न्‍यायाधीस 4:11 - Sunuwar Bible

¹¹ मिनु केनी ङा मुर, मोसा आ शिउ होबाब आ चच युइ बाक्‍मा बाक्‍त। केनी हेबेर चहिं केनी आन दाते रे ब्राशो बाक्‍माक्‍त। मोपा ब्राशा, केदेश सहर आ नेक्‍था एलोन-बे-सा-अना‍नीममी बाक्‍शो ठेयब रवा आ नेक्‍था जाक्‍दीश्‍शा, आ ताम्‍बु कीशा बाक्‍शो बाक्‍माक्‍त। न्‍यायाधीस १:१६; गन्‍ती १०:२९

न्‍यायाधीस 4:11 ပူးပေါင်းရင်းမြစ်များ

प्रस्‍थान 18:1

मिनु मिदयान रागी ङा नाक्‍सो मोसा आ शिउ यित्रोमी परमप्रभुमी मोसा नु इस्राएली आन पर्बम मार मार पवा नु परमप्रभु यावेमी मेको आन कली इजीप्‍त रागी रे दोपा ग्रुंइदा, मेको नेल्‍ल नेना बाक्‍त। प्रस्‍थान ३:१

प्रस्‍थान 2:18

मिनु मेको आन आफ रूएल आ खिं जाक्‍दीम्‍मानु, मेकोमी आ तमी आन कली “मुलाक्‍ती गे दोपा रीब पा जाक्‍नी?” दे हिल्‍लो पवा बाक्‍त।

प्रस्‍थान 3:1

मेना मोसा आ शिउ आ क्‍यारश भेडा योव़थ ल‍त। आ शिउ रूएल आ नें यित्रो यो बाक्‍माक्‍त। यित्रो चहिं मिदयान रागी ङा नाक्‍सो का बाक्‍माक्‍त। मोसामी क्‍यारश भेडा आन कली गोरशो रागी ङा नां पेरतीके गे योव़तु। मोपा योव़ना योव़न, होरेब माइश्‍शो परमप्रभु आ डांडा आ नेक्‍था जाक्‍दीत्‍‍त। प्रेरित ७:३०-३४

गन्‍ती 10:29

मिनु मोसामी मिदयान ङा रूएल आ तौ होबाब, आ रिउ कली “परमप्रभु यावेमी आंइ कली गेशो रागी लना लन बाक्‍नीकी। गे यो गोपुकी नु पिने। गो इन कली रिम्‍शो पाइक्‍नीकी। मारदे हना परमप्रभु यावेमी ‘इस्राएली आन कली रिम्‍शो पाइनुङ’ देंत” दे मोसामी देंत। प्रस्‍थान २:१८; प्रस्‍थान १८:१; न्‍यायाधीस १:१६; न्‍यायाधीस ४:११

गन्‍ती 10:32

गे गोपुकी नु गाक्‍तीनी हना, परमप्रभु यावेमी आंइ कली मार मार रिम्‍शो पाइबा, गो मेको खोदेंशो पा इन कली पाइनीकी” देंत।

गन्‍ती 24:21

मिनु नोले मेकोमी केनी ङा मुर आन कली कोव़शा “इन बाक्‍तीक रागी बोल्‍यो बाक्‍ब। इन बाक्‍तीक सेरथे फुल्‍लुमी सेल्‍शो ग्‍योव़ खोदेंशो बाक्‍ब। १सामुएल १५:६

यहोसु 19:33

मेको आन सांद हेलेफ, सा-अनानीममी बाक्‍शो ठेयब रवा, अदामी-नेकेब लाक्‍शा, यब्‍नेल रे लक्‍कुम सम्‍म लशा, यर्दनमी नुप्‍शो बाक्‍त।

यहोसु 19:37

केदेश, एद्रेइ, एन-हासोर

न्‍यायाधीस 1:16

मोसा आ शिउ आ खिं ङा होबाब आ चच युइ, केनीपुकी नु यहूदा ङा मुरपुकी खजूर रवा आ सहर रे पा आराद सहर आ नेक्‍था ङा नेगेबमी बाक्‍शो यहूदा ङा गोरशो रागीमी लमा बाक्‍त। मिनु मेकेर बाक्‍ब अमालेक ङा मुरपुकी नु बाक्‍चा गोव़मे बाक्‍त। न्‍यायाधीस ४:११; गन्‍ती १०:२९; यहोसु १२:१४

न्‍यायाधीस 4:12

मिनु सीसेरामी अबीनोअम आ तौ बाराक ताबोर डांडामी लशो बाक्‍ब देंशो नेना बाक्‍त।

न्‍यायाधीस 4:6

मेकोमी अबीनोअम आ तौ बाराक कली नाप्‍ताली ङा केदेश सहर रे ब्रेत्‍थ सोइक्‍ता बाक्‍त। मिनु मेको कली परमप्रभु यावे, इस्राएली आन परमप्रभुम इ कली “गे लशा, नाप्‍ताली नु जबूलून आस थर ङा १० हजार मुर आन कली योव़शा, मेको आन कली ताबोर डांडामी पिश्‍शा पिवो। यहोसु २१:३२

१ सामुएल 15:6

मेना सावलम केनी ङा मुर आन कली “अमालेकी आन कली प्रोंइशा उइ यिने, दे लोव़ सोइक्‍ता बाक्‍त। मो मपाइतीनी हना, गो इन कली नु मेको आन कली खतम पोक्‍नुङ। मारदे हना इस्राएली इजीप्‍त रे ग्रूशा पिमानु, गेपुकीमी वारच पाइश्‍शो ननी” देंमाक्‍त। मोपतीके केनी ङा मुरपुकी अमालेकी आन कली प्रोंइशा, उइ ब्रुम्‍मा बाक्‍त। न्‍यायाधीस १:१६

१ सामुएल 27:10

मिनु अकीशमी मेको कली “मुलाक्‍त गे ते रोइक्‍तीनी” दे हिल्‍लो पाइ‍क्‍बाक्‍माक्‍त। मिनु मेकोमी “यहूदा रागी ङा नेगेब, येराहमेल आ मुर आन नेगेब नु केनी आन नेगेबम रोइक्‍ताक्‍क” देंबाक्‍माक्‍त।