न्‍यायाधीस 7:1 - Sunuwar Bible

¹ गिदोन कली येरूब-बाल यो देंबाक्‍तेक्‍म। मिनु गिदोन नु आ मुर नेल्‍ले सुनी कना बोक्‍शा ङा मिन हारोद सहर ङा ब्‍वाक्‍कु बुक्‍तीके आ नेक्‍था ताम्‍बु कीङमे बाक्‍त। मिदयान ङा मुरपुकीमी चहिं मेको आन उत्तर गे ङा मोरेह डांडा आ नेक्‍था ङा दिंममी ताम्‍बु कीङमे बाक्‍त। न्‍यायाधीस ६:३२

न्‍यायाधीस 7:1 ပူးပေါင်းရင်းမြစ်များ

उत्पत्ती 12:6

मिनु अब्राम कनान रागी जाक्‍दीश्‍शा, शेकेम सहर आ नेक्‍था मोरेह माइश्‍शो मुर आ रवा आ नेक्‍था जाक्‍दीम्‍माक्‍त। मेना कनान ङा मुरपुकी रागीम बाक्‍शो बाक्‍मा बाक्‍त। उत्‍पत्ती ३५:४; यहोसु २४:२५-२६

उत्पत्ती 22:3

मिनु अब्राहाम सुनी कना बोक्‍शा, चढ़ेतीकेम चोचा कली शी चेश्‍शा, आ गधा ठीक पवा बाक्‍त। मिनु ठिटा निक्‍शी नु आ तौ इसहाक कली लाइश्‍शा, परमप्रभुमी देंशो पहाड लमा बाक्‍त।

२ सामुएल 23:25

हारोद सहर ङा शम्‍माह, हारोद सहर ङा एलीका,

भजन संग्रह 83:9

मिदयानी आन कली पाइश्‍शो खोदेंशो पा मेको आन कली पतीन। सीसेरा नु याबीन कली किशोन खोलाम पाइश्‍शो खोदेंशो पतीन। न्‍यायाधीस ७:१४; यसैया ९:३; न्‍यायाधीस ४:२

उपदेसक 9:10

इ ङोंइती मार गेय बाक्‍मे, मेको इ सक्ति नेल्‍लेमी पावो। मारदे हना बेक्‍शो मुर आन बाक्‍तीकेम मारेइ मिम्‍तीके, जोक्‍तीके नु तुइक्‍तीके मबाक्‍ब।

ब्‍यवस्‍था 11:30

मेको डांडापुकी यर्दन आइक्‍ची हांबु, नां रिक्‍तीक गे यर्दन बेंसी ङा लां आ नोले, अराबाहमी बाक्‍शो कनानी आन रागीम बाक्‍नीस। मेको गिल्‍गाल आ ङोंइती मोरेह माइश्‍शो ब्‍वाकी आ नेक्‍था बाक्‍नीस। उत्‍पत्ती १२:६

यहोसु 3:1

मिनु यहोसु सुनी कना बोक्‍शा, इस्राएलीपुकी नु शित्तीम प्रोंइशा, यर्दन खोलामी जाक्‍तेक्‍म। मिनु आइक्‍ची हांबु शोक्‍सीचा क्‍येङा ङोंइती मेकेर बास बाक्‍तेक्‍म। गन्‍ती २५:१

यहोसु 6:12

मिनु यहोसु सुनी कना बोक्‍त। मिनु चढ़ेबपुकीमी परमप्रभु यावे आ कबल पशो सन्‍दोस कुरतेक्‍म।

न्‍यायाधीस 6:32

मेको नाक्‍त रे मेकोपुकीमी गिदोन आ नें येरूब-बाल, दे वोदमे बाक्‍त। मेको आ अर्थ “बाल देवता आंमान गिदोन कली आ सक्ति कोंइदल। मारदे हना गिदोनमी आ चढ़ेतीक प्रेश्‍शो बाक्‍ब” देंमा बाक्‍त। न्‍यायाधीस ७:१

न्‍यायाधीस 6:33

मिनु मिदयानी, अमालेकी नु पूर्ब ङा मुरपुकी खुम्‍सीशा, हुल का दुम्‍मा बाक्‍त। मेकोपुकी यर्दन खोला शोक्‍शा, येज्रेल आ दिंमम ताम्‍बु कीङमे बाक्‍त।

न्‍यायाधीस 6:40

मिनु परमप्रभुमी मेको नाक्‍दो यो गिदोन आ देंशो खोदेंशो पवा बाक्‍त। खप ला जिम्‍माक्‍त, मेको ऊन चहिं सोव़शो बाक्‍माक्‍त।

न्‍यायाधीस 8:29

मिनु नोले योआश आ तौ येरूब-बाल आ खिं लशा, बाक्‍शो बाक्‍माक्‍त।

१ सामुएल 12:11

मिनु परमप्रभु यावेमी येरूब-बाल, बाराक, येफ्ता नु सामुएल आन कली सोइक्‍ता बाक्‍त। मिनु मेकोपुकीमी इन एर ओंथ बाक्‍शो जोरी सत्रु रे प्रोन्‍मे बाक्‍त। मिनु गेपुकी थुं नाइश्‍शा, मारेइ मदुम्‍थु बाक्‍चा तशो बाक्‍तीनी। न्‍यायाधीस ६:१४, ३२; न्‍यायाधीस ४:६; न्‍यायाधीस ११:२९; १सामुएल ७:३

१ सामुएल 29:1

पलिस्‍तीपुकीमी लडाइ पाइब आन कली अफेकम पुक्‍गमे बाक्‍त। इस्राएलीपुकीम चहिं येज्रेल ङा ब्‍वाक्‍कु बुक्‍तीकेम आन बाक्‍तीक सेल्‍मे बाक्‍त। १सामुएल ४:१; यहोसु १५:५३