न्‍यायाधीस 3:21 - Sunuwar Bible

²¹ मिनु एग्‍लोन आ नित्‍तीके रे बोक्‍शा राम्‍माक्‍त। मिनु एहूदमी आ पेरा गुइमी आ ग्‍युरा गे बाक्‍शो तरवार ग्रुंइशा, मेको पिप आ कोव़जमी तूदा बाक्‍त। २सामुएल २०:९-१०

न्‍यायाधीस 3:21 ပူးပေါင်းရင်းမြစ်များ

अय्‍युब 20:25

मेको ब्रा मेको आन कली ख्रिश्‍शा ग्रूनीम। मेको ब्रा आन टल्‍केशो ङरम मेको आन खाइल पुक्‍शा ग्रुंइब। मोपा मेको शुश हिंनीम। ब्‍यवस्‍था ३२:४१

जकरिया 13:3

मिनु लें‍शा सुइमी जोल पा नोले दुम्‍तीक लोव़ पाप्‍तु हना, मेको कली थीब आ आम आफोमी मेको कली ‘गे बेक्‍चा माल्‍नेवे। मारदे हना गे परमप्रभु यावे आ नेंमी जोल लोव़ पाप्‍तीवी’ देंनीस। मिनु मेकोमी जोल पा नोले दुम्‍ब लोव़ पवानु, आ आम आफोमी मेको कली साइक्‍नीस। ब्‍यवस्‍था १३:६

२ कोरिन्‍थी 5:16

गो मुल रे मुर नेल्‍ल आन कली रागी ङा मुर खोदेंशो पा मकोव़नीकी। खेयप का गो ख्रीस्‍त कली मुर खोदेंशो पा कोव़तक। मुल मोदेंशो ममिम्‍नीकी।

न्‍यायाधीस 3:16

मिनु एहूदमी आंम कली कुबीत का लाइश्‍शो निक्‍शी गे हेश्‍शो क्‍योरतीक पाइश्‍शो तरवार का सेल्‍शा, आ वा आगामी ग्‍युरा गे ख्रुइश्‍शा पिप्‍शा कुरा बाक्‍त। कुबीत का ०,५ मिटर कि ठेयब हात का खोदेंशो बाक्‍ब।

न्‍यायाधीस 3:20

मिनु मेको पिप आ दरवार ङा तला तारी सितल कोठामी बाक्‍शो बाक्‍माक्‍त। मिनु एहूद मेको आ ङोंइती जाक्‍शा “परमप्रभु रे पा गो इन कली लोव़ का देंचा माल्‍नुङ” देंमाक्‍त।

न्‍यायाधीस 3:22

मेको तरवार आ ग्‍याइक्‍तीक सम्‍म ओव़माक्‍त। मिनु कोव़ज ङा बोंसोम मेको तरवार नेल्‍ल सुमा बाक्‍त। मिनु पिप आ कोव़ज रे ख्री ग्रूमाक्‍त। मिनु एहूदमी तरवार मग्रुंइथु, प्रोंइशा वोदा बाक्‍त।

१ सामुएल 15:33

मिनु सामुएलमी “दोपा इ तरवारम मीश मुर आन कली आल मपाइश्‍शो सेला, मोपा इ ममा यो मीश मुर आन दातेमी आल मपाइश्‍शो दुम्‍ब” देंमाक्‍त। मिनु सामुएलमी अगाग कली परमप्रभु यावे आ ङोंइती गिल्‍गालम क्‍योरशा सदा बाक्‍त।