न्‍यायाधीस 3:13 - Sunuwar Bible

¹³ मिनु एग्‍लोनमी अम्‍मोनी नु अमालेक ङा मुर आन कली लडाइ पचा कली खुप्‍तीमी बाक्‍त। मिनु इस्राएली नु लडाइ पचा गोव़मे बाक्‍त। मिनु खजूर रवा बाक्‍शो सहर आंम के सेल्‍मे बाक्‍त। न्‍यायाधीस १:३६

न्‍यायाधीस 3:13 ပူးပေါင်းရင်းမြစ်များ

ब्‍यवस्‍था 34:3

नेगेब नु दिंम, मेको यरीको ङा दिंम बाक्‍ब। खजूर रवा आ सहर यरीको रे सोआर सम्‍म कोंइताक्‍व। इतिहास २८:१५

न्‍यायाधीस 1:16

मोसा आ शिउ आ खिं ङा होबाब आ चच युइ, केनीपुकी नु यहूदा ङा मुरपुकी खजूर रवा आ सहर रे पा आराद सहर आ नेक्‍था ङा नेगेबमी बाक्‍शो यहूदा ङा गोरशो रागीमी लमा बाक्‍त। मिनु मेकेर बाक्‍ब अमालेक ङा मुरपुकी नु बाक्‍चा गोव़मे बाक्‍त। न्‍यायाधीस ४:११; गन्‍ती १०:२९; यहोसु १२:१४

न्‍यायाधीस 10:11

मिनु परमप्रभु यावेमी इस्राएली आन कली “ङोंइती इन कली इजीप्‍त ङा मुर, एमोरी, अम्‍मोनी नु पलिस्‍ती आन गुइ रे प्रोंइतन्‍नी।

न्‍यायाधीस 10:12

मिनु सीदोन ङा मुर, अमालेक आ मुर नु मोआबीपुकीमी इन कली दिप्‍मेनु ‘वारच पाइय्‍यीकी’ दे ब्रेत्‍तीनी। मेना इन कली मेको आन गुइ रे प्रोंइता।

न्‍यायाधीस 10:9

अम्‍मोनीपुकीमी ओंथ हाम ला ममाइ, यर्दन आइक्‍ची हांबु यो शोक्‍शा, यहूदा आ थर, बेन्‍यामीन आ थर नु एफ्राइम आ थर ङा मुर आन कली लडाइ तोव़मे बाक्‍त। मिनु इस्राएलीपुकीमी शुश श्‍येत जामे बाक्‍त।

न्‍यायाधीस 3:14

इस्राएलीपुकी १८ बर्स सम्‍म मोआब ङा पिप एग्‍लोन आ सासनमी बाक्‍मा बाक्‍त।

न्‍यायाधीस 5:14

एफ्राइम आ थर ङा मुर दिंमम जाक्‍तेक्‍म। बेन्‍यामीन आ थर ङा मुरपुकीमी मेको आन नोले खोइक्‍तेक्‍म। माकीर रे आन ठेयब मुर यिम्‍तेक्‍म। जबूलून आ थर ङा मुर आन रागी रे पिशा, आन थर ङा कप्‍तानपुकी जाक्‍तेक्‍म। यहोसु १७:१

न्‍यायाधीस 6:3

इस्राएलीपुकीमी वांचेर शोक्‍गमे चोटीन मिदयान ङा मुरपुकी, अमालेक ङा मुरपुकी नु पूर्ब ङा मुरपुकी जाक्‍शा, इस्राएलीपुकी नु लडाइ पाइबाक्‍मा बाक्‍त। ब्‍यवस्‍था २८:३३