न्‍यायाधीस 6:15 - Sunuwar Bible

¹⁵ मिनु गिदोनमी “हजुर, गो दोपा इस्राएली आन कली प्रोंइने चाप्‍नुङा? आं खिं मनस्‍से आ थरमी नेल्‍ल क्‍येङा आइक्‍च बाक्‍ब। मिनु गो आं आफ आ खिंमी यो नेल्‍ल क्‍येङा आइक्‍च मुर बाक्‍नुङ” देंमाक्‍त।

न्‍यायाधीस 6:15 ပူးပေါင်းရင်းမြစ်များ

१ सामुएल 9:21

मिनु सावलमी “गो इस्राएली आन नेल्‍ल क्‍येङा आइक्‍च बेन्‍यामीन आ थर ङा मुर का नङ। मिनु आं खिं बेन्‍यामीन आ थर ङा नेल्‍ल क्‍येङा आइक्‍च बाक्‍ब। मिनु गे मारदे आं कली एको लोव़ देंनी?” दे हिल्‍लो पवा बाक्‍त। १सामुएल १५:१७

प्रस्‍थान 3:11

मिनु मोसामी परमप्रभु यावे कली “गो दोपा मो पने चाप्‍नुङा? फाराओ आ बाक्‍तीकेमी लशा, इस्राएल जात ङा मुर आन कली इजीप्‍त रागी रे दोपा ग्रुंइने चाप्‍नुङा?” दे परमप्रभु कली देंत। प्रस्‍थान ४:१०; उत्‍पत्ती ३२:११; २सामुएल ७:१८; यसैया ६:५,८; येरमीया १:६

प्रस्‍थान 4:10

मिनु मोसामी परमप्रभु यावे कली “आं परमप्रभु, गो लोव़ पस मजोक्‍नुङ। गे, मुल इन गेय पाइब नु लोव़ पनीनु यो, आं कली लोव़ पचा मपी। गो थांइशो लें पाइश्‍शो मुर बाक्‍नुङ” देंत। प्रस्‍थान ३:११; प्रस्‍थान ६:१२-३०

येरमीया 1:6

मिनु गो “परमप्रभु, परमप्रभु यावे, गो दोपा ब्‍वाक्‍चा माल्‍नुङा, मजोक्‍नुङ। गो आलन बाक्‍नुङ” देंती। प्रस्‍थान ४:१०; यसैया ६:५-७

एफिसी 3:8

गो परमप्रभु यावे आ मुर नेल्‍ल आन क्‍येङा आइक्‍च बाक्‍नुङ। मिनु परमप्रभु यावेमी आ शिशी रे आं कली “अर्को रागी ङा मुर आन कली ख्रीस्‍त आ शिशी गिश ठेयब बाक्‍बा तुइक्‍पाइक्‍मी” दे शेंब सेल्‍ती। १कोरिन्‍थी १५:९-१०; गलाती १:१६; एफिसी १:७

१ कोरिन्‍थी 15:9

मारदे हना गो सोइश्‍शो आन दातेमी नेल्‍ल क्‍येङा आइक्‍च बाक्‍नुङ। आं कली सोइश्‍शो देंचा मशिरचा ङा बाक्‍नुङ। मारदे हना गो परमप्रभु यावे कली थमा सुइक्‍ब आन कली खेदा पाता। एफिसी ३:८; प्रेरित ८:३

लूका 1:34

मरीयममी मेको लोव़ नेंशा “गो मुल सम्‍म ग्‍युंबे मपशो बाक्‍नुङ। गो वोंइश मुर नु मइम्‍ङ। इन देंशो दोपा दुम्‍ने चाप्‍बा ङा?” दे हिल्‍लो पवानु

मीका 5:2

तन्‍न गे बेथलेहेम एफ्राथाह, गे यहूदा ङा सहर आन दाते ङा आइक्‍च बाक्‍ते हना यो, इ रे पा आं पा ङा इस्राएल कली हुकुम पाइब का जाक्‍ब। मेको साइ ङोंइती रेन बाक्‍शो बाक्‍त। यसैया ४:१७; यसैया ११:१२

येरमीया 50:45

मोपतीके परमप्रभु यावेम बेबीलोन आ पर्बम पचा चिक्‍शो गेय नु कल्‍दी रागी ङा मुर आन पर्बम मिम्‍शो दोदेंशो बाक्‍बा, मेको नेनीन। थमा पा लाइक्‍चा पुंइसीनीम। बेबीलोन ङा प्रुङग मुर आन कली यो कीशा लाइक्‍चा पुंइसीनीम। मेको आन बाक्‍तीक मेको तशा हिंब।

१ सामुएल 18:23

सावल आ मुरपुकीम दाऊद कली मोदेंशो लोव़ पामेनु, दाऊदम मेको आन कली “गेपुकीम पिप आ तमी नु ग्‍युं‍बे पचा आइक्‍च लोव़ मिम्‍तीनी? आं खोदेंशो मारेइ मथीब मुरुम ओदेंशो पने चाप्‍नुङा?” दे माइक्‍मी बाक्‍त।

उत्पत्ती 32:10

गो, इन गेय पाइब आं कली पशो गेना हना यो दाक्‍तीक नु इन रिम्‍शो पचा मप्रोंइतीके मशिरनुङ। गो कोक्‍के का ला कुरशा, यर्दन खोला शोक्‍शा लशो नङ। मुल आं के हुल निक्‍शी दुम्‍शो बाक्‍नीम। २सामुएल ७:१८

न्‍यायाधीस 6:11

मिनु परमप्रभु यावे आ स्‍वर्ग ङा गेय पाइब जाक्‍शा, ओफ्रा सहर आ नेक्‍था बाक्‍शो ठेयब रवा आ पुंम निस्‍से बाक्‍त। मेको रू अबीएजेर आ मुर योआश आ रू बाक्‍माक्‍त। योआश आ तौ गिदोन चहिं मिदयान ङा मुरपुकी रे ख्रुइक्‍चा कली अङगुर ख्राक्‍तीकेमी चेरब तुम्‍‍ना तुम्‍‍न बाक्‍मा बाक्‍त। यहोसु १७:२