न्‍यायाधीस 6:23 - Sunuwar Bible

²³ मिनु परमप्रभु यावेमी “इ थुं नाइक्‍तो। महिनो। मारदे हना मबेक्‍नेवे” देंमाक्‍त।

न्‍यायाधीस 6:23 ပူးပေါင်းရင်းမြစ်များ

उत्पत्ती 32:30

मिनु याकूबमी “गो परमप्रभु आ कुल तशा यो मबेक्‍ङ” दे मेको बाक्‍तीके आ नें पेनीएल वोदा बाक्‍त। प्रस्‍थान ३३:२०

उत्पत्ती 32:31

मिनु नां दाप्‍‍मेनु, याकूब पेनुएल रे खोङ चेङ पा गाक्‍माक्‍त।

उत्पत्ती 43:23

मिनु मेकोमी “इन थुं नाइक्‍तीने, महिनीने। इन परमप्रभु, इन आफ आ परमप्रभुमी इन क्‍येट इन धोक्रोम कुर पवा माइ। गो इन क्‍येट ताक्‍ता” देंमाक्‍त। मिनु मेकोमी सिमियोन कली चाक्‍गा बाक्‍त। उत्‍पत्ती ४२:२४

भजन संग्रह 85:8

परमप्रभु, परमप्रभु यावेमी मार देंबा, आं कली नेंपतीन। मेकोमी आ मुर, आ लोव़ टीब नु आंम कली जिम्‍मा गेंसीशो मुरपुकी नु थुं नाइक्‍तीक लोव़ पाइब। मेको आन कली लेंशा दूली गाक्‍चा मगेने। येरमीया २९:११; मीका ५:४

दानीएल 10:19

मिनु मेकोमी आं कली “नेल्‍ल क्‍येङा दाक्‍चा पुंइसीशो, महिनो। इ कली मारेइ मदुम्‍ब। बोल्‍यो नु महिंब दुमो” दे माइक्‍ती। मेकोमी गो नु लोव़ पवा नोले, गो बोल्‍यो दुम्‍ती। मिनु गो “आं प्रभु, लोव़ पने। मारदे हना गे आं कली बोल्‍यो सेल्‍तीनी” देंती। प्रकाश १:१७

यूहन्‍ना 14:27

गो आं थुं नाइश्‍शो खोदेंशो पा इन थुं नाइक्‍पाइक्‍नन्‍नी। मुरुमी पशो खोदेंशो ममाइ, इन थुं ग्‍येत्‍थ लुक्‍च मपने। महिनीने। यूहन्‍ना १६:३३; फिलिप्‍पी ४:७

यूहन्‍ना 20:19

मेको साता ङा ङोंइती नाक्‍त नां रिक्‍चावानु, येसु आ शेंसीबपुकी यहूदी आन क्‍येङा हिंशा, लाप्‍चो चोक्‍शा, खिं गाम बाक्‍तेक्‍म। मिनु येसु मेको आन बाक्‍तीकेमी जाक्‍शा “थुं नाइश्‍शा बाक्‍कीन” देंत।

यूहन्‍ना 20:26

मिनु मेको मो दुम्‍शो साता का नोले येसु आ शेंसीबपुकी लेंशा खिं आगाम बाक्‍तेक्‍म। मेना थोमास यो मेकोपुकी नु काथा बाक्‍शो बाक्‍त। लाप्‍चो चोक्‍शा, आगाम बाक्‍मानु, येसु मेको आन बाक्‍तीकेमी जाक्‍शा “थुं नाइश्‍शा बाक्‍कीन” देंत।

रोमी 1:7

गे योव़चा पुंइसीशा, परमप्रभु यावे आ दाक्‍शो रोम सहरम बाक्‍बपुकी इन कली एको लोव़ ब्रेक्‍ताक्‍ङ। इं आफ परमप्रभु यावे नु प्रभु येसु ख्रीस्‍तम इन कली शिशी पा इन थुं नाइश्‍शा बाक्‍चा गेम्‍सेक्‍ल। १कोरिन्‍थी १:२; २कोरिन्‍थी १:१-२; एफिसी १:१; गन्‍ती ६:२४-२६

न्‍यायाधीस 19:20

मिनु खाल्‍पामी “थुं नाइक्‍तीन। आं खिंम बाक्‍कीन। इन माल्‍शो नेल्‍ल गेनन्‍नी। गेपुकीमी चोकमी बाक्‍शा, नां सोंइचा काइ मदुम्‍ब” देंमाक्‍त।

न्‍यायाधीस 6:22

मिनु गिदोनमी “थमा पा परमप्रभु यावे आ स्‍वर्ग ङा गेय पाइब बाक्‍माक्‍त” दे तुइक्‍ता बाक्‍त। मिनु “परमप्रभु, परमप्रभु यावे, आं कली वारच पाइय्‍यीनी। मुलाक्‍त परमप्रभु यावे आ स्‍वर्ग ङा गेय पाइब कली आं नेक्‍थान ताता” देंमाक्‍त। न्‍यायाधीस १३:२२; प्रस्‍थान ३३:२०

न्‍यायाधीस 6:24

मिनु गिदोनमी परमप्रभु यावे कली चढ़ेतीक का सेला बाक्‍त। मिनु आ नें “परमप्रभु यावे थुं नाइक्‍चा गेब बाक्‍ब” दे नें वोदा बाक्‍त। मेको चढ़ेतीक मुलाक्‍त सम्‍म अबीएजेर आ मुर आन ओफ्रा सहरम बाक्‍ब।