न्‍यायाधीस 3:8 - Sunuwar Bible

⁸ मिनु परमप्रभु यावेमी इस्राएली आन कली तशा गाइक्‍ता बाक्‍त। मिनु मेसोपोटामीया ङा अराम-नहाराइम ङा पिप कुशन-रिशातैम आ गुइमी लेयङा बाक्‍त। मेकोम इस्राएली आन कली ८ बर्स सम्‍म सासन पवा बाक्‍त।

न्‍यायाधीस 3:8 ပူးပေါင်းရင်းမြစ်များ

उत्पत्ती 24:10

मिनु नोले मेको वाइलम आ होव़प आ दलओंठ १० ओटा लाइश्‍शा, आ होव़प के मारेइ मारेइ रिम्‍शो कोसेली कुरशा लमाक्‍त। मेकेर रे लशा, मेसोपोटामीया रागीमी नाहोर आ बाक्‍तीक सहर, अराम-नहराइम मेर जाक्‍दीम्‍माक्‍त। उत्‍पत्ती ११:२२-३१

भजन संग्रह 106:41

मिनु मेकोमी मेको आन कली रागी रागी ङा मुर आन गुइम गेमी बाक्‍त। मिनु मेको आन जोरी सत्रुम मेको आन कली सासन पामे बाक्‍त। न्‍यायाधीस २:१४

भजन संग्रह 129:1

इस्राएलमी “मेकोपुकीमी गो ठिटा बाक्‍ङा रेन आं कली थाम्‍पा श्‍येत गेतीमी” देंत।

भजन संग्रह 44:12

गे इन मुर आन कली मोशा लेयतीनी। मिनु मेको आन कली लेयशा, मारेइ ताक्‍चा थुं मपनी।

भजन संग्रह 6:1

परमप्रभु यावे, गे आं कली तशा गाइक्‍ताक्‍नी हना यो, सजाइ मगेयीनी। गे गाइक्‍ताक्‍नी हना यो, आं कली श्‍येत मगेयीनी। येरमीया १०:२४

भजन संग्रह 85:3

गे इन गाइक्‍चा नेल्‍ल साम्‍तीनी। मिनु चुरचा प्रोंइतीनी।

प्रस्‍थान 22:24

मिनु गो गाइश्‍शा, इन कली तरवारमी साइक्‍नन्‍नी। मिनु इन मीश वोंइश बेक्‍शो मीश दुम्‍ब। इन आलपुकी आफ बेक्‍शो आल दुम्‍नीम।

यसैया 50:1

मिनु परमप्रभु यावेमी “गोम इन ममा कली प्रोंइशा गेशो छोड पत्र ते बाक्‍म? गो तेको आं कली जेर गेब कली इन कली ले‍यन्‍नी? ममाइ, गे इन पापम पतीके लेयसीशो ननी। इन हेंथे पतीकेमी इन ममा प्रोंइचा पुंइसीशो बाक्‍ब। यसैया ५४:६; ब्‍यवस्‍था २४:१; यसैया ५२:३

लेवी 26:17

गो इन कली मरिम्‍शो पाइक्‍नुङ। गे इन जोरी सत्रु रे ब्रुइनीनी। इन जोरी सत्रु इन कली हुकुम पाइब दुम्‍नीम। मिनु सुइमी इन कली खेदा मपाम्‍तेक्‍म हना यो, गेपुकी प्रोक्‍नीनी।

हबकुक 3:7

गो कुशन रागी ङा ताम्‍बुमी बाक्‍ब आन कली श्‍येत जशो ताता। मिदयान ङा ताम्‍बु आन सुम्‍तीके हिम्‍साक्‍म।

रोमी 7:14

गोपुकीमी परमप्रभु यावे आ अरेशो लोव़ सोक्‍त पाइश्‍शो बाक्‍ब, दे तुइक्‍नय। गो चहिं रांम बाक्‍शा पाप आ वाइल बाक्‍ती। यूहन्‍ना ३:६

ब्‍यवस्‍था 29:20

मिनु परमप्रभु यावेमी मोदेंशो मुर आ पाप मक्‍याम्‍ब। परमप्रभु यावे मेको कली तशा, आ गाइक्‍चा नु आ गेहे पतीके मी खोदेंशो पा ब्राइब। मिनु मेको अरेशो लोव़ ङा किताबम ब्रेक्‍शो सराप नेल्‍ल मेको मुर कली राइब। मिनु परमप्रभु यावेमी मेको आ नें रागी रे क्‍याम्‍ब। ब्‍यवस्‍था २८:१५-६८

ब्‍यवस्‍था 32:30

मेको आन सेरथे फुल्‍लुम मेको आन कली लेयने थुम्‍शो बाक्‍ब। परमप्रभु यावेमी मेको आन कली प्रोंइने थुम्‍शो बाक्‍ब। मोपतीके मुर कामी हजार का आन कली खेदा पाप्‍तु। मुर निक्‍शीमी १० हजार आन कली खेदा पने चाप्‍नीसी। लेवी २६:३६-३७; यसैया ३०:१७

न्‍यायाधीस 2:14

मिनु परमप्रभु यावेमी इस्राएली आन पर्बम गाइश्‍शा, मेको आन कली रोइक्‍ब आन गुइमी गेमी बाक्‍त। मिनु मेकोपुकीमी मेको आन मारेइ मारेइ रोइक्‍तमे बाक्‍त। मिनु मेकोमी मेको आन कली आन नेक्‍था बाक्‍ब जोरी सत्रु आन हुकुममी बाक्‍चा गेमे बाक्‍त।। मोपा इस्राएलीपुकीमी आन जोरी सत्रु आन कली ग्राने मचाप्‍बमे बाक्‍त।

न्‍यायाधीस 2:20

मोपतीके परमप्रभु यावे इस्राएलीपुकी नु गाइक्‍ता बाक्‍त। मिनु “गो मेको आन किकी पिपी आन कली देंशो नु कबल पशो एकोपुकीमी खतम सेल्‍तेक्‍म। आं देंशो लोव़ मटितीके

न्‍यायाधीस 3:10

परमप्रभु यावे आ सोक्‍त मेको तार जाक्‍माक्‍त। मिनु मेकोमी इस्राएली आन कली निसाफ पवा बाक्‍त। मिनु मेकोमी लडाइ पचा गोवा बाक्‍त। मिनु परमप्रभु यावेमी मेसोपोटामीया ङा पिप कुशन-रिशातैम कली ओथ्‍नीएल आ गुइम गेवा बाक्‍त। मोपा ओथ्‍नीएलमी मेको पिप कली ग्रामाक्‍त। न्‍यायाधीस ६:३४

न्‍यायाधीस 3:7

इस्राएलीपुकीमी परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मेकोपुकीमी परमप्रभु यावे, आन परमप्रभु कली प्रेंद‍मे बाक्‍त। मिनु बाल नु अशेराह देवी आस कली ठेयब सेल्‍मे बाक्‍त।

न्‍यायाधीस 3:9

मिनु इस्राएलीपुकीमी “वारच पाइय्‍यी‍की” दे परमप्रभु यावे कली थोव़मेनु, इस्राएली आन कली प्रोंइचा, दे केनाज आ तौ ओथ्‍नीएल कली सोइक्‍ता बाक्‍त। मेको कालेब आ लोक्‍ब बाक्‍त। मिनु मेकोमी मेको आन कली प्रोना बाक्‍त। न्‍यायाधीस १:१३; यहोसु १५:१७-१८

न्‍यायाधीस 4:9

मिनु देबोरामी “थमा पा, गो गे नु लाइनुङ। तन्‍न एको ठेयब गेय आ ततीक मान गे मताइनेवे। मारदे हना परमप्रभु यावेमी सीसेरा कली मीश मुर का आ गुइमी गेशो बाक्‍ब” देंमाक्‍त। मिनु देबोरा बोक्‍शा ङा मिन बाराक नु केदेश सहरमी लमाक्‍त।

१ सामुएल 12:9

तन्‍न मेकोपुकीमी परमप्रभु यावे, आन परमप्रभु कली प्रेंताक्‍म। मेकोमी मेको आन कली प्रोंइशा, सीसेरा आ गुइमी गेवा बाक्‍त। सीसेरा हासोर ङा पिप याबीन आ नेल्‍ल क्‍येङा सक्ति पाइश्‍शो लडाइ पाइब आन कप्‍तान बाक्‍माक्‍त। परमप्रभुमी मेको आन कली पलिस्‍ती आन गुइमी गेवा बाक्‍त। मिनु मोआब ङा पिप आन गुइमी यो गेवा बाक्‍त। मिनु मेकोपुकी मेको नु लडाइ पना पन बाक्‍मा बाक्‍त। न्‍यायाधीस ४:२; न्‍यायाधीस १०:७; न्‍यायाधीस १३:१; न्‍यायाधीस ३:१२