न्‍यायाधीस 7:14 - Sunuwar Bible

¹⁴ मिनु आ वारचमी “थमा पा, मेको इस्राएली योआश आ तौ गिदोन आ तरवार बाक्‍ब। परमप्रभुमी मिदयान नु मुर नेल्‍ले आन कली मेको आ गुइमी गेप्‍तु” देंमाक्‍त।

न्‍यायाधीस 7:14 ပူးပေါင်းရင်းမြစ်များ

अय्‍युब 1:10

गे मेको कली मेको आ खिं, आ शोंप नु आ मारेइ मारेइ नेल्‍ल एर ओंथ तेइ तेइ रे थरपु हिरशा, मवोइश्‍शो बाक्‍नीनी ङा? मेको आ गेय नेल्‍लेम गे आसीक गेशा वोइश्‍शो बाक्‍नीनी। मेको आ क्‍यारश भेडा नु बी ब्‍यफ शुश दुम्‍शो बाक्‍नीम।

गन्‍ती 22:38

मिनु बालाममी बालाक कली “मुल गो इन बाक्‍तीके जाक्‍ती। मार देंचा माल्‍नुङा, दे मतुइक्‍नुङ। परमप्रभुम मार देंबा, गो मेको ला देंने चाप्‍‍नुङ” देंत।

गन्‍ती 23:20

नेनीन, गो मेको आन कली आसीक गेतीक लोव़ त‍शो बाक्‍नुङ। मेकोमी मेको आन कली आसीक गेशो बाक्‍ब। मिनु गो मेको फाइक्‍ने चाप्‍नुङा ङा?

गन्‍ती 23:5

मिनु परमप्रभु यावेमी बालाम कली लोव़ पशा “गे बालाक आ बाक्‍तीके लेतो। इ कली देंशो लोव़ मेको कली मतो” देंत।

यहोसु 2:24

मेको निक्‍शीमी यहोसु कली “थमा पा, परमप्रभु यावेमी मेको रागी नेल्‍ल इं कली गेशो बाक्‍ब। मेको रागी ङा मुर इं कली तशा, शुश हिंशा, ख्रिंख्रि पशो बाक्‍तेक्‍म” देंताक्‍स। यहोसु २:९

यहोसु 2:9

मिनु मेको मीश मुरुमी मेको आस कली “परमप्रभु यावेमी आंइ रागी इन कली गेशो बाक्‍ब, दे गो तुइक्‍नुङ। मारदे हना एको रागीम बाक्‍ब मुर नेल्‍ल इन कली तशा, शुश हिंनीम। प्रस्‍थान २३:२७

यहोसु 5:1

मिनु यर्दन आइक्‍ची हांबु पच्‍छिम गे ङा एमोरी आन पिप नेल्‍ल नु ठेयब समुन्‍द्र आ नेक्‍था ङा कनानी आन पिप नेल्‍लेमी “परमप्रभु यावेमी इस्राएली आन ङोंइती यर्दन खोला मशोक्‍सीमा सम्‍म सोव़पाइक्‍तु” दे नेंशा, मेकोपुकी इस्राएली आन कली तशा, साप्‍पा हिंशा आन थुं लुक्‍च लत। यहोसु ३:१६; यहोसु २:२४

न्‍यायाधीस 3:28

एहूदमी “आं नोले खोतीन। मारदे हना परमप्रभु यावेमी इन जोरी सत्रु मोआबी आन कली इन गुइमी गेशो बाक्‍ब” दे माइक्‍मी बाक्‍त। मोपतीके आ नोनोले तोइश्‍शा यिमा बाक्‍त। मिनु मोआबी मप्रोक्‍मल, दे मेको आ नेक्‍था ङा यर्दन खोला शोक्‍तीके आन के सेल्‍मे बाक्‍त। मिनु सुइ आन कली मेक रे शोक्‍चा मगेमे बाक्‍त।

न्‍यायाधीस 7:13

मिनु गिदोन मेको आन ताम्‍बु आ नेक्‍था जाक्‍दीम्‍मेनु, मेकेर ङा मुर कामी आ वारच कली आ ङोमु शोव़ङा बाक्‍त। मेकोमी “गो आ ङोमुमी क्‍योव़ज शोब्‍ले का गुलुल पा लोक्‍सीशा, मिदयानी आन बाक्‍तीकेमी जाक्‍शा, मेको आन ताम्‍बु चिप्‍शो ताता” देंमाक्‍त।

न्‍यायाधीस 7:15

मिनु गिदोनमी ङोमु नु मेको आ अर्थ नेंशा ङा मिन परमप्रभु यावे कली ठेयब सेला बाक्‍त। मिनु इस्राएली आन बाक्‍तीकेम लेश्‍शा “बोक्‍कीन, परमप्रभु यावेमी मिदयानी नेल्‍ल आन कली इन गुइमी गेप्‍तु” देंमाक्‍त।

१ सामुएल 14:12

मिनु पलिस्‍तीपुकीमी योनाथन नु आ या कुरब आस कली “गो आंइ बाक्‍तीक गे ङोइश्‍शा कुस। गो इस कली मारेइ कोंइनीकी” देंमा बाक्‍त। मिनु योनाथनमी आ या कुरब कली “आं नोले कुवो। परमप्रभु यावेम मेको आन कली इस्राएली आन गुइमी जिम्‍मा गेशो बाक्‍त” दे मदा बाक्‍त।