न्‍यायाधीस 6:31 - Sunuwar Bible

³¹ मिनु योआशमी मेको आ नेक्‍था बाक्‍शो ग्रीब मुर नेल्‍ल आन कली “गेपुकी बाल देवता आ पर्बम ग्रीशो ननी? बाल देवता कली वारच पचा दाक्‍नीनी? सुम मेको कली वारच पाइबा, मेको दीसा सुनी सम्‍म साइक्‍चा पुंइसीब। आ चढ़ेतीक प्रेत्‍चा पुंइसीशो बाल देवता थमा पा देवता बाक्‍त हना, मेकोमी आंमान आ सक्ति कोंइदल” देंमाक्‍त। १रजा १८:२१-३९

न्‍यायाधीस 6:31 ပူးပေါင်းရင်းမြစ်များ

१ राजा 18:27

मिनु नाक्‍त उइक्‍थ दुम्‍मेनु, एलीयाम मेको आन कली “मुल यो ठेयब सेंदा पा ग्रीङीन। मेको थमा पा देवता बाक्‍ब। मेको मिम्‍ना मिम्‍न बाक्‍म माइ, ना हिरथ गाक्‍म कों? ना ङोन लम कों? ना इप्‍शा बाक्‍म कों? मेको कली पोक्‍चा माल्‍ब” दे शुक्‍शी पा लोव़ पवा बाक्‍त।

१ राजा 18:29

मोपा नाक्‍त रे नाक्‍दो चढ़ेची ना सम्‍म ग्रीना ग्रीन बाक्‍मा बाक्‍त। तन्‍न मेकेर मारेइ मदुम्‍माक्‍त। मारेइ सेंदा यो मनेंसे बाक्‍त। मी यो मयिमाक्‍त।

१ राजा 18:40

मिनु एलीयामी मेको आन कली “बाल आ लोव़ पाइब आन कली ग्‍याइक्‍तीन। का यो प्रोक्‍चा मतामेक्‍ल” दे माइक्‍मी बाक्‍त। मिनु मेकोपुकीम मेको आन कली ग्‍याइक्‍तमे बाक्‍त। मिनु एलीयाम मेको आन कली किशोन खोल्‍साम लाइश्‍शा साइक्‍मी बाक्‍त। प्रस्‍थान २२:१९; ब्‍यवस्‍था १३:६-९

प्रस्‍थान 23:2

मिनु ठेयब हुल का मरिम्‍शो पाइब बाक्‍तेक्‍म हना, मेको आन नोले मखोतीन। निसाफ पाइब आ ङोंइती ‘ठेयब हुल ङा मुर ठीक बाक्‍नीम’ मदेनीन। मोपा आं ठीक पतीके रे ङोन मलने।

यसैया 41:23

नोले मार दुम्‍बा आंइ कली तुइक्‍पतीन। मोपा ला गे गेय पने चाप्‍ब बाक्‍नीनी, दे तुइक्‍नीकी। गे रिम्‍शो पने कि मरिम्‍शो पने। मोपा गो इन कली तशा तुइश्‍शा शुश हिं‍नीकी।

यसैया 46:1

बेल गुर ब्‍वेत। नेबो दिङ गोल्‍त। मेको आन मूर्तिपुकी बी ब्‍यफ आन कली कुरपाइक्‍नीम। इन कुरशो थोव़क गे दशो बी ब्‍यफ आन कली कुरपाइक्‍नीनी। येरमीया ५०:२

यसैया 46:7

मिनु मेको कली गुप्‍शा, बलाम कुरशा, लाइश्‍शा, आ बाक्‍तीकेम वोदमेनु, मेकेर मदुक्‍थु, मगाक्‍थु बाक्‍ब। सुइमी मेको आ ङोंइती जाक्‍शा ‘प्रोंइ‍यीनी’ देंत हना, मेकोमी लोव़ मलेप्‍ब। सुइ आन कली श्‍येत रे प्रोंइने मचाप्‍ब” देंत। १राजा १८:२६

येरमीया 10:11

गे मेको आन कली “मेको सरीङ नु रागी मसेल्‍ब देवी देवता रागी नु सरीङ आगा रे क्‍याम्‍चा पुंइसीनीम।

येरमीया 10:5

मेको आन मूर्ति वोबी‍स रूम वोइश्‍शो खेरच खोदेंशो बाक्‍नीम। मेको ब्‍वाक्‍ने मचाप्‍नीम। मेको आन कली कुरचा माल्‍नीम। मारदे हना मेकोपुकी गाक्‍ने मचाप्‍नीम। मेको तशा महिनीन। मारदे हना मेकोपुकीमी मारेइ मरिम्‍शो पने मचाप्‍नीम। मारेइ रिम्‍शो यो पने मचाप्‍नीम” देंत। भजन संग्रह ११५:७; यसैया ४६:७

गन्‍ती 14:6

मिनु मेको रागीम क्‍यारी पथ लाइब नून आ तौ यहोसु नु यपुन्‍ने आ तौ कालेबमी सुर्ता पा आस आस वा खाक्‍ताक्‍स। गन्‍ती १३:६,८,१६,३०

१ कोरिन्‍थी 8:4

मूर्ति कली चढ़ेशो श्‍ये ब्‍वचा आ पर्बम मार देंनुङ देंशा हना, मूर्तिपुकी सोक्‍त पाइश्‍शो मनम। मेकोपुकी नु मारेइ मबाक्‍ब। परमप्रभु यावे ङा लाक्‍शा सुइ मबाक्‍ब दे तुइक्‍ताक्‍य। ब्‍यवस्‍था ६:४

एफिसी 5:11

छिङछिङ ङा गेयमी काइ फल मथिंसीब। मोदेंशो गेय पाइबपुकी नु मबाक्‍कीन। मेको गेय यो मपने। तन्‍न मेको गेय मरिम्‍शो बाक्‍ब, दे कोंइदीन।

न्‍यायाधीस 6:30

मिनु सहर ङा मुरपुकीमी योआश कली “इ तौ कली लाङगा ग्रुंइदो। मेको बेक्‍चा माल्‍ब। मेकोमी बाल देवता आ चढ़ेतीक प्रेदा बाक्‍त। मिनु आ नेक्‍था बाक्‍शो अशेराह देवी आ मूर्ति पाइश्‍शो थाम यो खोला बाक्‍त। मोपतीके मेको कली साइक्‍चा माल्‍नीक” देंमा बाक्‍त।

न्‍यायाधीस 6:32

मेको नाक्‍त रे मेकोपुकीमी गिदोन आ नें येरूब-बाल, दे वोदमे बाक्‍त। मेको आ अर्थ “बाल देवता आंमान गिदोन कली आ सक्ति कोंइदल। मारदे हना गिदोनमी आ चढ़ेतीक प्रेश्‍शो बाक्‍ब” देंमा बाक्‍त। न्‍यायाधीस ७:१

१ सामुएल 12:11

मिनु परमप्रभु यावेमी येरूब-बाल, बाराक, येफ्ता नु सामुएल आन कली सोइक्‍ता बाक्‍त। मिनु मेकोपुकीमी इन एर ओंथ बाक्‍शो जोरी सत्रु रे प्रोन्‍मे बाक्‍त। मिनु गेपुकी थुं नाइश्‍शा, मारेइ मदुम्‍थु बाक्‍चा तशो बाक्‍तीनी। न्‍यायाधीस ६:१४, ३२; न्‍यायाधीस ४:६; न्‍यायाधीस ११:२९; १सामुएल ७:३