न्‍यायाधीस 6:27 - Sunuwar Bible

²⁷ मिनु गिदोनमी आंम के १० जना गेय पाइब कली लाइश्‍शा, परमप्रभु यावे आ देंशो खोदेंशो पवा बाक्‍त। मिनु नाक्‍त मेको गेय पचा कली आं आफ आ खिं ङा मुर नु मेको सहर ङा मुर आन कली तशा शुश हिंमाक्‍त। मोपतीके मेकोमी गेय नेल्‍ले नाक्‍दोमी पवा बाक्‍त।

न्‍यायाधीस 6:27 ပူးပေါင်းရင်းမြစ်များ

भजन संग्रह 112:5

हाइश्‍शो दुम्‍शा, गेब मुर आन कली रिम्‍शो दुम्‍ब। मेकोपुकीमी आन गेय ठीक पतीकेमी पाइनीम।

मत्ती 16:24

मिनु येसुमी आ शेंसीब आन कली “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, श्‍येत जचा महिंथु, आ नोले खोइय्‍यील। मत्ती १०:३८-३९; १पत्रुस २:२१

यूहन्‍ना 15:14

गेपुकी आं देंशो पना पन बाक्‍तीनी हना, आं वारच ननी। यूहन्‍ना ८:३१; मत्ती १२:५०

यूहन्‍ना 2:5

मिनु आ ममामी गेय पाइब आन कली “एकोमी मार देंमे, मोदेंशो पने” दे माइक्‍तीमी।

यूहन्‍ना 3:2

मिनु नाक्‍दो मेको मुर येसु आ बाक्‍तीक जाक्‍शा, येसु कली “शेंब, गे परमप्रभु यावे आ सोइश्‍शो शेंब ननी, दे तुइक्‍नीकी। मारदे हना परमप्रभु यावे आ सोइश्‍शोमी ला गे इन खोदेंशो पा छक लाक्‍चा ङा गेय पने चाप्‍ब” देंत।

गलाती 1:16

मोपतीके आ तौ येसु ख्रीस्‍त कली तपाइक्‍ती। मिनु शुश अर्को रागी ङा मुर आन कली आ तौ आ पर्बम शेंथ सोइक्‍ताक्‍यी। मेको शेंचा आ पर्बम गो सुइ नु लोव़सी मपङ। अर्को मुर आन अर्ती यो मनेंनु। मत्ती १६:१७; गलाती २:७

ब्‍यवस्‍था 4:1

मिनु मोसामी “मिनु गे इस्राएली नेल्‍ले, गो इन कली परमप्रभु यावे आ फुल्‍लुम मुशा ब्रेक्‍शो लोव़ नु आ निसाफ पतीक लोव़ शेंनुङ। इन नोफा दाइक्‍तीन। मिनु आ शेंशो पने। मेको पाइतीनी हना, गे ब्रोंइचा ताइनीनी। मिनु गे परमप्रभु यावे, इन किकी पिपी आन परमप्रभुमी इन कली गेशो रागी ओव़चा नु इन के सेल्‍चा ताइनीनी।

१ थिस्‍सलोनिकी 2:4

परमप्रभु यावेमी आंइ कली ग्‍येरपाइक्‍ब लोव़ शेंचा, दे शेंब सेल्‍तीकी। मोपतीके गोपुकी मुर आन दाक्‍शो लोव़ मशेंथु, परमप्रभु यावे आ दाक्‍शो लोव़ शेंशा गाक्‍तक। मेकोमी आंइ थुं कली नाक्‍शा कोव़ब। गलाती १:१०

न्‍यायाधीस 6:26

मिनु “मेकेर परमप्रभु यावे, इ परमप्रभु कली आं देंशो खोदेंशो पा चढ़ेतीक का सेलो। मिनु नोले आं कली मेको ब्‍यफ कली इ प्रेश्‍‍शो अशेराह देवी आ शी के खोल्‍शो थाम तारी चोशा चढ़ेतीक का चढ़ेवो” देंमाक्‍त।

न्‍यायाधीस 6:28

मिनु मेको सहर ङा मुरपुकी सुनी कना बोक्‍शा, बाल देवता आ चढ़ेतीके प्रेश्‍शो, मेको आ नेक्‍था बाक्‍शो अशेराह देवी आ मूर्ति यो प्रेश्‍‍शो नु गिदोनमी सेल्‍शो चढ़ेतीकेम नोले ङा ब्‍यफ चढ़ेशो तामे बाक्‍त।