न्‍यायाधीस 6:2 - Sunuwar Bible

² मिनु मिदयान ङा मुरपुकीमी इस्राएली आन कली शुश दिप्‍शा, सक्ति पाइश्‍शो दुम्‍मा बाक्‍त। मोपतीके इस्राएलीपुकी पहाड ङा पुक्‍खी, रोंगु इर लशा, आन ख्रुइश्‍शा बाक्‍तीक सेल्‍मे बाक्‍त।

न्‍यायाधीस 6:2 ပူးပေါင်းရင်းမြစ်များ

अय्‍युब 30:6

मेकोपुकी सोव़शो खोलामी, पुक्‍खी आगा नु ब्रोल्‍शो सेरथे फुल्‍लु मेर बाक्‍तेक्‍म।

येरमीया 41:9

मेको इनारम इश्‍माएलमी मुर आन कली साइश्‍शा ताइश्‍शो बाक्‍त। मेको इनार पिप आसाम इस्राएल ङा पिप बाशा क्‍येङा हिंशा ब्रोंइचा कली दोशो बाक्‍त। नेथन्‍याह आ तौ इश्‍माएलमी मेको इनार आ साइश्‍शो मुरपुकीम प्रिंताक्‍व। १राजा १५:१६-२४

येरमीया 48:28

मोआबम बाक्‍बपुकी, इन सहर प्रोंइशा, फुल्‍लु मेर लशा बाक्‍कीन। रोंगु ङा ढोडोङगा आ शोव़म ग्‍योव़ सेल्‍ब ढुकुर खोदेंशो दुमीन।

लेवी 26:17

गो इन कली मरिम्‍शो पाइक्‍नुङ। गे इन जोरी सत्रु रे ब्रुइनीनी। इन जोरी सत्रु इन कली हुकुम पाइब दुम्‍नीम। मिनु सुइमी इन कली खेदा मपाम्‍तेक्‍म हना यो, गेपुकी प्रोक्‍नीनी।

हिब्रू 11:38

तेइ बाक्‍चा मतथु, जचा फेक्‍चा मतथु, भेडा नु क्‍यारश आन कुशुल फेक्‍शा, एर ओंथ हिरना हिरन गोरशो रागी रोंगुमी प्रोक्‍शा, पुक्‍खीमी ख्रुइक्‍ना ख्रुइक्‍न बाक्‍मा बाक्‍त। मोपा श्‍येत जाइब आन कली एको रागीमी बाक्‍शा ब्रोंइचा मगारब। मारदे हना रिम्‍शो मुर बाक्‍नीम। एको रागी चहिं मरिम्‍शो बाक्‍ब।

प्रकाश 6:15

मेना रागी ङा पिपपुकी नु ठेयब मुरपुकी, फौज ङा कप्‍तानपुकी, शोंप पाइश्‍शो नु बोल्‍यो मुरपुकी, वाइलीम वाइल नु मुर नेल्‍ल पहाड ङा सेरथे फुल्‍लु नु पुक्‍खीमी ख्रुंइ‍साक्‍म। यसैया २:१०,१९

न्‍यायाधीस 10:8

मेको बर्समी मेकोपुकीमी इस्राएली आन कली थाम्‍पा श्‍येत गेशा, साप्‍पा दिप्‍मे बाक्‍त। मिनु यर्दन खोला आ आइक्‍ची हांबु, पूर्ब गे गिलाद माइश्‍शो एमोरी आन रागीमी बाक्‍ब इस्राएली आन कली १८ बर्स सम्‍म थाम्‍पा श्‍येत गेशा दिप्‍मे बाक्‍त।

न्‍यायाधीस 10:9

अम्‍मोनीपुकीमी ओंथ हाम ला ममाइ, यर्दन आइक्‍ची हांबु यो शोक्‍शा, यहूदा आ थर, बेन्‍यामीन आ थर नु एफ्राइम आ थर ङा मुर आन कली लडाइ तोव़मे बाक्‍त। मिनु इस्राएलीपुकीमी शुश श्‍येत जामे बाक्‍त।

न्‍यायाधीस 6:3

इस्राएलीपुकीमी वांचेर शोक्‍गमे चोटीन मिदयान ङा मुरपुकी, अमालेक ङा मुरपुकी नु पूर्ब ङा मुरपुकी जाक्‍शा, इस्राएलीपुकी नु लडाइ पाइबाक्‍मा बाक्‍त। ब्‍यवस्‍था २८:३३

१ सामुएल 13:6

मिनु इस्राएलीपुकीमी थम श्‍येत जामे बाक्‍त। मारदे हना लडाइ पाइबपुकी थाम्‍पा आइक्‍च सेल्‍चा पुंइसमा बाक्‍त। मोपतीके मेकोपुकी पुक्‍खी, काक्‍पे, सेरथे फुल्‍लु आन दातेम, बेक्‍शो मुर वोइक्‍तीके नु इनार आगाम ख्रुंइसमा बाक्‍त।

१ सामुएल 14:11

मोपतीके मेको निक्‍शी पलिस्‍ती आन कली तपांइससा बाक्‍त। मिनु पलिस्‍तीपुकीम “कोव़ङीन। हिब्रू आन ख्रुइक्‍तीक पोव़ला रे ग्रूमा बाक्‍त” देंमुमा बाक्‍त।