न्‍यायाधीस 6:21 - Sunuwar Bible

²¹ मिनु नोले परमप्रभु यावे आ स्‍वर्ग ङा गेय पाइबमी मेको श्‍ये नु शोब्‍ले कली आ गुइम बाक्‍शो कोक्‍केमी थिवा बाक्‍त। मिनु मेको फुल्‍लु रे पा मी ग्रूशा, मेको श्‍ये नु बोरब ओख्‍ती मसुप्‍शो शोब्‍ले नेल्‍ल नेक्‍गा बाक्‍त। मिनु परमप्रभु यावे आ स्‍वर्ग ङा गेय पाइब यो लमाक्‍त। लेवी ९:१४

न्‍यायाधीस 6:21 ပူးပေါင်းရင်းမြစ်များ

१ राजा 18:38

मिनु इर रे परमप्रभु यावे आ मी यिशा चोशा चढ़ेतीके, चोशा चढ़ेतीक ङा शी, फुल्‍लु नु खप नेल्‍ल नेक्‍गा बाक्‍त। मिनु मेको कुला ङा ब्‍वाक्‍कु यो सोव़माक्‍त। लेवी ९:२४

१ इतिहास 21:26

मिनु दाऊदम मेकेर परमप्रभु यावे कली चढ़ेतीक का सेला बाक्‍त। मिनु चोशा चढ़ेतीक नु दुशा बाक्‍चा आ पर्बम चढ़ेतीक चढ़ेवा बाक्‍त। मिनु परमप्रभु यावे आ नें थिशा पुना बाक्‍त। परमप्रभु यावेमी सरीङ रे चोशा चढ़ेतीके तारी मी तोक्‍शा लोव़ लेत्‍ता बाक्‍त। १राजा १८:२४

२ इतिहास 7:1

मिनु सोलोमनम मेको पुंइने थुमा नोले सरीङ रे मी यिमाक्‍त। मिनु मेको मीम चोशा चढ़ेशो नु अरु चढ़ेशो नेल्‍ल नेक्‍गा बाक्‍त। मिनु परमप्रभु यावे आ छेङछेङम आ खिं कली ब्रीमाक्‍त। लेवी ९:२४; १राजा १८:३८; प्रस्‍थान ४०:३४

यसैया 38:7

परमप्रभु यावेमी आ देंशो पाइब दे इ कली आ गेशो चिन्‍ड मार बाक्‍ब देंशा हना,

लेवी 9:24

मिनु परमप्रभु यावे आ ङोंइती रे मी ग्रूशा, चढ़ेतीकेम बाक्‍शो चोशा चढ़ेतीक नु मेक बाक्‍शो बोंसो नेक्‍तु। मिनु मुरपुकीमी मेको तशा, ठेयब सेंदा पा ग्‍येरसीशा, खुम्‍की पा बाप्‍तेक्‍म। न्‍यायाधीस ६:२१; १राजा १८:३८; १इतिहास २१:२६; २इतिहास ७:१

न्‍यायाधीस 13:19

मिनु मानोआहमी अन्‍न नु पाठा लाइश्‍शा, फुल्‍लु तारी छक लाक्‍चा ङा गेय पाइब परमप्रभु यावे कली चढ़ेवा बाक्‍त। न्‍यायाधीस ६:२१

न्‍यायाधीस 13:20

मिनु मेको चढ़ेतीक रे मी ग्रूशा, सरीङ गे लमेनु, परमप्रभु यावे आ स्‍वर्ग ङा गेय पाइब मेको मी नु सरीङ गे लमाक्‍त। मानोआह नु आ मीश कोव़स ङा कोव़स बाक्‍शा, सेउ पाम्‍से बाक्‍त।

न्‍यायाधीस 6:20

मिनु परमप्रभु आ स्‍वर्ग ङा गेय पाइबमी “मेको श्‍ये नु बोरब ओख्‍ती मसुप्‍शो शोब्‍ले एको फुल्‍लु तारी वोतो। आ शेक्‍क चहिं आ तार मोतो” देंमाक्‍त। मिनु मोदेंशोन पवा बाक्‍त।