न्‍यायाधीस 7:19 - Sunuwar Bible

¹⁹ गिदोन नु मेको नु बाक्‍ब सहे का मुरपुकी क्‍येर नाक्‍दोमी मिदयान ङा मुर आन बाक्‍तीक आ नेक्‍था जाक्‍दीम्‍मा बाक्‍त। मेको आन खाल पाइब नक फांइसीशो बाक्‍मा बाक्‍त। मिनु गिदोन आ मुरपुकीमी तुराही ताप्‍शा, आन गुइमी कुरशो शेत्‍थ गर प्रोल्‍मे बाक्‍त।

न्‍यायाधीस 7:19 ပူးပေါင်းရင်းမြစ်များ

भजन संग्रह 2:9

गे मेको आन कली फलाम के कोक्‍केमी खप के सेल्‍शो ग्‍योंब प्रोल्‍शो खोदेंशो पा प्रोल्‍नेवे” दे लोव़ पाप्‍तु। प्रकाश २:२७; प्रकाश १२:५; प्रकाश १९:१५

भजन संग्रह 90:4

हजार का बर्स इन कली सिनाक्‍त खोदेंशो बाक्‍ब। नाक्‍दो का इन कली याम का खोदेंशो बाक्‍ब। २पत्रुस ३:८

प्रस्‍थान 14:24

मिनु सुनी कना परमप्रभु यावे गोस्‍स के थाम नु मी के थामम बाक्‍शा, इजीप्‍त ङा लडाइ पाइब आन कली कोव़शा हिंपाइक्‍तु।

मत्ती 25:6

मिनु १२ बजे नाक्‍दो ‘ग्‍युम्‍ले जाक्‍त, ग्रुम्‍थ लन’ देंशा ब्रेश्‍शो नेंनीम।

१ थिस्‍सलोनिकी 5:2

मारदे हना गेपुकी प्रभु आ नाक्‍त खुइ खोदेंशो पा जाक्‍ब, दे तुइक्‍नीनी। मत्ती २४:४२-४४; २पत्रुस ३:१०; प्रकाश ३:३; प्रकाश १६:१५

प्रकाश 16:15

“नेनीन, गो खुइ खोदेंब पा जाक्‍नुङ। सु थमा सुइश्‍शा मइप्‍थु सेंशा, ठीक दुम्‍शा बाक्‍मे, मेको ग्‍येरसेक्‍ल। तन्‍न सु पाप पाइबा, मेको शिश्रा गाक्‍ब मुर खोदेंब पा मुने दोक्‍ब” दे येसुमी माइक्‍तीमी। १थिस्‍सलोनिकी ५:२

न्‍यायाधीस 7:16

मिनु मेको सहे सां मुर आन कली, हुल सांमी योक्‍गा बाक्‍त। मिनु नेल्‍ल आन कली का का पा तुराही नु आगा रांको वोइश्‍शो शेत्‍थ गर का का गेमी बाक्‍त।

न्‍यायाधीस 7:18

मिनु गो नु बाक्‍ब हुलमी गेना तुराही ताप्‍नीमी, मेना गे यो आन बाक्‍तीक एर ओंथ इन तुराही ताप्‍शा ‘परमप्रभु यावे कली नु गिदोन कली’ दे ठेयब सेंदा पा ग्रीङीन” देंमाक्‍त।

न्‍यायाधीस 7:20

मोपा मेको हुल सांमीन तुराही ताप्‍शा, आन कुरशो गर प्रोल्‍मे बाक्‍त। आन पेरा गुइमी रांको नु ग्‍युरा गुइमी तुराही कुरशा “परमप्रभु यावे कली तरवार का नु गिदोन कली तरवार का” दे ग्रीमा बाक्‍त।