न्‍यायाधीस 6:12 - Sunuwar Bible

¹² मिनु परमप्रभु यावे आ स्‍वर्ग ङा गेय पाइब मेको आ ङोंइती ग्रूशा मेको कली “गे महिंथु लडाइ पाइब मुर, परमप्रभु यावे गे नु बाक्‍ब” देंमाक्‍त।

न्‍यायाधीस 6:12 ပူးပေါင်းရင်းမြစ်များ

प्रस्‍थान 3:12

मिनु परमप्रभुमी “गो थमा पा, गे नु बाक्‍नुङ। इ कली सोइक्‍ब गो नङ, दे चिन्‍ड का कोंइनन। मेको चिन्‍ड मार बाक्‍त देंशा हना, गे इस्राएल जात ङा मुर आन कली इजीप्‍त रागी रे ग्रुंइशा नोले एको परमप्रभु आ डांडामी आं कली ठेयब सेल्‍नीनी” दे माइक्‍तु। येरमीया १:८

मत्ती 1:23

“नेनीने, कन्‍ने मीश आलमी कोव़ज कुरशा, तौ का थीब। मेको आल आ नें इम्‍मानुएल वोइक्‍नीम। इम्‍मानुएल देंशो ‘परमप्रभु यावे गोपुकी नु बाक्‍शो बाक्‍ब’ दे रुम्‍सीब” दे ब्रेक्‍शो बाक्‍ब। यसैया ७:१४

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

लूका 1:11

मिनु आगामी चहिं मार दुम्‍माक्‍त देंशा हना, परमप्रभु आ स्‍वर्ग ङा गेय पाइब का फो ग्रूशा, धूप चोतीके आ ग्‍युरा गे राप्‍शा, जकरिया कली तपांइसे बाक्‍त।

लूका 1:28

गाब्रीएल मरीयम आ बाक्‍तीके जाक्‍शा, मरीयम कली “परमप्रभु गे नु बाक्‍ब। इ कली दाक्‍शा, आसीक गेते” दे सेउ पवा बाक्‍त।

ब्‍यवस्‍था 20:1

मिनु मोसामी “गेपुकी लडाइ पथ लनीनु, शारा नु बग्‍गीपुकी तशा, इन जोरी सत्रु इन क्‍येङा शुश बाक्‍तेक्‍म हना, महिनीन। मारदे हना परमप्रभु यावे, इन कली इजीप्‍त रे ग्रुंइब इन परमप्रभु गेपुकी नु बाक्‍ब।

यहोसु 1:5

गे मबेक्‍ङे सम्‍म इ कली सुइमी यो फ्रुने मचाप्‍नीम। गो दोपा मोसा नु बाक्‍ङा, मोपा गे नु यो बाक्‍नुङ। गो इ कली गेना हना यो कोव़नुङ। मिनु गेनायो मप्रोंइनुङ। ब्‍यवस्‍था ३१:७,८; हिब्रू १३:५

यहोसु 1:9

गो इ कली ‘बोल्‍यो नु महिंब दुमो’ देंती। इ थुं लुक्‍च मलल। गे गेनायो हिंशा ख्रिंख्रि मपावो। मारदे हना गे ते लते हना यो, गो, परमप्रभु यावे, इ परमप्रभु, गे नु बाक्‍नुङ” दे परमप्रभु यावेमी यहोसु कली देंत।

न्‍यायाधीस 11:1

गिलाद सहर ङा येफ्‍ता ठेयब नु बोल्‍यो लडाइ पाइब मुर बाक्‍माक्‍त। मेको गिलाद आ तौ तेल्‍लेम रे पा थिशो बाक्‍माक्‍त।

न्‍यायाधीस 13:3

मिनु परमप्रभु यावे आ स्‍वर्ग ङा गेय पाइब मेको मीश मुर आ ङोंइती ग्रूशा, मेको कली “गे आल मथीब बाक्‍नेवे। तन्‍न मुल गे कोव़ज कुरशा तौ थीनेवे। उत्‍पत्ती १५:२; उत्‍पत्ती २५:२१; उत्‍पत्ती २९:३१

न्‍यायाधीस 2:18

गेना परमप्रभु यावेमी मेको आन कली निसाफ पाइब सोइक्‍ता, मेना परमप्रभु यावे मेको नु बाक्‍माक्‍त। मेको निसाफ पाइब मबेक्‍म सम्‍म आन जोरी सत्रु रे प्रोंइशा वोदा बाक्‍त। मारदे हना परमप्रभु यावेमी आन जोरी सत्रु रे श्‍येत जशो तशा शिशी पवा बाक्‍त।

न्‍यायाधीस 6:11

मिनु परमप्रभु यावे आ स्‍वर्ग ङा गेय पाइब जाक्‍शा, ओफ्रा सहर आ नेक्‍था बाक्‍शो ठेयब रवा आ पुंम निस्‍से बाक्‍त। मेको रू अबीएजेर आ मुर योआश आ रू बाक्‍माक्‍त। योआश आ तौ गिदोन चहिं मिदयान ङा मुरपुकी रे ख्रुइक्‍चा कली अङगुर ख्राक्‍तीकेमी चेरब तुम्‍‍ना तुम्‍‍न बाक्‍मा बाक्‍त। यहोसु १७:२

न्‍यायाधीस 6:13

मिनु गिदोनमी मेको कली “हजुर, परमप्रभु यावे गोपुकी नु बाक्‍त हना, आंइ कली मारदे ओदेंशो दुम्‍मे? मिनु मेको आ छक लाक्‍चा ङा गेय नेल्‍ले ते बाक्‍नीमी? आंइ किकी पिपीपुकीमी ‘परमप्रभु यावेमी आंइ कली इजीप्‍त रागी रे ग्रुंइशा पिश्‍शो’ दे मदेंमा ङा? तन्‍न मुल परमप्रभु यावेमी आंइ कली प्रोंइतु। मिनु आंइ कली मिदयान ङा मुर आन गुइमी गेप्‍तु” देंमाक्‍त।

रूथ 2:4

मेना बोआज बेथलेहेम रे जाक्‍माक्‍त। मिनु मेकोमी रिक्‍ब आन कली “परमप्रभु यावे गेपुकी नु बाक्‍ल” देंमाक्‍त। मिनु रिक्‍बपुकीमी यो “परमप्रभु यावेमी इन कली आसीक गेवल” देंमा बाक्‍त। रूथ १:२

१ सामुएल 10:7

मिनु मोदेंशो चिन्‍ड नेल्‍ल दुम नोले इ ङोंइती मार गेय बाक्‍बा, मेको पावो। मारदे हना परमप्रभु गे नु बाक्‍ब।