न्‍यायाधीस 6:24 - Sunuwar Bible

²⁴ मिनु गिदोनमी परमप्रभु यावे कली चढ़ेतीक का सेला बाक्‍त। मिनु आ नें “परमप्रभु यावे थुं नाइक्‍चा गेब बाक्‍ब” दे नें वोदा बाक्‍त। मेको चढ़ेतीक मुलाक्‍त सम्‍म अबीएजेर आ मुर आन ओफ्रा सहरम बाक्‍ब।

न्‍यायाधीस 6:24 ပူးပေါင်းရင်းမြစ်များ

उत्पत्ती 12:7

मेकेर जाक्‍दीम्‍मेनु, परमप्रभु यावे अब्राम आ ङोंइती ग्रूशा, मेको कली “एको रागी इ चच युइ आन कली गेनुङ” दे लोव़ गेवा बाक्‍त। मिनु अब्राममी “गो परमप्रभु यावे कली ताता” दे चढ़ेतीक का सेला बाक्‍त। उत्‍पत्ती १३:१५; उत्‍पत्ती १५:१८; उत्‍पत्ती १७:८; उत्‍पत्ती ३५:१२; प्रस्‍थान ६:४,८; प्रस्‍थान ३२:१३; यहोसु २१:४३; प्रेरित ७:५

उत्पत्ती 12:8

मेकेर रे लशा, बेथेल सहर आ पूर्ब गे ङा डांडामी आ ताम्‍बु याक्‍शा कीङा बाक्‍त। बेथेल सहर पच्‍छिम गे नु ऐ सहर पूर्ब गे बाक्‍शा, मेकेर यो परमप्रभु यावे कली चढ़ेतीक का सेल्‍शा, परमप्रभु यावे कली लोव़ पा ठेयब सेला बाक्‍त। उत्‍पत्ती ४:२६

उत्पत्ती 22:14

मिनु अब्राहाममी मेको डांडा कली परमप्रभु यावे यीरेह, दे नें वोदा बाक्‍त। मोपतीके मुल सम्‍म मुरपुकीम “परमप्रभु यावे आ डांडाम परमप्रभु यावेमी माल्‍शो गेब” देंनीम। “परमप्रभु यावे यीरेह” आ अर्थ “परमप्रभु यावेमी आं माल्‍शो गेब” देंशो बाक्‍ब। उत्‍पत्ती १६:१३

उत्पत्ती 33:20

मिनु मेकेर चढ़ेतीक का सेला बाक्‍त। मेको आ नें “एल-एलोहे-इस्राएल” दे वोदा बाक्‍त। मेको आ अर्थ परमप्रभु, इस्राएल आ परमप्रभु बाक्‍ब। उत्‍पत्ती १२:७-८

२ सामुएल 24:25

मिनु दाऊदम मेकेर परमप्रभु यावे कली चढ़ेतीक का सेला बाक्‍त। मिनु चोशा चढ़ेतीक नु दुशा बाक्‍चा आ पर्बम चढ़ेतीके चढ़ेवा बाक्‍त। मिनु परमप्रभु यावेमी रागी आ पर्बम पुंइशो लोव़ नेना बाक्‍त। मिनु इस्राएलम मुर बेक्‍तीक रोइ दिक्‍माक्‍त। २सामुएल २१:१४

१ राजा 18:32

मिनु मेकोमी मेको फुल्‍लु रे परमप्रभु यावे आ नेंम चढ़ेतीक का सेला बाक्‍त। मिनु मेको चढ़ेतीक कली एर ओंथ हिरशा, कुला दोवा बाक्‍त। मेकेर सेआह अन्‍न पुक्‍तीक बोस निक्‍शी रिक्‍ब बाक्‍माक्‍त। सेआह का ७.३ लिटर बाक्‍ब।

एज्रा 3:2

मेना योसादाक आ तौ येशुआ नु मेको आ वारच चढ़ेब, शाल्‍तीएल आ तौ जेरूब-बाबेल नु मेको आ खिं ङा मुर नेल्‍लेमी इस्राएली आन परमप्रभु कली चढ़ेतीके सेल्‍तेक्‍म। परमप्रभु आ मुर मोसामी आ अरेशो लोव़म दोपा ब्रेक्‍शो बाक्‍मे, मोपा चोशा चढ़ेचा कली मेको चढ़ेतीक सेल्‍तेक्‍म। एज्रा २:२; प्रस्‍थान २७:१; लेवी ६:२

प्रस्‍थान 17:15

मिनु मोसामी चढ़ेतीक का सेल्‍शा “परमप्रभु यावे आं छेदर बाक्‍ब” दे नें वोइक्‍तु।

येरमीया 23:6

मेकोम सासन पवा ना यहूदा श्‍येत रे प्रोंइचा पुंइसीब। मिनु इस्राएल मारेइ मदुम्‍थु बाक्‍ब। मेको आ नेंम मेकोपुकी तुइक्‍चा पुंइसीनीमी। मेको आ नें ‘परमप्रभु यावे आंइ कली ठीक पाइब बाक्‍ब’ देंनीम” देंत। ब्‍यवस्‍था ३३:२८; येरमीया ३३:१६; यसैया ४५:२४

येरमीया 33:16

मेको नाक्‍ती यहूदा श्‍येत रे प्रोंइचा पुंइसीब। मिनु यरूसलेम मारेइ मदुम्‍थु बाक्‍ब। मिनु मेको आ नें आंइ कली ठीक सेल्‍ब परमप्रभु यावे” देंनीम। ब्‍यवस्‍था ३३:२८

इजीकीएल 48:35

मिनु सहर आ एर ओंथ हिरशो गारो १८ हजार कुबीत दुम्‍ब। मेना रे मेको सहर आ नें ‘परमप्रभु यावे मेकेर बाक्‍ब’ देंशो नें वोइक्‍चा माल्‍ब” दे परमप्रभु यावेमी देंत। इजीकीएल ४३:७; यसैया ६०:१४; प्रकाश २१:३

गन्‍ती 26:30

गिलाद आ चच युइपुकी इएजेर आ खिं खिं ङा मुर रे इएजेर, हेलेक आ खिं खिं ङा मुरपुकी,

यहोसु 22:10

मिनु मेकोपुकी कनान रागी ङा यर्दन खोला आ नेक्‍था गेलीलोत सहर जाक्‍दीत्‍तेक्‍म। मिनु मेको रूबेन आ थर, गाद आ थर नु मनस्‍से आ उइक्‍थ थरमी यर्दन खोला नेक्‍था थम ठेयब चढ़ेतीक का सेल्‍तेक्‍म।

न्‍यायाधीस 21:4

मिनु आ दीसा मुरपुकी सुनी कना बोक्‍शा, मेकेर चढ़ेतीके का सेल्‍शा, चोशा चढ़ेतीक नु दुशा बाक्‍चा आ पर्बम चढ़ेतीक चढ़ेमे बाक्‍त।

न्‍यायाधीस 6:23

मिनु परमप्रभु यावेमी “इ थुं नाइक्‍तो। महिनो। मारदे हना मबेक्‍नेवे” देंमाक्‍त।

न्‍यायाधीस 8:27

मिनु गिदोनमी मेको सुन रे पा निसाफ पतीक ऊरीम नु थुम्‍मीम बाक्‍शो झोला का सेल्‍शा, मेको कली आ सहर ओफ्रामी वोदा बाक्‍त। मिनु इस्राएली नेल्‍लेमी मेको कली ठेयब सेल्‍शा, आंम कली दूली पाइब सेल्‍मे बाक्‍त। मेको गिदोन नु आ खिं ङा मुर आन कली यो हेंथे पपाइक्‍चा कली बाक्‍माक्‍त। न्‍यायाधीस १७:५;

न्‍यायाधीस 8:32

मिनु योआश आ तौ गिदोन शुश खूशो दुम्‍शा बेक्‍माक्‍‍त। मेको कली आ आफ अबीएजेर आ तुरस ओफ्रा सहरमी थिम्‍मे बाक्‍त। न्‍यायाधीस ६:११

१ सामुएल 14:35

मोपा सावलमी परमप्रभु यावे कली चढ़ेतीक का सेला बाक्‍त। मेको सावलम परमप्रभु यावे कली सेल्‍शो नेल्‍ल क्‍येङा ङोंइती ङा चढ़ेतीक बाक्‍माक्‍त।

१ सामुएल 7:17

मिनु मेको रामाह लेप्‍बाक्‍माक्‍त। मारदे हना मेको आ खिं मेकेर बाक्‍माक्‍त। मिनु मेकोमी मुर आन कली निसाफ पा, परमप्रभु यावे कली चढ़ेतीक का सेला बाक्‍त। यहोसु १८:२५