न्‍यायाधीस 3:15 - Sunuwar Bible

¹⁵ मिनु इस्राएलीपुकीमी लेंशा “वारच पाइक्‍की” दे परमप्रभु यावे कली थोव़मेनु, परमप्रभु यावेमी इस्राएली आन कली श्‍येत रे प्रोंइचा कली बेन्‍यामीन आ थर ङा गेरा आ तौ एहूद कली सोइक्‍ता बाक्‍त। मेको पेरा गुइम गेय पाइब बाक्‍त। मिनु इस्राएलीपुकीमी मेको कली मोआब ङा पिप एग्‍लोन आ बाक्‍तीकेम तिरो थाप्‍थ सोइक्‍तमे बाक्‍त।

न्‍यायाधीस 3:15 ပူးပေါင်းရင်းမြစ်များ

२ सामुएल 20:10

आमासामी योआब आ गुइमी तरवार बाक्‍शो मतुइक्‍ता बाक्‍त। मिनु योआबमी मेको आ कोव़जम तूदा बाक्‍त। मिनु मेको आ गा क्‍यी खपीम दोक्‍शा बेक्‍माक्‍त। मेकोमी खेयप निक्‍शी तूचा ममाल्‍दा बाक्‍त। मिनु योआब नु आ लोक्‍ब अबीशै बिक्री आ तौ शेबा कली खेदा पना पन लसा बाक्‍त। १राजा २:५

२ सामुएल 20:9

योआबम आमासा कली “आं लोक्‍ब आमासा गे रिम्‍शोन बाक्‍ङे?” दे हिल्‍लो पवा बाक्‍त। मिनु मेकोमी आमासा कली पुक्‍पु पाइक्‍चा कली आ ग्‍युरा गुइमी मेको आ गल शोक्रे ग्‍याइक्‍ता बाक्‍त।

१ इतिहास 12:2

मेकोपुकी लिब्रा कुरब बाक्‍मा बाक्‍त। मिनु ग्‍युरा नु पेरा गुइ निम्‍फामी ब्रा नु हुरद आप्‍ने चाप्‍ब बाक्‍मा बाक्‍त। मेकोपुकी बेन्‍यामीन आ थर ङा सावल आ खिं खिं ङा मुर बाक्‍मा बाक्‍त।

१ इतिहास 8:3

बेला आ तौ अददार, गेरा, अबीहुद,

१ इतिहास 8:5

गेरा, शेफुफान नु हुराम बाक्‍मा बाक्‍त।

२ इतिहास 9:24

मिनु मेको कली ग्रुम्‍थ जाक्‍ब नेल्‍लेमी सुन नु चांदी के मार मार, फेक्‍तीक वापुकी, यापुकी, मस्‍लापुकी, शारापुकी नु खच्‍चरपुकी बर्स बर्सम कोसेली चाक्‍बाक्‍मा बाक्‍त।

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

भजन संग्रह 78:34

परमप्रभुमी मेको आन दातेमी का निक्‍शी सदानु, मेको लीशोपुकी मेको गे लेश्‍शा, मेको कली थाम्‍पा माल्‍तेक्‍म।

भजन संग्रह 90:15

गे गिश नाक्‍त सम्‍म आंइ कली श्‍येत गेनी? मिश नाक्‍त सम्‍म आंइ कली ग्‍येरपाइक्‍की। गो शुश बर्स श्‍येत जाइतक।

हितोपदेस 18:16

सुमी कोसेली गेबा, मेकोमी ठेयब मुर नु लोव़ पचा यो ताइब। उत्‍पत्ती ४३:११

हितोपदेस 19:6

शुश मुरुमी ठेयब मुर आन शिशी दाक्‍नीम। मिनु सुमी अरु कली गेबा, मेको आ वारच शुश बाक्‍नीम।

हितोपदेस 21:14

ख्रुइश्‍शोमी मार मार गेशोनु, चुरब मुर यो मचुरनीम। मिनु वा आगामी ख्रुइश्‍शा गेशोमी ठेयब गाइक्‍तीक तेक्‍ब। १सामुएल २५:१८-३५

यसैया 36:16

हिज्‍कीयाह आ लोव़ मनेनीन, मारदे हना अस्‍सुर ङा पिपमी इन कली “गो नु गारीन। मेकेर रे ग्रूशा आं बाक्‍तीके जाक्‍कीन। मो पाइतीनी हना, गे नेल्‍ल इन रू ङा अङगुर बोट नु इन फोव़शी रवा ताइनीनी। मिनु इन आंम कुवा ङा ब्‍वाक्‍कु तूचा ताइनीनी। १राजा ५:५; मीका ४:४

येरमीया 33:3

मेकोमी “आं कली ब्रेत्‍ती। मिनु गो इ कली लोव़ लेत्‍नुङ। मिनु गो इ मतुइश्‍शो ठेयब नु ख्रुइश्‍शो थोव़क शेंनुङ” देंत।

न्‍यायाधीस 2:16

मिनु नोले परमप्रभु यावेमी मेको आन कली रोइक्‍ब आन गुइ रे प्रोंइचा कली निसाफ पाइब सोइक्‍ता बाक्‍त। मिनु मेको आन कली प्रोंइना प्रोंइन बाक्‍मा बाक्‍त। प्रेरित १३:२०

न्‍यायाधीस 20:16

मेको आन दातेमी ७ सहे पेरा गुइ चलेब, हुरद आप्‍चा शुश जोक्‍ब मुर यो बाक्‍मा बाक्‍त। आन सहर नु गिबा रे यो जाक्‍मा बाक्‍त।

न्‍यायाधीस 3:14

इस्राएलीपुकी १८ बर्स सम्‍म मोआब ङा पिप एग्‍लोन आ सासनमी बाक्‍मा बाक्‍त।

न्‍यायाधीस 3:16

मिनु एहूदमी आंम कली कुबीत का लाइश्‍शो निक्‍शी गे हेश्‍शो क्‍योरतीक पाइश्‍शो तरवार का सेल्‍शा, आ वा आगामी ग्‍युरा गे ख्रुइश्‍शा पिप्‍शा कुरा बाक्‍त। कुबीत का ०,५ मिटर कि ठेयब हात का खोदेंशो बाक्‍ब।

न्‍यायाधीस 3:9

मिनु इस्राएलीपुकीमी “वारच पाइय्‍यी‍की” दे परमप्रभु यावे कली थोव़मेनु, इस्राएली आन कली प्रोंइचा, दे केनाज आ तौ ओथ्‍नीएल कली सोइक्‍ता बाक्‍त। मेको कालेब आ लोक्‍ब बाक्‍त। मिनु मेकोमी मेको आन कली प्रोना बाक्‍त। न्‍यायाधीस १:१३; यहोसु १५:१७-१८

न्‍यायाधीस 4:3

मिनु लेंशा इस्राएलीपुकीमी परमप्रभु यावे कली “वारच पाइय्‍यीकी” दे थोव़मे बाक्‍त। मारदे हना सीसेरा के ९ सहे फलाम के बग्‍गी बाक्‍तेक्म। मिनु इस्राएली आन कली २० बर्स सम्‍म शुश श्‍येत गेशा, दिप्‍शा वोइश्‍शो बाक्‍माक्‍त।

१ सामुएल 10:27

मेकेर मरिम्‍शो मुर यो बाक्‍मा बाक्‍त। मेकोपुकीमी “एको मुरुम आंइ कली आंइ जोरी सत्रु रे दोपा प्रोंइने चाप्‍बा ङा” देंमा बाक्‍त। मिनु मेकोपुकीमी सावल कली शुक्‍शी पा मेको कली मान पतीके यो मारेइ मचाक्‍ग्‍मे बाक्‍त। तन्‍न सावल सिक्‍सी पा बाक्‍माक्‍त। १सामुएल ११:१२