न्‍यायाधीस 7:15 - Sunuwar Bible

¹⁵ मिनु गिदोनमी ङोमु नु मेको आ अर्थ नेंशा ङा मिन परमप्रभु यावे कली ठेयब सेला बाक्‍त। मिनु इस्राएली आन बाक्‍तीकेम लेश्‍शा “बोक्‍कीन, परमप्रभु यावेमी मिदयानी नेल्‍ल आन कली इन गुइमी गेप्‍तु” देंमाक्‍त।

न्‍यायाधीस 7:15 ပူးပေါင်းရင်းမြစ်များ

उत्पत्ती 24:48

मिनु गो परमप्रभु यावे आ ङोंइती गु बाप्‍शा ‘परमप्रभु यावे, आं होव़प अब्राहाम आ परमप्रभु, गे रिम्‍शो पाइब बाक्‍नीनी’ दे ठेयब सेल्‍ता। मारदे हना आं होव़प आ लोक्‍ब आ खिं ङा मुर रे आ तौ कली तमी चाक्‍चा कली रिम्‍शो लां कोंइताक्‍यी।

उत्पत्ती 40:8

मिनु मेको निक्‍शीमी “गो ङोमु ताइतस्‍कु। मिनु मेको ङोमु आ अर्थ मरुप्‍स्‍कु। शेंब मुर मबा” देंसा बाक्‍त। मिनु योसेफमी “परमप्रभुमी मेको ङोमु मार बाक्‍बा दे शेंबा ममाइ ङा? लो, आं कली देनीन” दे माइक्‍सी बाक्‍त। उत्‍पत्ती ४१:१५-१६; दानीएल २:२७-२८

उत्पत्ती 41:11

गो निक्‍शीम काबु नाक्‍दो ङोमु ताइतस्‍कु। मेको ङोमु निक्‍शी के अर्थ निक्‍शी बाक्‍सा बाक्‍त।

न्‍यायाधीस 3:28

एहूदमी “आं नोले खोतीन। मारदे हना परमप्रभु यावेमी इन जोरी सत्रु मोआबी आन कली इन गुइमी गेशो बाक्‍ब” दे माइक्‍मी बाक्‍त। मोपतीके आ नोनोले तोइश्‍शा यिमा बाक्‍त। मिनु मोआबी मप्रोक्‍मल, दे मेको आ नेक्‍था ङा यर्दन खोला शोक्‍तीके आन के सेल्‍मे बाक्‍त। मिनु सुइ आन कली मेक रे शोक्‍चा मगेमे बाक्‍त।

न्‍यायाधीस 4:14

मिनु देबोरामी बाराक कली “बोक्‍को, मुलाक्‍त परमप्रभु यावेमी सीसेरा कली इ गुइमी गेशो बाक्‍ब। परमप्रभु यावे इ ङोंइती मगाक्‍बा ङा?” देंमाक्‍त। मोपतीके बाराक नु आ १० हजार लडाइ पाइब ताबोर डांडा रे ब्रुम्‍मा बाक्‍त।

न्‍यायाधीस 7:11

मिनु लशा, मेको आन लोव़ पशो नेनो। मेको आन लोव़ नेंनी नोले, मेको आन कली लडाइ तोचा महिंनेवे” देंमाक्‍त। मिनु मेको आ गेय पाइब पुराह नु मिदयानी आन ङोंइती ङा ताम्‍बु आ नेक्‍था ल‍माक्‍त। मेकेर लडाइ पाइबपुकी बाक्‍शो बाक्‍मा बाक्‍त।

न्‍यायाधीस 7:14

मिनु आ वारचमी “थमा पा, मेको इस्राएली योआश आ तौ गिदोन आ तरवार बाक्‍ब। परमप्रभुमी मिदयान नु मुर नेल्‍ले आन कली मेको आ गुइमी गेप्‍तु” देंमाक्‍त।

न्‍यायाधीस 7:16

मिनु मेको सहे सां मुर आन कली, हुल सांमी योक्‍गा बाक्‍त। मिनु नेल्‍ल आन कली का का पा तुराही नु आगा रांको वोइश्‍शो शेत्‍थ गर का का गेमी बाक्‍त।

न्‍यायाधीस 8:7

मिनु गिदोनमी “परमप्रभु यावेमी जेबाह नु साल्‍मुन्‍ना आस कली आं गुइमी गेप्‍तु हना, गो गोरशो रागी ङा चोंक चूमी युक्‍नन्‍नी” देंमाक्‍त।

१ सामुएल 1:28

मोपतीके गो एको कली परमप्रभु यावे कली जिम्‍मा गेनुङ। एको ब्रोंइशा बाक्‍म सम्‍म परमप्रभु यावे कली जिम्‍मा गेंसीशो बाक्‍ब” देंमाक्‍त। मिनु मेकोपुकी यो परमप्रभु यावे आ ङोंइती बाप्‍शा, मेको कली ठेयब सेल्‍मे बाक्‍त। १सामुएल १:११

१ सामुएल 14:12

मिनु पलिस्‍तीपुकीमी योनाथन नु आ या कुरब आस कली “गो आंइ बाक्‍तीक गे ङोइश्‍शा कुस। गो इस कली मारेइ कोंइनीकी” देंमा बाक्‍त। मिनु योनाथनमी आ या कुरब कली “आं नोले कुवो। परमप्रभु यावेम मेको आन कली इस्राएली आन गुइमी जिम्‍मा गेशो बाक्‍त” दे मदा बाक्‍त।