न्‍यायाधीस 3:3 - Sunuwar Bible

³ मेको तेको तेको जात बाक्‍मा बाक्‍त देंशा हना, ५ जना हुकुम पाइब पलिस्‍ती, कनानी नेल्‍ले, सीदोन ङा मुर नेल्‍ले नु बाल-हेरमोन डांडा रे लाइश्‍शा, लेबानोन ङा पहाडम लेबो-हमाथ सम्‍म बाक्‍ब हिव्‍वीपुकी बाक्‍मा बाक्‍त। यहोसु १३:३

न्‍यायाधीस 3:3 ပူးပေါင်းရင်းမြစ်များ

उत्पत्ती 49:13

जबूलून समुन्‍द्र नु डोंगा वोइक्‍तीकेमी बाक्‍ल। सीदोन सहर सम्‍म आ बाक्‍तीके दुम्‍ल। यहोसु १९:१०-१६

२ सामुएल 24:7

मिनु नोले गारो हिरशो सहर टायर, हिव्‍वी नु कनानी आन सहर नेल्‍ल लमा बाक्‍त। नोले यहूदा ङा नेगेब ङा बेयर-शेबा सहर सम्‍म लमा बाक्‍त।

१ राजा 8:65

मिनु सोलोमन नु मेको नु बुक्‍शा बाक्‍शो इस्राएली लेबो-हमाथ रे इजीप्‍त ङा खोला सम्‍म ङा ठेयब हुल नेल्‍लेमी परमप्रभु यावे, इं परमप्रभु आ ङोंइती मेको नाक्‍त रे ७ नाक्‍त सम्‍म नु अर्को ७ नाक्‍त तेम्‍शा, नेल्‍ल पा १४ नाक्‍त सम्‍म चाड मानेमे बाक्‍त।

१ राजा 9:20

मिनु लीशो एमोरी, हित्ती, परिज्‍जी, हिव्‍वी नु यबुसी चहिं इस्राएली आन थर ङा मुर मबाक्‍मा बाक्‍त।

इजीकीएल 47:20

पच्‍छिम गे ङा सांद ठेयब समुन्‍द्र लेबो-हमाथ आ ङोंइती सम्‍म दुम्‍चा माल्‍ब। मेको पच्‍छिम ङा सांद बाक्‍ब।

गन्‍ती 13:29

मिनु अमालेक आ मुर नेगेब रागीम बाक्‍बाक्‍तेक्‍म। मिनु हित्ती, यबुसी नु एमोरी पहाडम बाक्‍बाक्‍तेक्‍म। मिनु कनानी ठेयब समुन्‍द्र आ नेक्‍था नु यर्दन खोला आ नेक्‍था बाक्‍बाक्‍तेक्‍म” देंतेक्‍म।

गन्‍ती 34:8

मिनु होर डांडा रे लेबो-हमाथ सम्‍म फ्रेंदीन। मिनु मेको सेदाद सम्‍म जाक्‍दीत्‍चा माल्‍ब।

ब्‍यवस्‍था 1:7

मुल गे गाक्‍चा गोने। कनानी आन रागी लने। एमोरी आन पहाड नु दिंमम लने। मेको आ नेक्‍था ङा अराबाह माइक्‍तीके यो लने। मेको पहाड बाक्‍ब। मेको शेफेलाह, नेगेब नु समुन्‍द्र आ नेक्‍था ङा कनानी आन रागी बाक्‍ब। गे लेबानोन नु युफ्रेटीस माइश्‍शो ठेयब खोला सम्‍म लने’ देंत।

ब्‍यवस्‍था 3:9

सीदोनीपुकीमी हेरमोन डांडा कली सिरीयोन नु एमोरीपुकीमी सेनीर देंनीम।

यहोसु 11:19

मिनु गिबोन ङा मुर हिव्वीपुकी ला इस्राएलीपुकी नु गारशा सल्‍ला पाम्‍तेक्‍म। अरु सहर ङा मुरपुकी मेकोपुकी नु गारथ मजाक्‍म। मोपतीके इस्राएलीपुकीमी सहर नेल्‍ल नु लडाइ पा ग्राशा, आंम के सेल्‍तेक्‍म। यहोसु ९:१५

यहोसु 11:3

पूर्ब नु पच्‍छिम ङा कनानी आन पिप नु एमोरी आन पिप, हित्ती आन पिप, परिज्‍जी आन पिप, पहाड रागीम बाक्‍ब यबुसी आन पिप नु रागी ङा हेरमोन डांडा आइदी मिस्‍पा रागी गे बाक्‍ब हिव्‍वी आन पिप, नेल्‍ल आन कली ब्रेश्‍शा सोइक्‍ताक्‍व।

यहोसु 13:3

इजीप्‍त रागी ङा पूर्ब ङा शीहोर खोला रे लाइश्‍शा इजीप्‍त आ उत्तर ङा एक्रोन सम्‍म लीशो बाक्‍तेक्‍म। मेको नेल्‍ल कनानी आन रागी बाक्‍ब। मिनु पलिस्‍ती आन ५ जना सासन पाइब आन सहर गाजा, अश्‍दोद, अश्‍कलोन, गाथ नु एक्रोन लीशो बाक्‍नी‍म। मिनु दक्‍खिन ङा आव्‍वीम ङा मुर आन रागी यो लीशो बाक्‍त।

यहोसु 13:5

गेबाली आन रागी, लेबानोन नेल्‍ल नु पूर्ब गे ङा हेरमोन डांडा दी ङा बाल-गाद रे लाइश्‍शा, लेबो-हमाथ सम्‍म लीशो बाक्‍नी‍म।

यहोसु 19:28

मिनु एब्रोन, रेहोब, हम्‍मोन नु कानाह सहर रे पा ठेयब सीदोन सम्‍म जाक्‍दीश्‍शो बाक्‍त।

यहोसु 9:7

मिनु इस्राएलीपुकीमी मेको हिव्‍वी आन कली “गेपुकी आंइ दातेमी बाक्‍ब मुर बाक्‍नीनी, कों? गोपुकी गेपुकी नु दोपा गारने चाप्‍नीकी ङा?” देंतेक्‍म। यहोसु ११:१९; प्रस्‍थान २३:३२

न्‍यायाधीस 10:12

मिनु सीदोन ङा मुर, अमालेक आ मुर नु मोआबीपुकीमी इन कली दिप्‍मेनु ‘वारच पाइय्‍यीकी’ दे ब्रेत्‍तीनी। मेना इन कली मेको आन गुइ रे प्रोंइता।

न्‍यायाधीस 10:7

मोपतीके परमप्रभु यावे मेकोपुकी नु गाइश्‍शा मेको आन कली पलिस्‍ती नु अम्‍मोनी आन गुइमी गेवा बाक्‍त।

न्‍यायाधीस 14:4

परमप्रभु यावेम सिम्‍सोन कली मेको मीश आल कली दाक्‍पाइश्‍शो बाक्‍त, दे आ आम आफोमी मतुइश्‍शो बाक्‍ताक्‍स। परमप्रभुमी पलिस्‍ती आन कली खतम पचा कली मोदेंशो पशो बाक्‍माक्‍त। मेना पलिस्‍तीपुकीमी इस्राएली आन कली सासन पशो बाक्‍मा बाक्‍त।

न्‍यायाधीस 18:7

मिनु मेको ५ जना मुर लशा, लाइश सहरमी जाक्‍दीम्‍मा बाक्‍त। मेकोपुकीमी मेकेर ङा मुर आन कली सीदोन ङा मुरपुकी खोदेंशो पा लडाइ मपथु, रिम्‍शो नु क्‍येट थीब दुम्‍शा, बाक्‍शो तामे बाक्‍त। मेकोपुकी नु मारेइ मारेइ बाक्‍माक्‍त। मेको आन रागी सीदोनी आन रागी क्‍येङा ङोन बाक्‍माक्‍त। मिनु मेकोपुकी आंमा ला बाक्‍शो बाक्‍मा बाक्‍त।

न्‍यायाधीस 3:2

मोदेंशो मारेइ मतुइक्‍ब इस्राएली आन कली दोपा लडाइ पचा, दे शेंचा कली परमप्रभुमी अर्को जात ङा मुर आन कली वोइश्‍शो बाक्‍माक्‍त।

न्‍यायाधीस 4:2

मोपतीके परमप्रभु यावेमी मेको आन कली हासोरमी सासन पाइब कनानी आन पिप याबीन आ गुइमी गेवा बाक्‍त। मेको आ लडाइ पाइब आन ठेयब मुर सीसेरा माइश्‍शो बाक्‍माक्‍त। मेको हरोशेथ-हा-गोयीममी बाक्‍माक्‍त। यहोसु ११:२

१ सामुएल 13:5

मिनु पलिस्‍तीपुकी इस्राएली नु लडाइ पचा कली बुक्‍मा बाक्‍त। मेकोपुकी नु ३० हजार बग्‍गी, ६ हजार शारा ङोइक्‍बपुकी नु समुन्‍द्र ङा बाल्‍वा खोदेंशो पा हिक्‍ने मचाप्‍चा ङा पा खोइलीम गाक्‍ब लडाइ पाइब मुर बाक्‍मा बाक्‍त। मेकोपुकी इर ग्रूशा, बेथ-आवेन आ पूर्ब गे मिकमाशम आन बाक्‍तीके सेल्‍मे बाक्‍त।

१ सामुएल 29:2

पलिस्‍ती आन ठेयब मुरुम आन नेल्‍ल क्‍येङा सक्ति पाइश्‍शो लडाइ पाइब आन कली सहे सहे नु हजार हजार ङा हुल पा कप्‍तान दुम्‍मा बाक्‍त। दाऊद नु आ मुरपुकी नोले ङा हुलमी अकीश नु गाक्‍शो बाक्‍मा बाक्‍त। यहोसु १३:३

१ सामुएल 6:16

मिनु पलिस्‍ती आन ५ जना ठेयब मुरुमी मेको नेल्‍ल तशा, मेको नाक्‍तीन एक्रोन लेम्‍मा बाक्‍त।

१ सामुएल 6:18

मिनु सुन के यिच चहिं गारो हिरशो सहर आन कली नु आन हुकुम पाइब नु आन एर ओंथ ङा सहर आन कली का का बाक्‍माक्‍त। मिनु मेकोपुकीमी परमप्रभु यावे आ कबल पशो सन्‍दोस कली लाइश्‍शा, ठेयब फुल्‍लु तारी वोदमे बाक्‍त। मेको फुल्‍लु मुल सम्‍म बेथ-शेमेश ङा यहोसु आ रूम सांकछी बाक्‍ब।

१ सामुएल 6:4

मिनु मेकोपुकीम “गो दोस आ पर्बम मार चढ़ेतीक सोइक्‍नीकी?” दे हिल्‍लो पामे बाक्‍त। मिनु मेकोपुकीम “५ ओटा सुन के कान नु ५ ओटा सुन के यिच, इन ५ जना ठेयब मुर खोदेंशो पा नु इन कली श्‍येत गे‍ब कान खोदेंशो पा सोइक्‍तीन। यहोसु १३:३