न्‍यायाधीस 21:5 - Sunuwar Bible

⁵ मिनु नोले इस्राएलीपुकीमी “तेको थर परमप्रभु यावे आ ङोंइती मजाक्‍मा?” दे हिल्‍लो पमुमा बाक्‍त। मारदे हना मिस्‍पामी मेकोपुकीमी “परमप्रभु यावे आ ङोंइती सु मजाक्‍बा, मेको कली साइक्‍चा माल्‍ब” दे कसम जशो बाक्‍मा बाक्‍त।

न्‍यायाधीस 21:5 ပူးပေါင်းရင်းမြစ်များ

येरमीया 48:10

सु सुमी परमप्रभु यावे आ गेय देश पा पाइनीमी, मेको सराप राइनीम। आंम तरवार कली हुश ख्राक्‍श पोक्‍तीके रे तेक्‍ब सराप राइ‍नीमी।

न्‍यायाधीस 21:1

मिनु ङोंइती मिस्‍पामी जाक्‍शो इस्राएलीपुकीमी मार कसम जशो बाक्‍मा बाक्‍त देंशा हना “गोपुकीमी इं तमी आन कली बेन्‍यामीन आ थर ङा मुर आन कली ग्‍युंबे पा मगेय” दे कसम जशो बाक्‍‍मा बाक्‍त। न्‍यायाधीस २०:१

न्‍यायाधीस 21:18

तन्‍न गो मेको आन कली इं तमी गेने मचाप्‍नय” देंमा बाक्‍त। मारदे हना इस्राएलीपुकीमी “सुम बेन्‍यामीन आ थर ङा मुर कली आ तमी गेबा, मेको सराप राइब” दे कसम ज‍शो बाक्‍मा बाक्‍त।

न्‍यायाधीस 21:6

मिनु आंम लोक्‍ब बेन्‍यामीन आ थर ङा मुर आन पर्बम ङाक्‍शा “मुलाक्‍ती इस्राएल ङा थर का क्‍याम्‍साक्‍व।

न्‍यायाधीस 5:23

परमप्रभु यावे आ स्‍वर्ग ङा गेय पाइबमी ‘मेरोज कली सराप पावो। मिनु मेकेर बाक्‍ब मुर आन कली सराप पावो। मारदे हना मेकोपुकीमी परमप्रभु यावे कली मारेइ यो वारच मपाम’ देंत।

१ सामुएल 11:7

मिनु मोपा गाइश्‍शा, हाल का ब्‍यफ टुक्रा टुक्रा पा चेक्‍गा बाक्‍त। मिनु मुर आन कली मेको टुक्रा कुरपाइश्‍शा इस्राएल रागी नेल्‍लेमी “सु मुर लडाइ पथ सावल नु सामुएल आस नोले मखोइक्‍नीमी, मेको आन ब्‍यफ यो ओदेंशो टुक्रा टुक्रान दुम्‍नीम देनीन” दे सोइक्‍तीमी बाक्‍त। परमप्रभु यावेमी मुर आन कली शुश हिंपाइश्‍शो बाक्‍माक्‍त। मोपतीके मेकोपुकी थुं का दुम्‍शा, सावल नु सामुएल आस नोले खोदमे बाक्‍त। न्‍यायाधीस १९:२९

१ सामुएल 14:24

मेको नाक्‍ती सावलमी ममिम्‍थु, गेय पवा बाक्‍त। मेकोमी मुर आन कली “गो आं जोरी सत्रु आन कली क्‍येक्‍क लेन्‍ने मथुमु सम्‍म, सुम नाक्‍दो दुम्‍चा क्‍येङा ङोंइती जाइ‍बा, मेको सराप रल” देंशा कसम जपाइक्‍मी बाक्‍‍त। मोपा मेको नाक्‍ती इस्राएली थाम्‍पा दशो बाक्‍मा बाक्‍त। सुइमी मारेइ मजामे बाक्‍त।