न्‍यायाधीस 6:22 - Sunuwar Bible

²² मिनु गिदोनमी “थमा पा परमप्रभु यावे आ स्‍वर्ग ङा गेय पाइब बाक्‍माक्‍त” दे तुइक्‍ता बाक्‍त। मिनु “परमप्रभु, परमप्रभु यावे, आं कली वारच पाइय्‍यीनी। मुलाक्‍त परमप्रभु यावे आ स्‍वर्ग ङा गेय पाइब कली आं नेक्‍थान ताता” देंमाक्‍त। न्‍यायाधीस १३:२२; प्रस्‍थान ३३:२०

न्‍यायाधीस 6:22 ပူးပေါင်းရင်းမြစ်များ

उत्पत्ती 16:13

मिनु हागारमी आ नु लोव़ पाइब परमप्रभु यावे कली “गे आं कली ताइब परमप्रभु ननी। गो थमा पा आं कली ताइब कली ताता” देंमाक्‍त। उत्‍पत्ती २२:१४; प्रस्‍थान ३:७; २राजा १३:४

उत्पत्ती 32:30

मिनु याकूबमी “गो परमप्रभु आ कुल तशा यो मबेक्‍ङ” दे मेको बाक्‍तीके आ नें पेनीएल वोदा बाक्‍त। प्रस्‍थान ३३:२०

उत्पत्ती 32:31

मिनु नां दाप्‍‍मेनु, याकूब पेनुएल रे खोङ चेङ पा गाक्‍माक्‍त।

प्रस्‍थान 33:20

मिनु मोसा कली “गे आं कुल कोव़ने मचाप्‍नेवे। मारदे हना आं कुल तामेनु, मुर बेक्‍नीमी” दें‍त। प्रस्‍थान २४:११; उत्‍पत्ती ३२:३१; न्‍यायाधीस ६:२२-२३; न्‍यायाधीस १३:२२-२३; यसैया ६:५; यसैया ३३:१४; १तिमोथी ६:१६

यूहन्‍ना 1:18

मुरपुकीमी परमप्रभु यावे कली गेनायो मतामे। तन्‍न परमप्रभु यावे नु बाक्‍ब आ कांइचीक तौमी मुर आन कली परमप्रभु यावे कली तुइक्‍पाइक्‍तु। यूहन्‍ना ६:४६; मत्ती ११:२७

यूहन्‍ना 12:41

मारदे हना यसैयामी येसु ख्रीस्‍त आ छेङछेङ ङा सक्ति ततीके येसु आ पर्बम लोव़ पशा ब्रेक्‍शो बाक्‍त। यसैया ६:१

ब्‍यवस्‍था 5:24

मिनु गेपुकीमी “परमप्रभु यावे, इं परमप्रभुमी इं कली आ ठेयब पतीके नु आ छेङछेङ कोंइताक्‍व। मिनु गोपुकीमी मेको आ सेंदा मी आ दाते रे नेंतक। मुलाक्‍त मार ताइतक देंशा हना, परमप्रभुमी मुर नु लोव़ पाइब। मो हना यो मुर मबेक्‍म, दे ताइतक। ब्‍यवस्‍था ४:१२-१३,३३

ब्‍यवस्‍था 5:26

मिनु सु मुरुम इं खोदेंशो पा ब्रोंइशा बाक्‍ब परमप्रभु आ सेंदा मी आ दाते रे पा नेंशा यो ब्रोंइशो बाक्‍बा?

ब्‍यवस्‍था 5:5

मारदे हना गे मी तशा हिंतीनी, डांडा मङोंइसीनी। गो परमप्रभु यावे आ लोव़ इन कली शेंचा, दे परमप्रभु यावे नु इन दातेम, राप्‍शो बाक्‍ती” देंत।

न्‍यायाधीस 6:23

मिनु परमप्रभु यावेमी “इ थुं नाइक्‍तो। महिनो। मारदे हना मबेक्‍नेवे” देंमाक्‍त।