍नीम” देंत।

यहोसु 11:6

मिनु परमप्रभु यावेमी यहोसु कली “मेको आन कली तशा महिनीन। मारदे हना दीसा गो मेको आन कली साइश्‍शा, गे इस्राएली इन गुइमी गेनुङ। गे मेको आन शारा आन ठेयब नारी ख्रोइश्‍शा, आन बग्‍गी आन कली मीम क्रोतो” देंत।

यहोसु 2:24

मेको निक्‍शीमी यहोसु कली “थमा पा, परमप्रभु यावेमी मेको रागी नेल्‍ल इं कली गेशो बाक्‍ब। मेको रागी ङा मुर इं कली तशा, शुश हिंशा, ख्रिंख्रि पशो बाक्‍तेक्‍म” देंताक्‍स। यहोसु २:९

न्‍यायाधीस 20:28

मिनु हारून आ तौ एलाजर आ तौ फिनेहासमी मेको कली कोव़ब बाक्‍माक्‍त। मिनु इस्राएलीपुकीमी परमप्रभु यावे कली “मुल गो आंइ लोक्‍ब बेन्‍यामीन आ थर ङा मुरपुकी नु लडाइ पथ लेंशा लचा देय मलचा” दे हिल्‍लो पामे बाक्‍त। मिनु परमप्रभु यावेमी “लन, गो दीसा मेको आन कली इन गुइमी गेनन्‍नी” देंमाक्‍त। गन्‍ती २५:७; यहोसु २४:३३

न्‍यायाधीस 3:10

परमप्रभु यावे आ सोक्‍त मेको तार जाक्‍माक्‍त। मिनु मेकोमी इस्राएली आन कली निसाफ पवा बाक्‍त। मिनु मेकोमी लडाइ पचा गोवा बाक्‍त। मिनु परमप्रभु यावेमी मेसोपोटामीया ङा पिप कुशन-रिशातैम कली ओथ्‍नीएल आ गुइम गेवा बाक्‍त। मोपा ओथ्‍नीएलमी मेको पिप कली ग्रामाक्‍त। न्‍यायाधीस ६:३४

न्‍यायाधीस 3:28

एहूदमी “आं नोले खोतीन। मारदे हना परमप्रभु यावेमी इन जोरी सत्रु मोआबी आन कली इन गुइमी गेशो बाक्‍ब” दे माइक्‍मी बाक्‍त। मोपतीके आ नोनोले तोइश्‍शा यिमा बाक्‍त। मिनु मोआबी मप्रोक्‍मल, दे मेको आ नेक्‍था ङा यर्दन खोला शोक्‍तीके आन के सेल्‍मे बाक्‍त। मिनु सुइ आन कली मेक रे शोक्‍चा मगेमे बाक्‍त।

न्‍यायाधीस 7:10

तन्‍न हिंनेवे हना, इ गेय पाइब पुराह कली लाइश्‍शा ब्रुपो।

न्‍यायाधीस 7:8

मिनु मुरपुकीमी मेको आन बुत लाम्‍ज नु तुराही वोइश्‍शा, मेको आन खिं गाक्‍मा बाक्‍त। गिदोनमी मेको सहे सां कली वोइक्‍मी बाक्‍त। मिदयानी आन बाक्‍तीक चहिं मेको आन क्‍येङा उइ दिंममी बाक्‍माक्‍त।

१ सामुएल 14:8

मिनु योनाथनमी “दुम्‍ब, गो आइक्‍ची गे लस। मिनु पलिस्‍ती आन कली तपांइसस।

१ सामुएल 23:4

मिनु लेंशा दाऊदमी परमप्रभु यावे कली हिल्‍लो पवा बाक्‍त। मिनु परमप्रभु यावेमी “कैलाहम लावो। गो पलिस्‍ती आन कली इन गुइमी गेनुङ” देंमाक्‍त।