न्‍यायाधीस 5:8 - Sunuwar Bible

⁸ इस्राएलीपुकीमी नक देवी देवता आन कली ठेयब सेल्‍चा कली योव़ची ना सहर ङा लाप्‍चोमी लडाइ दुम्‍त। मिनु ४० हजार इस्राएली आन के तेक्‍तीक नु तरवार मबा।

न्‍यायाधीस 5:8 ပူးပေါင်းရင်းမြစ်များ

येरमीया 19:4

मेको मुरपुकीमी आं कली प्रोंइतीमी। मिनु एकेर अर्को रागी ङा देवी देवता आन कली चढ़ेशा, एको रागी ग्रांग्रा दिशो सेल्‍तेक्‍म। मेको देवी देवता आन किकी पिपी नु यहूदा ङा पिपम यो मतुइश्‍शो बाक्‍तेक्‍म। मिनु मेकोपुकीम रागी कली दोस मताइब आन हुशेम प्रिंताक्‍म।

न्‍यायाधीस 2:12

मिनु मेको आन कली इजीप्‍त रागी रे ग्रुंइब, परमप्रभु यावे, आंम किकी पिपी आन परमप्रभु कली प्रोन्‍मे बाक्‍त। मेको आन दातेमी बाक्‍ब जात जात ङा मुर आन देवी देवता आन ङोंइती बाम्‍मा बाक्‍त। मोपा परमप्रभु यावे कली चुरपदमे बाक्‍त।

न्‍यायाधीस 2:17

तन्‍न मेकोपुकीमी निसाफ पाइब आन देंशो लोव़ मनेन्‍मे बाक्‍त। मेकोपुकीमी तेल्‍लेम पशो खोदेंशो पा अरु देवी देवता आन नोले खोदमे बाक्‍त। मेको आन ङोंइती बाम्‍मा बाक्‍त। मेकोपुकी परमप्रभु यावे आ शेंशो लोव़ टीब आन किकी पिपी आन गाक्‍शो लां प्रोंइशा, मटीब दुम्‍मा बाक्‍त।

न्‍यायाधीस 4:3

मिनु लेंशा इस्राएलीपुकीमी परमप्रभु यावे कली “वारच पाइय्‍यीकी” दे थोव़मे बाक्‍त। मारदे हना सीसेरा के ९ सहे फलाम के बग्‍गी बाक्‍तेक्म। मिनु इस्राएली आन कली २० बर्स सम्‍म शुश श्‍येत गेशा, दिप्‍शा वोइश्‍शो बाक्‍माक्‍त।

न्‍यायाधीस 5:11

मिनु ब्‍वाक्‍कु बुक्‍तीकेमी बाजा ताप्‍शा ‘परमप्रभु यावे आ ग्रातीक ठेयब बाक्‍ब’ दे लेंशा कुम्‍सो पाइनीम। ‘मिनु इस्राएल ङा बोल्‍यो मुर आन ग्राशो आ पर्बम कुम्‍सो पाइनीम। मिनु परमप्रभु यावेमी रूम शोक्‍ब आन कली ग्रापाइक्‍तु’ दे कुम्‍सो पाइनीम। मिनु परमप्रभु यावे आ मुरपुकी उइ सहर ङा ठेयब लाप्‍चोमी लाम्‍तेक्‍म।

न्‍यायाधीस 5:7

मिनु इस्राएलीपुकीमी आन रूमी शोक्‍ने खुप्‍ने मचबेम। देबोरा, गे मेको आन दातेमी मजाक्‍ङे सम्‍म मारेइ पने मचबेम। गे इस्राएली आन ममा खोदेंशो पा जाक्‍ते।