न्‍यायाधीस 3:20 - Sunuwar Bible

²⁰ मिनु मेको पिप आ दरवार ङा तला तारी सितल कोठामी बाक्‍शो बाक्‍माक्‍त। मिनु एहूद मेको आ ङोंइती जाक्‍शा “परमप्रभु रे पा गो इन कली लोव़ का देंचा माल्‍नुङ” देंमाक्‍त।

न्‍यायाधीस 3:20 ပူးပေါင်းရင်းမြစ်များ

२ सामुएल 24:12

मार लोव़ पवा बाक्‍त देंशा हना “गे दाऊद कली परमप्रभु यावेम इ कली मार देंब देंशा हना ‘गो इ कली लोव़ सां गेन‍न। मेको आन दाते ङा का योव़चा माल्‍नेवे। मिनु गो मेको इ कली पाइनुङ’ देंत” देंमाक्‍त।

नेहेम्‍याह 8:5

मिनु एज्रामी आ लाइश्‍शो बाक्‍तीकेमी राप्‍शा, नेल्‍लेम तचा ङा पा मुर आन ङोंइती मेको किताब प्राक्‍तु। मेको किताब प्राक्‍गानु, मुर नेल्‍ल बोक्‍तेक्‍म।

भजन संग्रह 29:1

गे सक्ति पाइश्‍शो आन तौपुकी, परमप्रभु यावे कली “गे सक्ति नु छेङछेङ पाइश्‍शो बाक्‍नीनी” देनीन। भजन संग्रह १०३:२०-२१

येरमीया 10:7

गे रागी रागी ङा पिप, इन कली सुम मान पा महिंनीमी ङा? गे मान पाइक्‍चा शिरशो बाक्‍नीनी। रागी रागी ङा मुर आन जोक्‍ब तुइक्‍ब नु मेको आन राज्‍य नेल्‍लेमी इन खोदेंशो सुइ मबाक्‍नीम।

येरमीया 36:22

मेना मेको बर्स ङा ९ महिना बाक्‍तीके, पिप हिंउदम बाक्‍तीके, खिंम बाक्‍शो बाक्‍त। मेको आ ङोंइती मी ब्रशो बाक्‍त।

आमोस 3:15

गो हिंउदमी बाक्‍तीक खिं नु हुप्‍शोमी बाक्‍तीक खिं निम्‍फा प्रेत्‍नुङ। मिनु हात्ती आ दाराम दारशो सेल्‍शो खिं ब्रेत्‍नीम। मिनु ठेयब खिंपुकी यो खतम सेल्‍नुङ” दे परमप्रभु यावेमी देंत। १राजा २२:३९; भजन संग्रह ४५:९

मीका 6:9

परमप्रभु यावेमी सहर कली “आं कली मान पा हिंचा इन कली श्‍येत रे प्रोंइतीक दुम्‍ब। गे थर ङा मुर नु सहर ङा ग्रुम्‍तीक ङा मुर आन लोव़ नेनीन।

गन्‍ती 23:18

मिनु बालाममी परमप्रभु आ देंशो लोव़ पा “बालाक बोक्‍शा, आं लोव़ नेनो। सिप्‍पोर आ तौ इ नोफा दाइक्‍तो।

न्‍यायाधीस 3:19

एहूद चहिं गिल्‍गाल आ नेक्‍था बाक्‍शो फुल्‍लु के मूर्ति आन बाक्‍तीक रे लेश्‍शा, पिप कली “पिप, गो इन कली ख्रुइश्‍शा लोव़ का पचा माल्‍नुङ” देंमाक्‍त। मिनु पिप एग्‍लोनम “सिक्‍सी पने” दे आ नेक्‍था बाक्‍ब नेल्‍ल आन कली लाङगा सोइक्‍तीमी बाक्‍त।

न्‍यायाधीस 3:21

मिनु एग्‍लोन आ नित्‍तीके रे बोक्‍शा राम्‍माक्‍त। मिनु एहूदमी आ पेरा गुइमी आ ग्‍युरा गे बाक्‍शो तरवार ग्रुंइशा, मेको पिप आ कोव़जमी तूदा बाक्‍त। २सामुएल २०:९-१०