न्‍यायाधीस 6:13 - Sunuwar Bible

¹³ मिनु गिदोनमी मेको कली “हजुर, परमप्रभु यावे गोपुकी नु बाक्‍त हना, आंइ कली मारदे ओदेंशो दुम्‍मे? मिनु मेको आ छक लाक्‍चा ङा गेय नेल्‍ले ते बाक्‍नीमी? आंइ किकी पिपीपुकीमी ‘परमप्रभु यावेमी आंइ कली इजीप्‍त रागी रे ग्रुंइशा पिश्‍शो’ दे मदेंमा ङा? तन्‍न मुल परमप्रभु यावेमी आंइ कली प्रोंइतु। मिनु आंइ कली मिदयान ङा मुर आन गुइमी गेप्‍तु” देंमाक्‍त।

न्‍यायाधीस 6:13 ပူးပေါင်းရင်းမြစ်များ

उत्पत्ती 25:22

मिनु आल निक्‍शी आ कोव़जम राम्‍शी पाम्‍से बाक्‍त। मिनु रेबेकामी “मुल ओदेंशो दुम्‍ती हना, मार दुम ङा? दोपा ब्रोंइनुङा ङा?” दे मिम्‍ता बाक्‍त। मिनु परमप्रभु यावे कली “मार दुम्‍नुङा?” दे हिल्‍लो पवा बाक्‍त।

२ इतिहास 15:2

मिनु मेको आसा कली ग्रुम्‍थ लशा, मेको कली “आसा, यहूदा ङा मुर नु बेन्‍यामीन ङा मुर नेल्‍ले, आं लोव़ नेनीन। परमप्रभु यावे गे नु बाक्‍ब। मेको गे नु बाक्‍ब। गेपुकीम मेको कली माल्‍तीनी हना, गे थित्‍नीनी। तन्‍न गेपुकीमी मेको कली प्रोंइतीनी हना, मेकोमी यो इन कली प्रोंइब।

भजन संग्रह 27:9

इन कुल आं क्‍येङा मख्रुइक्‍तीन। इन गाइक्‍तीकेमी इन गेय पाइब, आं कली, मतिल्‍यीनी। गे आं कली वारच पाइब बाक्‍नीनी। गो नु बाक्‍शा, मप्रोंइयीनी। गे आं कली श्‍येत रे प्रोंइब बाक्‍नीनी।

भजन संग्रह 44:1

परमप्रभु, साइ आंइ किकी पिपीमी आन पालामी पशो इन गेय नेल्‍ल आंइ कली शेंताक्‍म। मिनु गो मेको नेल्‍ल नेंतक। ब्‍यवस्‍था ६:२०-२५

भजन संग्रह 44:2

गे रागी रागी ङा मुर आन कली खेरशा, आंइ किकी पिपी आन कली बाक्‍पाइश्‍शो बाक्‍तीनी। गे मेको मुर आन कली क्‍याम्‍शा, आंइ किकी पिपी आन कली सोशा बोशा ब्रपाइश्‍शो बाक्‍तीनी। मोपा मेको आन कली प्रोंइशो बाक्‍तीनी।

भजन संग्रह 44:9

तन्‍न गे आंइ कली प्रोंइशा, श्‍येत जपाइक्‍तीनी। मिनु गे आंइ लडाइ पाइब नु मलनी।

भजन संग्रह 89:49

परमप्रभु यावे, इन साइ ङा गेना हना यो दाक्‍तीके ते लाक्‍गा? गे दाऊद कली कसम जशा, इन दाक्‍शा मप्रोंइतीकेमी लोव़ पाइतीनी।

यसैया 41:17

मेकोमी लेंशा “प्रुङग नु क्‍येट मथीबम ब्‍वाक्‍कु माल्‍नीम। तन्‍न मथित्‍नीम। मेकोपुकी तूतू दाक्‍शा, आन लाकचा सोव़ब। गो, परमप्रभु यावेमी, मेको आन लोव़ नेंनुङ। मिनु गो, इस्राएली आन परमप्रभुमी मेको आन कली मप्रोंइथु, मेको नु बाक्‍नुङ।

यसैया 63:11

मिनु नोले मेकोपुकीमी साइ ङोंइती ङा नाक्‍ती मिम्‍ताक्‍म। मेको आ गेय पाइब मोसा आ पाला ना ङा नाक्‍ती मिम्‍ताक्‍म। मिनु मेकोपुकीमी “समुन्‍द्र रे पा गोठला नु आ बगाल ग्रुंइब ते बाक्‍म? मेको आन कली परमप्रभु यावे आ सोक्‍त वोइक्‍ब, ते बाक्‍मे? प्रस्‍थान २:५; गन्‍ती ११:१७

यसैया 63:15

सरीङ ङा इन छेङछेङ ङा बाक्‍तीके रे उइ कोव़ङीन। इन वारच पचा दाक्‍तीके नु इन सक्ति ते बाक्‍मे? इन थुं ङा आंइ कली दाक्‍तीके नु इन शिशी पतीके ते बाक्‍म? गो मेको मतक। ब्‍यवस्‍था २६:१५

येरमीया 23:33

मिनु मुर का, आं लोव़ पाइब का कि चढ़ेब काम इ कली “परमप्रभु यावे आ देंशो श्‍येत लोव़ मार बाक्‍बा?” दे इ कली हिल्‍लो पाप्‍तु हना, गे मेको कली “मेको श्‍येत गे बाक्‍नीनी” देनो। मिनु परमप्रभु यावेमी “गो इन कली ताइक्‍नन्‍नी, देंत, माइक्‍मी” देंत। २राजा ९:५५; यसैया १३:१

रोमी 8:31

मुल मार देंनुङ देंशा हना, परमप्रभु यावे गोपुकी नु बाक्‍त हना, सुइमी इं कली मारेइ पने चाप्‍नीमी ङा? सुइमी मारेइ पने मचाप्‍नीम। भजन संग्रह ११८:६

ब्‍यवस्‍था 29:24

मिनु रागी रागी ङा मुर नेल्‍लेमी ‘परमप्रभु यावेमी एको रागी कली मारदे ओदेंशो सेला? एको आ पर्बम मारदे मोदेंशो शुश चुरशा गाइक्‍ता?’ दे हिल्‍लो पाइनीम।

ब्‍यवस्‍था 31:17

मिनु गो मेको नाक्‍त मेको आन पर्बम शुश गाइक्‍नुङ। मिनु गो मेको आन कली प्रोंइशा, मेको आन कली वारच मपाइ‍नुङ। मेकोपुकी रोइक्‍चा पुंइसीनीम। मिनु मेकोपुकीमी शुश मरिम्‍शो दुम्‍शा, ठेयब श्‍येत जाइनीम। मिनु मेको नाक्‍त मेकोपुकीमी ‘इं परमप्रभु गोपुकी नु मबाक्‍तीके इं कली मोदेंशो दुम्‍शो बाक्‍ब’ देंनीम।

न्‍यायाधीस 6:1

मिनु इस्राएलीपुकीमी लेंशा परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मोपतीके परमप्रभु यावेमी मेको आन कली ७ बर्स कली मिदयान ङा मुर आन गुइमी गेवा बाक्‍त।

न्‍यायाधीस 6:12

मिनु परमप्रभु यावे आ स्‍वर्ग ङा गेय पाइब मेको आ ङोंइती ग्रूशा मेको कली “गे महिंथु लडाइ पाइब मुर, परमप्रभु यावे गे नु बाक्‍ब” देंमाक्‍त।